[c]""""""""مقدمة/ كل واحد على هذه الدنيا بيموت وهذي حقيقه لا بد ان يعرفها كل واحد
بعد المقدمه الطويله والمزركشه نبدا في موضوعنا """""""""
بصراحه الموضوع كتبته لاسباب كثيره
[/c]
واحد/ ان معظم الاعضاء الان على صفيح ساخن يعني يختبرون(وش رايكم بصفيح ساخن حلوه !!صح!!! توني شايف فلم محماس فوق صفيح ساخن)
ثنين / ان اللي يختبرون الحين لازم يدخلون على المنتدى واذا شافو مواضيع جديده وعلى مستوى عالي مثل هالموضوع (أي هين مستوى عالي هذا الموضوع ...من الحين اللي يشوف ان زي هالمواضيع اللي اكتبها مستواها عالي يروح لمطوع يقرا عليه)..خلوني اكملكم!!! اللي يختبرون يدورون شي يلهيهم عن المذاكره فيبدون يقرون بالمنتدى وبعد كذا تشوف الشهاده كلها دواوير حمر (زلطه) يعني رسوب...وهذا اللي انا ابغاه كل اعضاء الزعيم يرسبون عشان يصيرون مكافحين اكثر وتزيد عدد سنين الدراسه عندهم
خامسا واخيرا / بصراحه فيه كثير من الاعضاء لهم قرون وسنون كثيره والتاريخ اللي في قاع العلبه مكتوب عليه صالح حتى 2002 وحنا دخلنا سنه 2003 يعني انتهت مدة صلاحيتهم ..
صدقتو ان خامسا الاخير ..لأ ثالثا هو الاخير / اللي يشوف نفسه انه صالح لعام جديد ثاني يرد على الموضوع موضحا فيه اسبابه الشخصيه وصوره 4×6 وملف علاقي اخضر اللي بيجيب ابيض مايقبل
رابعا واخيرا صدق / لمن يريد الدخول في السوم الرجاء كتابة القيمه بورقه وتقديمها بمظروف مختوم او معلوج من عنز عوراء
ودمتم

[c]بســـــــــــــــــــــــــــم الـــلــــــــــه نـبــــــــــــــــــــــــدأ الحــــــــــــــــــــــــــــــــــــــــــراج[/c] ابو الذهب ابن القعقاع ال سوهارتو

الحراج مفتوح عليه مين يسومه؟؟

مواصفاته

= من فخذ السوهاتره وهو من اشهر فخوذ ملوك العرب الاصيل باندونيسيا ينتسب الى سوهاتر بن مرة بن اسماعيل بن ابراهيم الخليل
اسنان ذهب ولا اروع!!! من ذهب الاولين ايام كليل ودمنه بالهند يرقصون في حدائق الحبحر يتاج محل
= يشرب من بزبوز البراده بخشته مباشرت(ن) لضمان سلامة الاسنان
= استمارته مجدده ودافعن التأمين التعاوني للرخصه مدى الحياة(لعب عليهم راحو فيها شركت التأمين , بتخسر)
= لعــيــــــــــــــــــــــــب كيرم ولا اروع بلغ من الحرافه درجه انه يطبب كرة البلياردو في خفس الكيرم
= اقتصادي جد جدا بحيث وصل الى درجه انه لا يستخدم المنديل في مش خشمه لتواضعه واقتصاديته.ويكتفي باستخدام كم الكبك اللايسر في ثوبه
= عيناه متخاصمتان(احول) وهناك مساعي ومحاولات جاده من يديه وبقية اجزاء وجهه الى ايجاد حل سلمي بينهما
= السعابيل لا تكاد تفارق براطمه الكستنائية


صمت العيون المدرعم

الحراج مفتوح عليه مين يسومه؟؟

مواصفاته

= مسجله عضويته هنا بكفاله من شركة المردغه القابضة
= تقول مصادر موثوقه بانه يتمتع بصك اعسار (يحظه عنده واسطه قويه) وتشير تنبؤات انه (دبوس) وعميل لنادي خصم للزعيم.والعياذ بالله
= عصقول وطويل يمكن استغلاله لتمسيح الاسقف واللمبات وايضا يستخدم كجسر لعبور الشعبان او كعمود لتعليك كشاف ملعب طائره بالبر
= علامه مسجله وحاصل على شهاده الايزو القصمنجيه (بوه)
= عرض عليه تصوير دعايه تجاريه بمقدم عقد مفتوح لمنتج (كليجا)
= محترف في تربية الدجاج واحيانا يطلع في الحاره والدجاجه على كتفه (مسويه فيها صقر هالدجاجه)


وش رايكم نحرج على عضوه ..!؟
اكيد موافقين ..صح
اوكي

العنود بنت عطيات آل دق دي

الحراج مفتوح عليه مين يسومه؟؟

مواصفاته

= يمكنها استخدام العلوك على اكبر درجه من الاقتصاديه وتحب قريض السيسبان
= داخل تخانق وطالعه تخانق ومن حسن الحظ متوافقه مع ويندوز اكس بي وايضا مع الاسلوب التعاملي المصري
= معصقله وكأن عصاقيلها اصابع توكس.ويمكن استخدامها كأعمده لتعليق اللوحات الدعائيه
= اكبر مفحطه بالجهره تجوب شوارعها بقنازعها وتفحط برجولها في البرح والاراضي الفضاء وكأن على منطقه الجهرا كتله من السحب بسبب غبارها وعجتها
= شعرها يحتاج لكوي كل عشر طعشر ثانيه ولا يوجد به قمل او قوارص نهائيا( بشهادة القوارص )ويمكن استخدام بصيلاته في اسقف البنايات والجدران كأسيام صلبه ومتينه


[c]خلاص انتهينا خلاص انتهينا
لا باقى الحلا
ولا وش رايكم نحلي بواحد مشرف
يله
[/c]
البارق بن سعد سعيد (اسم والده مركب)ابن لادن (راح فيهاالرجال ...ارهابي)

الحراج مفتوح عليه مين يسومه؟؟

مواصفاته

= المشرف هذا منتهيه صلاحيته عام2000 (كما هو موضح على اسمه) ونظرا لان خانته لا يوجد لها بديل في دكة الاحتياط ...فهو لحد الان صالح اجبارا
= يشتغل مدرسن بالخبره وليس بالدراسه حيث انه اخذ الكفاءة بعد(هاتريك ) فتقرر تعيينه مربيا للاجيال نظرا لاخلاقه الرياضيه المنتازه
= مشروبه المفضل عصير بصل الذي يجعله يطير مثل( ابي الحروف) اللي في المناهل
= اخيرا شكله بيسوي لموضوعي (ايقنور)واروح فيها انا وانطرد من المنتدى
= يجيد فنون طبخ الاندومي وساندويش الجبن والبيض وتصييد القمل


[c]@ وش رايكم بالمقدمه اللي في الموضوع؟ [c]@ وش رايكم بالمقدمه اللي في الموضوع؟ حلو صح!!

@ السومه عند الدلال جحدر!!

@ تنويه// السعى 2.5(دلاله)+1.2(ضرائب فندقيه)+0.8(بدل ريحه وخياس)=4,5% ( صافي) من قيمه العضو
@ وش رايكم في الالوان اللي فوق (على فكره هذي الالوان مثل بـــــيزة امي اللي في مطبخنا)
@ ترقبو الحراج الثاني للاعضاء
الكنز نواف
سهل 888
قرقاص
شهد الدلوعه
اللي مايبي ينسحب من اللي فوق يسجل اعتذاره!!!
وبعدين يراجعنا بكره ...!!يمكن نوافق!! ويمكن مانوافق!!

@ واللي يبي..!! يسجل اسمه رباعيا
[/c] [/c]