#1  
قديم 12/04/2011, 10:35 AM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
Icon16 قهوة الثلاثاء :d عاجل ومهم وضروري // أرجو التصويت لـ I B R A H E M

بسم الله الرحمن الرحيم

السلام عليكم ورحمة الله وبركاته ,,,

بصراحة جازت لي سالفة قهوة الثلاثاء وفي ظل غياب عريسنا الغالي طارق قلت بستلم الطاره واقهويكم
خاصة ان يوم الثلاثاء يوم مقدس بالنسبة لي منذو كنت طفلاً وكزوا على منذو
لاننا ايام الابتدائية كنا نقلب الحصة الاخيرة من يوم الثلاثاء نشاط وايام الثانوي كل ثلاثاء نستاجر استراحه بملعب
ونفت كوره بسب رخص الاستراحات ويوم الثلاثاء يكون فيه التخطيط ليوم الاربعاء اللي يقول عنه الشاعر :

انت الربوع وكلهم ليلة السبت ** انت السعد وهم النكد والتعاسه

التصويت وما ارداك ما التصويت

هذا الموضوع يؤرقني كثيراً كأنسان وكمشرف وبصراحة جلست مع نفسي جلسه تفكير بعمق حول مواضيع
التصويت التي ملئت الدنيا واشغلت الناس !!
كانت البداية مع حبيبنا محمد علي أفضل الصلاة والسلام حيث استغلوا حبنا لرسول الله ودفاعنا عنه ليخرجوا لنا
بدعوه للتصويت له .. وهنا سألت نفسي هل رسولنا الكريم يحتاج الى هذه الاصوات ليُثبت لنا انه سيد بني آدم !!

ألَم تَر أن السيف ينقص قَدْره ** إذا قيل إِن السيف أمضى من العصا !!

بعد ذلك بدأت رسائل التصويت انشر تؤجر تصل الينا من كل حدب وصوب وفي كل مره يخترعون موضوعاً حساساً
يدعوننا للتصويت اليه والمضحك المبكي ان البعض يشرح لك في الرسالة طريقة التصويت وبالصور لانه قد تكون
لغة الموقع التي تصوت فيه هنغاريه أو بيزنطينيه وانا وانت نأتي بكل سذاجه ندربي رؤسنا
ونتبع تلك الخطوات التي لا ندري الى اين توصلنا وفي مصلحة من تصب !!

اغلبنا قرأ عن ذلك الهندي الذي كسب الملايين من هذا التصويتات وبغض النظر عن صدق سالفة الهندي من كذبها
الا اني متاكد ان هناك الكثير ممن يفكرون ويخططون للضحك علينا بشتى السبل ونحن في سبات عميق ودباشة لا متناهيه
نحسن الظن الى درجة اقفال العقل ولو فكرنا قبل طرح اي موضوع او نقل اي رسالة لما انتشرت مثل
هذه الرسائل انتشار النار في الهشيم !!

وحتى لو كان هذا التصويت من العم الكبير قوقل او من البنتاغون فهل تصدق انهم سوف يأخذون
رأي ورأيك في أي حدث او تسمية او قرار !! لا اعتقد ان دمويقراطيتهم وصلت الى هذا الحد وهذه السذاجه !!
فهم ربما يضعون هذه التصويتات من باب " نطق طق عليهم " وهو باب معروف ومشهور عند كل شعوب العالم
وليس نحن فقط وحتى يشعلونا ويكسبون من خلال هذه التصويتات فعدد الزيارات لتلك الروابط والموقع
ترفع من قيمتها ومن قيمة الاعلان فيها وكل هذه ببركة العرب المغلوبين على امرهم !!

حقيقة في البداية كنت ساذجاً وكنت اشارك في تلك التصويتات ومن ثم عرفت انها لعبة فتركت المشاركة
ولكني الان سأعلن محاربتها مهما كانت وعن اي موضوع وأتمنى من الجميع ممن يشاركون في عالم الانترنت
ان لا يكونوا كحاطبي الليل فيحطبون الجيد والردئ من هذا العالم دون تمحيص ونظر وتفكير .

في الختام لا تنسون تصوتون لـ I B R A H E M

دعواتي لجميع بالتوفيق دائماً .
  #2  
قديم 12/04/2011, 10:42 AM
الصورة الرمزية الخاصة بـ خـيـالـيـه
عضو تحرير مجلة الزعيم
تاريخ التسجيل: 26/09/2010
المكان: AlRiyadh
مشاركات: 2,409
وعليكم السلام والرحمة
يا حيا الله آبو مقبل ..
شكلها عجبتك السآلفة
والله ماشاء الله قهوة(ن) طيبة .. << تمدّ فنجاله << شكله بتسرّب القهوة

يوم الثلآثاء ..
آيييييه يا هاليوم ..
هاليوم يذكرني بمباريات الهلآل بالآسيوية ..
ويوم الكرف بالنسبة لي ..
لان بعده يوم الآربعاء
ويوم الآربعاء يجون خواتي الموقرات وذرّهم الله يصلحهم ان شاء الله

آثاريك لعيب كورة وحنا ماندري يا آبو مقبل ..
ما شاء الله .. هذي اللي يسمونه: المواهب المدفونة


نجي لسالفه التصويت ..
بقولك باختصار: ماادري منهو اللي هذاك الشئ << ناويه تسب
اللي اقترح سالفة التصويت ..
مدري وش يحس فيه ..
شكله الله العالم منبح صوته وبيحط حرته بالعالم

مااقولك اني ماعمري سويته !!!
لا ابدا !! قد سويته ..
لكن مع الآشياء المعقولة ..
اللي تدخل العقل ..

صفحتي بالتمبلر به خانه تصويت ..
لآني آبي آعرف حجم الناس اللي اعجبوا بصفحتي ..
وفيه تحت كل تدوينه حاطه خاصية التصويت ..
بعد لآني آبي آعرف آذا الناس اعجبتهم هالتدوينه آو لآ ؟!!..

وياما صوّت لآشياء كثير ..
لكن المعقولة !!..

مب ستار اكاديمي ..
شاعر المليون ..
الفنان المفضل ..
الكليب المفضل ..
مدري وش بعد ........

تفاهات حطوه للي عقولهم خفيفة .. مع آحترامي لهم

وآن شاء نبي نصوّت لبريه << للحين مدري وش سالفته

اللهم صلي وسلم على نبينا محمد ..
ما هو محتاج لتصويت ولاهم يحزنون ..
خاتم الآنبياء وسيّد المرسلين ..

واذا على سالفة آنشر تؤجر ... الخ
اذا جتني رسالة عالبريد من هالنوع.. آمسح هالكلمتين وآنشر الرسالة
آخذ آجر -بآذن الله- وبدون هالتفاهات

تحياتي لك آبو مقبل ..
وقهوة(ن) دايمة يا رب .. << بدري،، خلصتي القهوة
يا جعله مجلسٍ عامر بذكر الله ..
والله يوفق آستاذ طارق ويتمم عليه ان شاء الله وعسى الله يرزقه الذرية الصالحة ..

اخر تعديل كان بواسطة » خـيـالـيـه في يوم » 12/04/2011 عند الساعة » 11:11 AM
  #3  
قديم 12/04/2011, 10:45 AM
زعيــم مميــز
تاريخ التسجيل: 31/07/2007
المكان: الشرقية
مشاركات: 5,433
صباحكم سنكرس لونه اونج << الجديد ماعرف اسمه

ولا عمري صوت في المواضيع التي تنتشر سواء في المنتديات او الايميلات

ومثل ماتفضلت نبينا الكريم مو محتاج تصويت حتى نثبت انه سيد البشرية

والحين طايحين بالتصويت للخليج العربي ولا يزعلون حنا نسمية خليج عربي وهم يسمونه خليج فارسي

وحتى لو اتفرضنا انهم سموه فارسي ماعتقد بيضرنا دام حدودنا عليه هي الاطول

هلالي من ارض اليمن الله يرجعك بالسلامة يا عريس

ماجد شكراً على الموضوع الخفيف الي مثل طعم السنكرس

ايوااا نسيت وش دخل ابراهيم في التصويت
  #4  
قديم 12/04/2011, 10:47 AM
زعيــم مميــز
تاريخ التسجيل: 29/12/2007
مشاركات: 2,189
والله انك صاادق يا ابو مققبل

ياخووي الكبير والله انها دلآخه وقمممة في الغباااء اذا جاك راابط فيه قم بالتصويت لخير البشر عليه الصلآة والسلآم سلآماات وش تصويته نبينا عليه الصلاة والسلام اشرف من التصويت ولا هو بحاجة للتصويت ..

لا واللي يقهر ويفقع القلب اذا جاك باخر الايميل انشر تؤجر الله يشفيهم بس << ماني ناشر ومابي اجر من ورى هالتصويتات ،،

وبععدين انتبه لا يدري العرريس ض1 ض1 عن قهوة الثلاثاء

اسممع عندي لك فككرتن رائعتن وجميلتن انت سوي لك قهوة وانا اول زبون لك وخلها يوم السبت الظهر احلى وقت ض1 ض1 << مقهى شيشة

يعطيك العافية يا ماجد مقبل << والله انه احلى عليك ض1
  #5  
قديم 12/04/2011, 10:56 AM
الصورة الرمزية الخاصة بـ الاسطورة واحد
مشرف منتدى الجمهور الهلالي
ورئيس تحرير مجلة الزعيم
تاريخ التسجيل: 01/11/2006
المكان: الرياض
مشاركات: 5,022
أهلين ماجد ... وش ذا الانقلاب على طارق ما صدقت يروح الا وتأخذ مكانه ..
المسيكين راح يبي ينبسط ، ما يدري أنك تبي تستغل الفرصة


بخصوص التصويت أعتقد أن ( فكرة التصويت ) فكرة جيدة وتدل على الديمقراطية .. ولكن التصويتات اللى أزعجونا فيها العالم سواءً عن الدين أو الشخصيات أو المسميات ، فهي ضحك على العقليات ، ومثل ما قلت يا ماجد هي محاولات للكسب من وراءه وأن أختلفت المكاسب من جهة إلى أخرى .
عموماً أتمنى أن لا ننساق خلف أي محاولات لإثارة الرأي الإسلامي أو الشخصي، ونفكر قبل أن ننساق خلف تلك التصويتات وهل التصويت في مثل هالمواضيع والقضايا سيجدي نفعاً أو لا ..
  #6  
قديم 12/04/2011, 11:01 AM
زعيــم مميــز
تاريخ التسجيل: 09/04/2007
المكان: , , , , ,
مشاركات: 1,902


وين أنت ياطارق ورثكـ ماجد وأنت حيّ ترزق اسم الله عليكـ

أوافقكـ الرأي بأن تلكـ التصويتات هراء والغرض منها إما :
ـ ربحٌ مادي .
ـ أو تسويق لموقع أو قناة .

بيد أني استثني من ذلكم الهراء ماكان لفائدة عائدة
أيًّا كانت كـ :
ـ الاستبانات التي تطرح لغرض ما إما لتلافي الأخطاء من
خلال مرئيات الناس ,
أو لمعرفة رأي العامة والمتابعين كالسؤال الذي يطرح عادة
في برنامج عبدالعزيز قاسم على قناة دليل كل جمعة .

هذا ما حضرني الآن وأحببت الإدلاء به ..


  #7  
قديم 12/04/2011, 11:05 AM
زعيــم مميــز
تاريخ التسجيل: 24/08/2007
مشاركات: 2,241
نفسي أفهم ليه ما تكبر خطك !!!
ترى في ناس تلبس نظارات و ناس بصرهم ضعيف و مو كلهم أصحاء ...
طبعا انا الحمدلله نظري 6/6 ولكن مع سلامة نظري عانيت و كذا حسيت بمن دوني .


إقتباس
فهم ربما يضعون هذه التصويتات من باب " نطق طق عليهم " وهو باب معروف ومشهور عند كل شعوب العالم
وليس نحن فقط وحتى يشعلونا ويكسبون من خلال هذه التصويتات فعدد الزيارات لتلك الروابط والموقع
ترفع من قيمتها ومن قيمة الاعلان فيها وكل هذه ببركة العرب المغلوبين على امرهم !!


قبل فترة كنت اناقش مع واحد بهذا الخصوص و خاصة في هذا الفيس بوك ..
هو يكلمني عن بعض الحملات و وصل عددها الى 100 الف زائر او غيره من الاراقم المأهولة ..

انا ما جربته كثير لكن بأعتقادي قلت له مثلا ممكن يجي واحد كلب ابن 66 كلب و يصمم صفحة خاصة بمناصرة فلسطن و بعد ما يشارك الشعب المسلم بقصد الهدف النبيل يقوم بتغير عنوان الصفحة الى حملة اخرى مثل دعوة الى مظاهرة او مطلب ما ..

اكثر شي قصتين (غاضتني ) بالتصويت هي ..
1- mbc او العربةي عندما وضعت تصويت عن افضل لاعب و قام منتدى الجمهور الهلالي بشحن الههم لتصويت و بالاخر طلع همهم وصول زوائر الصفحة الى رقم خيالي حتى ترفع قيمة الاعلانات عليها بعدما فشلت في جذب القاري الى اخبارها السخيفة ..

2- عضو كتب موضوع بالمجلس العام ناسي قصته و وضع رابط لخبر او فديوا عن هذا الموضوع و بعد ما ضغطت على الرابط طلعت لي رسالة تقول لي شكرا تم تصويتك للعضو ...
ضجك علينا
كان مشارك بلعبة و يطلب منه دعم البيضة او الدجاجة حتى تكبر بعدد معين من الزوائر لصفحته ..
المشكلة كتبت ردي على انه سخيف و ما ادري ايش و صار كل عضو يدخل يضغط على الرابط يبغى يشوف هذه السخافة

و بلغت عليها طكعادتي في خدمة المجتمع ولكن لم يحصل شي و تم نقل الموضوع فقط..


موضوع رائع
  #8  
قديم 12/04/2011, 11:13 AM
الصورة الرمزية الخاصة بـ A L 7 Z N
زعيــم مميــز
تاريخ التسجيل: 14/08/2001
المكان: { كنت في قلبه ملاك .. واليوم مع نفسي أصيح !!
مشاركات: 2,382


اهلن بماجدنا
والله يا ابن الحلال ان الناس طاحوا بالتصويت طيحه
الا انا كل ماشفت موضوع تصويت عطيته خامس
ما احب هالحركات
وبعدين صدق وش دخل ابراهيم
  #9  
قديم 12/04/2011, 11:37 AM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
إقتباس
الرسالة الأصلية كتبت بواسطة خـيـالـيـه
وعليكم السلام والرحمة
يا حيا الله آبو مقبل ..
شكلها عجبتك السآلفة
والله ماشاء الله قهوة(ن) طيبة .. << تمدّ فنجاله << شكله بتسرّب القهوة

يوم الثلآثاء ..
آيييييه يا هاليوم ..
هاليوم يذكرني بمباريات الهلآل بالآسيوية ..
ويوم الكرف بالنسبة لي ..
لان بعده يوم الآربعاء
ويوم الآربعاء يجون خواتي الموقرات وذرّهم الله يصلحهم ان شاء الله

آثاريك لعيب كورة وحنا ماندري يا آبو مقبل ..
ما شاء الله .. هذي اللي يسمونه: المواهب المدفونة


نجي لسالفه التصويت ..
بقولك باختصار: ماادري منهو اللي هذاك الشئ << ناويه تسب
اللي اقترح سالفة التصويت ..
مدري وش يحس فيه ..
شكله الله العالم منبح صوته وبيحط حرته بالعالم

مااقولك اني ماعمري سويته !!!
لا ابدا !! قد سويته ..
لكن مع الآشياء المعقولة ..
اللي تدخل العقل ..

صفحتي بالتمبلر به خانه تصويت ..
لآني آبي آعرف حجم الناس اللي اعجبوا بصفحتي ..
وفيه تحت كل تدوينه حاطه خاصية التصويت ..
بعد لآني آبي آعرف آذا الناس اعجبتهم هالتدوينه آو لآ ؟!!..

وياما صوّت لآشياء كثير ..
لكن المعقولة !!..

مب ستار اكاديمي ..
شاعر المليون ..
الفنان المفضل ..
الكليب المفضل ..
مدري وش بعد ........

تفاهات حطوه للي عقولهم خفيفة .. مع آحترامي لهم

وآن شاء نبي نصوّت لبريه << للحين مدري وش سالفته

اللهم صلي وسلم على نبينا محمد ..
ما هو محتاج لتصويت ولاهم يحزنون ..
خاتم الآنبياء وسيّد المرسلين ..

واذا على سالفة آنشر تؤجر ... الخ
اذا جتني رسالة عالبريد من هالنوع.. آمسح هالكلمتين وآنشر الرسالة
آخذ آجر -بآذن الله- وبدون هالتفاهات

تحياتي لك آبو مقبل ..
وقهوة(ن) دايمة يا رب .. << بدري،، خلصتي القهوة
يا جعله مجلسٍ عامر بذكر الله ..
والله يوفق آستاذ طارق ويتمم عليه ان شاء الله وعسى الله يرزقه الذرية الصالحة ..

هلا بك مبدعتنا خياليه
ومنوره الموضوع والحته والتصويتات ومن ناحية عجبني عجبني
ودي طارق يمدد اجازته عشان استغل الفرصة

ايه صح من مميزات الثلاثاء المباريات الاسيوية وابطال اوربا
بس من ناحية لعيب ذاك ايام اول ايام الثنيان اما الحين يالله حسن الخاتمه

اما بالنسبة للتصويت المنطقي مثل الاعجاب بصفحتك او تصويت علمي او ترشيح لاعب
يعني تصويت انت عارف الهدف منه ولك هدف فيه انا اشوف انه عادي
لكن المشكلة التصويت اللي على النت اللي ما تدري من مسويه ولا وش قصته
ولا الهدف منه !!

إقتباس
واذا على سالفة آنشر تؤجر ... الخ
اذا جتني رسالة عالبريد من هالنوع.. آمسح هالكلمتين وآنشر الرسالة
آخذ آجر -بآذن الله- وبدون هالتفاهات

هههههههههههههههههه
فكره حلوه بس الاهم من ها الكلميتن يكون محتوى الرسالة مفيد

شكرا لك اختي خيالية لحضورك وردك الجميل رغم انك خلصتي القهوة
بس بالعافية وعقبال الشاي ان شاء الله

اما ابراهيم تم ذكر يوزره من باب الاكشن خاصة انه من اكثر الناس المعارضين لها التصويتات

بالتوفيق لك دائماً
  #10  
قديم 12/04/2011, 12:03 PM
الصورة الرمزية الخاصة بـ سلطان الصولي
زعيــم مميــز
تاريخ التسجيل: 06/02/2011
مشاركات: 1,667
Talking

_

الجد أبحلونا بـِتصصّويتْ ه القوقل حق الخلِيججْ العربي أو الفارْسسّي ، وقسماً معروفينْ يبون الملاييٍن يدخلونْ وبالنهايهّ يجي رقمْ جديدْ قوقلّ في لحظهْ واحده 500 مليونّ مشاهد .
عزيزي ماجد مقبل بخصوصّ إنكْ سرقت القهّوه وين قاعدينْ مثلاً ؟
لبا قلبك ماجد .
بالتوفيق لك دائماً .
  #11  
قديم 12/04/2011, 12:15 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
إقتباس
الرسالة الأصلية كتبت بواسطة باسكن روبنز
صباحكم سنكرس لونه اونج << الجديد ماعرف اسمه

ولا عمري صوت في المواضيع التي تنتشر سواء في المنتديات او الايميلات

ومثل ماتفضلت نبينا الكريم مو محتاج تصويت حتى نثبت انه سيد البشرية

والحين طايحين بالتصويت للخليج العربي ولا يزعلون حنا نسمية خليج عربي وهم يسمونه خليج فارسي

وحتى لو اتفرضنا انهم سموه فارسي ماعتقد بيضرنا دام حدودنا عليه هي الاطول

هلالي من ارض اليمن الله يرجعك بالسلامة يا عريس

ماجد شكراً على الموضوع الخفيف الي مثل طعم السنكرس

ايوااا نسيت وش دخل ابراهيم في التصويت

هلا بمحلات الايس كريم كل ابوها
حياك الله اختي باسكن
وانا اكثر ما دبل كبدي ها الايام سالفة التصويت للخليج العربي مدري الفارسي
الحين خلصنا كل مشاكلنا مع ايران ما بقى الا سالفة ها الخليج !!
وبعدين الدعوه سايبه كل ما بغى قوقل يغير اسم يحط تصويت
اخاف بكره يسوون تصويت اسم الهلال الى القمر

شكرا باسكن هذا المرور اللي مثل ايسكريم السنكرس
بالتوفيق لك دائماً .

إقتباس
الرسالة الأصلية كتبت بواسطة داق لطمة
والله انك صاادق يا ابو مققبل

ياخووي الكبير والله انها دلآخه وقمممة في الغباااء اذا جاك راابط فيه قم بالتصويت لخير البشر عليه الصلآة والسلآم سلآماات وش تصويته نبينا عليه الصلاة والسلام اشرف من التصويت ولا هو بحاجة للتصويت ..

لا واللي يقهر ويفقع القلب اذا جاك باخر الايميل انشر تؤجر الله يشفيهم بس << ماني ناشر ومابي اجر من ورى هالتصويتات ،،

وبععدين انتبه لا يدري العرريس ض1 ض1 عن قهوة الثلاثاء

اسممع عندي لك فككرتن رائعتن وجميلتن انت سوي لك قهوة وانا اول زبون لك وخلها يوم السبت الظهر احلى وقت ض1 ض1 << مقهى شيشة

يعطيك العافية يا ماجد مقبل << والله انه احلى عليك ض1

هلا بك اخوي داق لطمه سابقاً
وفكرة المقهى ما هي شينة بس ابيك تجيب لي تصريح نحط معسل صدقني تلقى الزباين بالهبل
والمكسب ففتي ففتي
والله يستر من عريسنا لا يجي وينصدم بالموضوع
تسلم يالغالي وانت الاحلى وخلاص ماجد مقبل انتهى زمانه

دمت بخير دائماً

إقتباس
الرسالة الأصلية كتبت بواسطة الاسطورة واحد
أهلين ماجد ... وش ذا الانقلاب على طارق ما صدقت يروح الا وتأخذ مكانه ..
المسيكين راح يبي ينبسط ، ما يدري أنك تبي تستغل الفرصة


بخصوص التصويت أعتقد أن ( فكرة التصويت ) فكرة جيدة وتدل على الديمقراطية .. ولكن التصويتات اللى أزعجونا فيها العالم سواءً عن الدين أو الشخصيات أو المسميات ، فهي ضحك على العقليات ، ومثل ما قلت يا ماجد هي محاولات للكسب من وراءه وأن أختلفت المكاسب من جهة إلى أخرى .
عموماً أتمنى أن لا ننساق خلف أي محاولات لإثارة الرأي الإسلامي أو الشخصي، ونفكر قبل أن ننساق خلف تلك التصويتات وهل التصويت في مثل هالمواضيع والقضايا سيجدي نفعاً أو لا ..

هلا وغلا اخوي ابو صالح
والدنيا مولعة انقلابات ليه ما ننقلب ومثل ما قلت هي فرصة واستغليتها

بالفعل التصويت فكرة جيدة ولكن المشكلة في الهدف منها في بعض الاحيان يكون الهدف منه مجهول
او غير مقبول وفيه استغلال وهذا ما نرفضه .. اما اذا كان مفيد وواضح فهو جيد ورائع ..

شكرا لك اسطورتنا هذا الحضور الجميل
بالتوفيق لك دائماً .

إقتباس
الرسالة الأصلية كتبت بواسطة هـــ الشماسيةـــلالي


وين أنت ياطارق ورثكـ ماجد وأنت حيّ ترزق اسم الله عليكـ

أوافقكـ الرأي بأن تلكـ التصويتات هراء والغرض منها إما :
ـ ربحٌ مادي .
ـ أو تسويق لموقع أو قناة .

بيد أني استثني من ذلكم الهراء ماكان لفائدة عائدة
أيًّا كانت كـ :
ـ الاستبانات التي تطرح لغرض ما إما لتلافي الأخطاء من
خلال مرئيات الناس ,
أو لمعرفة رأي العامة والمتابعين كالسؤال الذي يطرح عادة
في برنامج عبدالعزيز قاسم على قناة دليل كل جمعة .

هذا ما حضرني الآن وأحببت الإدلاء به ..



هلا بك اخوي ابو يوسف
وابد العين ما يعلو على الحاجب انا حدي افتح مطعم صيدلية اما قهوة ما تصلح لي
بس ها الاسبوعين نستغل شهر العسل بتاع طارق ونعيش الجو
وكما ذكرت هناك تصويت مفيد وهناك تصويت هراء ومضيعه للوقت
واعتقد اي شخص عاقل يستطيع ان يفرق بينهما

شكرا لك اخوي عبد الله
والله يعطيك العافية على ها التواجد الطيب .

بالتوفيق لك دائماً .
  #12  
قديم 12/04/2011, 12:20 PM
الصورة الرمزية الخاصة بـ سلطان الصولي
زعيــم مميــز
تاريخ التسجيل: 06/02/2011
مشاركات: 1,667
_

للتذكير بإستبيان أفضل مشرف في المجلس العام | إضغط هنا !
ماجد إدخل ترا صوت لك !



  #13  
قديم 12/04/2011, 12:50 PM
الصورة الرمزية الخاصة بـ **الـــــــــواوا**
زعيــم مميــز
تاريخ التسجيل: 31/10/2006
المكان: وهل لي غير المـديـــنـــة موطناً ؟
مشاركات: 3,315
الله يذكر الأخ طـارق بالخير والله يتمم لـه على خـير,
بإذن الله
قعدت أحك رآسي كيف القهوه نزلت عن طريق الهلالي دآئماً.
مصآدره عيني عينك .

حاجتين ما أوآطنها بعيشة الله التصويت والثانيه
اللي يسألـك وبإجاباتك يقدر يحدد إذا أنت سعيد في الحياه أم لا ..
عليهم قوووة أسئله مثل مقياس كهرمان مدري كرمان وهكذا دوآليك
من هالنوعيه .
أستخفاف بعقول البشر .
  #14  
قديم 12/04/2011, 12:54 PM
الصورة الرمزية الخاصة بـ I B R A H E M
زعيــم مميــز
تاريخ التسجيل: 09/09/2009
المكان: رياض العز و الخير
مشاركات: 1,858
.

الله يخرشك يا ماجد

دخلت المجلس بكل براءة إلا أشوف أسمي بعنوان أول موضوع

الصراحة أنخرشت و جت ببالي ألف فكرة خصوصا أنه أمس الليل فيه شئ صاير

بس أشوى وقفت على كذا




إقتباس
الرسالة الأصلية كتبت بواسطة الهلالي دائماً

اما ابراهيم تم ذكر يوزره من باب الاكشن خاصة انه من اكثر الناس المعارضين لها التصويتات

لا تتهرب و أعترف أنك تبي تجلب أكبر زوار لموضوعك عشان كذا كتبت أسمي في العنوان




مشروع شات عظيم بالليل
  #15  
قديم 12/04/2011, 12:57 PM
الصورة الرمزية الخاصة بـ شوق الكويت
زعيــم مميــز
تاريخ التسجيل: 04/07/2008
المكان: KUWAIT
مشاركات: 5,948
Arrow

اهلا وسهلا ماجد


صراحه مافي مقارنه بين قهوة طارق وقهوتك


المهم اخبار المعرس عساه طيب ؟


على طاري التصويت يامعوود عالاقل صوت بقوقل احسن من لاتصوت على ارب قوت تالنت!!
واحد يتهيبل على راسك وصوت له على اساس انه موهبه للعالم العربي << شدخل هذا بالموضوع مادري



وان شاءالله ابشر بنصوت لابراهيم


   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:24 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube