تسلمييين على الموضوع الحلو والمواقف المحرجه
انا صارلي موقف مررررره محرج بس انا الي جبته لنفسي
كنت متكشخه بثوب احد اخواني والشماغ والعقال ومسويه حركات
المهم رن جرس البيت واخذ السماعه الي يطلع الوالد
سمعت صوته ولاماسمعته طرت طيران ابيه يشوفوني فتحت الباب وياليتني مافتحت
طلع ابوي وصديقه الا ماعاد ادري وين ربي حاطني
قمت وارفع الثوب واحط رجلي وبوي ينادي والله ستر يحسبني اخوي
وماوقفت الي في البيت ثواني وانا مبدله كل شي>>>>بريئه الاخت
وهقت اخويخخخ جاء الوالد يهاوشه ويقول ليه تهرب وانا اناديك عند الرجال
واخوي ماعرف وش السالفه
وبعدهاااا توبت البس ثوب او حتى المسه

تحياتي

إقتباس الرسالة الأصلية كتبت بواسطة قهوجية الهلال اسكتي بس انا شافني زوج اختي من الصدمه مدري وش اسوي وسديت أذاني

هههههههههههههههههههههههههههههههههههههههه
هههههههههههههههههههههه رهيبه طبعا حركة لاإيراديه ..
دوك

إقتباس الرسالة الأصلية كتبت بواسطة miss mishoo تسلمييين على الموضوع الحلو والمواقف المحرجه انا صارلي موقف مررررره محرج بس انا الي جبته لنفسي كنت متكشخه بثوب احد اخواني والشماغ والعقال ومسويه حركات المهم رن جرس البيت واخذ السماعه الي يطلع الوالد سمعت صوته ولاماسمعته طرت طيران ابيه يشوفوني فتحت الباب وياليتني مافتحت طلع ابوي وصديقه الا ماعاد ادري وين ربي حاطني قمت وارفع الثوب واحط رجلي وبوي ينادي والله ستر يحسبني اخوي وماوقفت الي في البيت ثواني وانا مبدله كل شي>>>>بريئه الاخت وهقت اخويخخخ جاء الوالد يهاوشه ويقول ليه تهرب وانا اناديك عند الرجال واخوي ماعرف وش السالفه وبعدهاااا توبت البس ثوب او حتى المسه تحياتي

ههههههههههههههههههههههههههههههه

بس عرفتي ترقعينها والله ..
منوره والله دوك

مـوقـف مـضـحـك وطـريـف


ويـاااا كثـرهـااا بـس خـلـووهـا مـسـتـوورة


عـواافـي حـلا وسـعـتـي صـدوورنـااا ..

انـاا تـزوجـت عـقـب طـبـة بـالـخـطـااا .. وياازيـنـهـاا مـن طـبـة

وجهها للقبلة وسمى عليها وقال بسم الله والله اكبر

إقتباس الرسالة الأصلية كتبت بواسطة just hilaly هههههههههههههههههه ذكرت مره اخوي كان جايب في البيت عامل يصلح شي في الكهرب وكان فيه وحده من قرايبنا وأخوي وهو داخل بأعلى صوت ياولد وهي كانت في الصاله من الخوف ماعرفت وين تنحاش دخلت تحت الكنب يوم دخل اخوي الصاله قال لحد يجي بيدخل العامل>> توهقت قالت لحظه في انا قال اخوي من انتي قالت انا فلانه اخوي<< قال خلاص بطلع وانتي اطلعي ربي ستر بس ام الاحراااج ومن هنا نصيحه للبناات اذا دخل عليكم احد لاتتوزون تحت الكنبات والفرش أطلقي ساقيك للريح بلا رجعه

هههههههههههههههههههههههههههههه
رهيبه مرت اخوووك ..
شكرا لك منوره

إقتباس الرسالة الأصلية كتبت بواسطة مَاهِينُورْ : : وعليكم السلام ورحمة الله وبركاته أهلين وسهلين حلآ موضوع حلو رُغم تحفضي على بعض الأمور المواقف في بعض الردود مُضحكة جداً الله يسعدك ويسعدهم مثل هالمواقف كثير ماتحصل حتى لو كنتِ حريييصه , لأن الي قدامك مو حريص , " يا أخي تنحّنح " وش بيضرّك ؟! أو أحياناً أهلك ماينبهونك مثل موقفك مع صديق ابوك , أو الي يتنحنح ويدخل مباشرة قبل ما يأذن له , يعني إنّي سوّيت الي عليّ بالنسبة لي أنا , ماقد صارت لي مواقف في بيتنا الحمد لله لأن مستحيل أحد يدخل وأبوي واخواني ما نبّهوا والي بيدخل بيكون بالمكان المخصص للرجال , فـ وش بيودّيني هناك ؟!! تصير لي هالمواقف مع المراهقين الي تونا متغطّين عنهم لأن ماعندهم خبره ومتعوّدين يدخلون وأيضاً صارت لي هالمواقف مع الكبار وأكثرها قدام شخص واحد وفي بيتهم , الله يهديه نادراً مايتنحنح أو ينادي أو يستأذن مع العلم إنه يعرف إن البيت فيه بنات !! كذا مرّه يدخل ويصير بوجهي أنا وقريباتي وبعد مايدخل يتنحنح أو يصدّ , وش عقبه ؟!! بعض الشباب أو حتى الشيّاب من أقاربك يقهرون كأنه على البنت تتغطى في كُل مكان أما هوّ عادي يدخل بأي لحظة وبأي مكان بدون إستئذان أو تنبيه وأحيانا بدون سبب للدخول !! يعني إلا لازم يكون معك طرحه أو جلآل أو شرشف طول الوقت بسبب هالدخول المُفاجئ !! والمفروض هذا هو الواجب خاصّه مع تواجد هالأشكال الله يصلحهم وعلي العكس تماما في شباب ما شاء الله تبارك الله همّ الي يتغطّون عنّك مو أنتِ أتذكّر واحد الله يذكره بالخير لمّا يمرّ من قدامك حتى لو أنتِ متغطية يلتفت للجهة الثانية ويغطّي وجهه بشماغه أيضاً بعض البنات الله يصلحهن كأنهن يقولن تعالوا شوفوني ! خاصّة بالأماكن المفتوحة " الإستراحات , المزارع , المخيّمات " أعتقد هذي لازم يكون معك شيّ تتغطّين فيه احتايطاً إلا في حال تأكدك من عدم تواجد أي غريب معليش تكلمت كثير بسّ هالمواقف على انها تضحّك بسبب ردّات الفعل الي تصير إلا أنها تقهر وتنرفز الله يسترنا بستره ويحفظنا شُكراً حلآ

هلا والله .. ماشاءالله تبارك الله
كلااام سليييم صراحه ..
وامين الله يسترنا بستره ..
منوره تفضلي

إقتباس الرسالة الأصلية كتبت بواسطة حـــــــزش حلا انا ولد خالتك الي بالسياره سبحان الله هذا انتي ماتغيرتي لا انا عندي موقف عساه مايمر على احد و ماراح انساه بحياتي :: رايح لولد خالتي باخذه بنطلع نسووع كالعاده فتح الباب قالي تعال ادخل فيه جرايد اليوم جايبهم ابوي اقراهم شفهم بالمجلس باخذ حمام وجي يعني يبي يتسبح ويغير ريحته العفنه (وجه ساد خشمووه) وكل دايم انتظره بالملحق الا هاليوم التعيس رحت للمجلس لان فيه الجرايد بقعد اتصفحها اه ياهووو موقف ياشينه من موقف . طبعن رجل خالتي انسان وقور له مكانته بالعايله رجل ملتزم والكل يحبه ويتونس بالجلسه معه لكثرة احترام الناس له وفوووق هذا له هيبه عجيبه وهو من شيبان القصمان الي اذا دخل البيت يتنحنح علشان الي بالبيت يدرون انه جاء الي منسدح يتعدل والي واقف يقعد والي غريب يتغطى (وجه يقول وش هالهرج) المهم ونا جالس اتصفح جريدة الشرق الاوسط بالمجلس والله ما انساها مادريت الا وباب المجلس ينصك رفعت راسي الا ورجل خالتي مستعجل ويفصخ ثيابه يبي يبدلهم ورا الباب عاد يوم يدخل كان عليه سروال طويل الوسيع حق الشياب وفنيله بس وتعرفون الشياب مايلبسون الا سروال واحد المهم انا مادري وش اسوي ودي الارض تنشق وتبلعني عاد مجلسهم كبيررررر ونا بعيد عن الباب انا اخذت وضع الميت وكتمت انفاسي لاني ماحبيت احرجه وهو مانتبه يا الله على الاحرااااااااااج وهو يغير ملابسه اسمع ولد خالتي يناديني بصووت عالي. ابوه استعجل وفتح الباب يهاوش على ولده يقول قصر صوتك اشفيك تصارخ عاد هيبة ابوووه عندهم موبسيطه . قال ولد خالتي انادي على فلان. قاله اطلع برا بالحوش وصارخ بيديك ورجليك عنده يحسبني بالملحق قال ولد خالتي لا هو ماهوب بالملحق هو بالمجلس وراااك ياالله الرجال احمر وجهه وازرق واخضر وتحتحت شعرراسه (مع ان ماله شعر بس لزوم الموقف) يعني ضاعت اعلومه مايدري وش يقوول التفت يناظرني وعيناه مفدوغتان الا ونا اتبسم ابتسامة الدلاخه يعني كني ماشفت شي بعدها كرهت بيت خالتي ومعها خالتي و فوقهم ولد خالتي واسكتو لا اكرهكم معهم الحين لها اكثر من ثلاث اسنين وهو اذا شافني يقول الله يهديك استر ماواجهت وهو يبتسم ونا صراحه ساتر عليه ماعلمت احد الا ولد خالتي وخالتي والشباب بالاستراحه ونتم الحين تكفون طلبتكم استرو ما وجهتو تراني مالي خلق التنسيق الي عاجبه يقراه والي مو عاجبه يطق براسه الجدار وش اسوي لكم بعد اكتب لكم وافضح رجل خالتي ونسق بعد بعدين تراني ضيف عندكم من منتدى الجمهور الهلالي لكم ودي واحترامي

هلا وسهلا بضيفنا ..
هههههههههههههههههههههههههههههه ولد خالتي سديراوي يالقصيمي
بالنسسبه لموقفك .. قسسسم احراااااااااج بقووه ..
كان المفرووض قلت انا هنا مااهوب تسكت ولا عاجبك الوضع
بس صراحه حرام عليك كان سترت على الرجال وهذا وانت ماعلمت ماشاءالله هههههههههههههههههههههههههههههههههههه
بس جدا موقف اليييم ..
دوك وردتين

موضوع تحفة اهنيك عليه
الموقف الاول /
مرة في رمضان اخوي عزم صديقة على الفطور وانا ذاك اليوم منكسرة نظارتي
ووقفت بوسط الصالة منها اطالع التلفزيون ومنها اكون قريبة من المطبخ عشان ماتحترق السمبوسة
المهم: اثاري الباب مفتوح ودخل اخوي وصديقة للمجلس واخوي من الصبح وهو يأشر لي عشان اروح وانا وربي ما اشوف الا زولة والله ستر بغيت اروح له على بالي يناديني بس الاكيد ان صديقة شافني.

الموقف الثاني/
اخوي بالملحق مع ولد عمي.. اذن العشاء وعلى بالي ان هم طلعوا للمسجد اثاري اخوي يتوضئ وولد عمي ينتظرة بالملحق
واجيك طااااايرة انا واختي الكبيرة نتسابق على الريموت عشان الرسيفر حقنا خربان وما لنا الا تلفزيون اللي بالملحق
انا جيت وجلست واخذت الريموت واختي وقفت عند الباب ثم رجعت شافته...
واشرت لي ان فيه احد وراك ثم التفت الا اشوف ثوب ابيض قمت بشويش وكاني ماسويت شي وبعدها ماتشوفون الا غبرتي وراي والاهم ان اخوي ما درى عن السالفة ليومك هذا.

ووووبس

وعليكم السلام
ههههههههههههه وسعتي صدري على مواقف الحلوه
دايم تصير لي وخاصه اذا رحتي لصديقتي وجارتنا اخوانها وابوها يدرعمون وبس والمشكله الاكبر صديقتي تضحك علي وانا متفشله
الله يسعدك اختي وجيبي من هالمواقف

هههههههههه

الصراحة انا بعض المرات أتقابل انا وبنات خالي او اي بنت بالغلط أنا اللي أستحي ويصير وجهي أحمر ماأدري وراه..


أما بخصوص اللي يقول مغربية و يخربط

أنا أقول يكفي البنت السعودية عزها وشرفها وأخلاقها

موب مثل الأجنبية اليوم معك وبكرى مع رجال غيرك

يالبى السعوديات كلهن