هههههههههههه والله موضوع روقان.... والردود والمواقف اروق..
انا صار لي موقف قبل فتره طويله..
كنا معزومين غدا في مزرعه.... واستقعدلنا الوالد لازم نروح معه..
المهم تغدينا والوالد مايبغى يمشي يحب يتكي هناك العصريه والقهوه والفله..
اخذت اثنين من اخواني ودزيناها ع البيت ورانا مباراة..
رجعت البيت بسرعه بعد العصر.... واثاري الوالده الله يحفظها هي وجارتنا عازمين نصف حريم الشعب السعودي الموقر
المهم عندنا في الحوش شبك حمام طويل عريض واشكال وانواع الحمام موجوده..
ونص البنات طلعوا في الحوش يتفرجون ع الحمام ومستانسين واحلى فله
الوالده قالت خذوا راحتكم مافيه احد بالبيت..
وصلنا البيت بعد العصر وعلى طول فتحنا الباب وقوة درعمه نبغى نغير ونلحق المباراة
وشوي اسمع صوت تفحيط كفرات..!!!!
اثاريه صوت دزت البنات يوم هجو
وانواع السرعه والجلنطات مع اللفه والحوادث عند الباب
شي عجيب بصراحه..
وانا المشكله مارجعت ولاشي واقف مكلج تقريباً دقيقتين ابغى استوعب اللي صار قدامي
وهل فعلا انا دخلت بيتنا ولا طبيت ميدان سباق راليات
ما ادري ليش البنات مكبرين الموضوع.؟
يعني لو جلسوا مكانهم بندخل واول ماننتبه لهم بنسكت ولانطالع ويمكن ننحرج وندخل البيت ونغير..
ونطلع ولا كأن شي صار.... يمكن يلحقها نظرات خطافيه واحنا طالعين
لكن الوضع مايحتاج كل هالحوسه والدوسه..!!
والحوادث والاصابات اللي صارت..!!
وبغت تروح فيها ارواح ... وتغتال براءة الاطفال اللي كانوا عند الباب
سوري طولت عليكم لكن حبيت ادخلكم اجواء القصه مضبوط..
يسلمووو حلا ع الموضوع الحلو..
ويعطيكم العافيــة جميعاً..