ماله داعي أحد يحضر.. الدوري وضمناهـ والوحدة سهل.. وهذي بطولتين في الجيب.. خلونا في المهم.. - نادي الهلال السعودي - شبكة الزعيم

E×××p_Ert · #1 10/04/2011, 04:11 AM

كنت ناوي احط عنوان ثاني للموضوع وهو:

((( عدد الجماهير الهلالية الحاضرة لمباراة الهلال مع الشباب لا يزيدون عن 10 آلاف مشجع هلالي )))

والبقية كالعادة، لم يحضر أحد..

وبعدين ترددت وقلت خلني أحط الموضوع هذا يكون أحسن..

((( جمهور مكة أولى.. والحمدلله ياجمهور الرياض إن كاس ولي العهد صار في مكة.. تدرون ليش؟؟ )))

بعدين عاد مسحته للمرة الثالثة وكتبت الموضوع اللي تشوفونه..

((( ماله داعي أحد يحضر.. الدوري وضمناهـ والوحدة سهل.. وهذي بطولتين في الجيب..

)))

وطبعا عنواني الحالي هذا والأخير.. هو للجمهور الهلالي الحبيب بمكة والمناطق الثانية، اللي لو تقولهم تعالوا شوفوا الفريق بس راح يدخلون من باب ويطلعون من باب ثاني..

جوا يطامروون وعبوا الملعب..

ويمكن لو ما أثرتكم بالعنوان ما كان أحد جاني وكل واحد فيكم شايل عجرته معه..

كويسة الإثارة بعض الأحيان.. وانا ادري ان اكثركم اثارهـ العنوان مو تأييداً بل رفضاً قاطعاً للمبداً.. وهذا بصراحة شي جميل..

جمهور الهلال.. صار جمهور واعي عن أول بكثير ولله الحمد..

سواء في الإنتقاد.. أو في التحليل الفني.. أو في جانب الدعم حتى عن طريق وسائل الدعم المختلفة..

مثل دعم المشتريات الأصلية.. التبرع للنادي بنقاط إتصالات (موبايلي)..

لكن..

للأسف.. تبقت هنا لكن.. لكن الجمهور الهلالي (بالرياض فقط) في الفترة الأخيرة غرته التكنولوجيا كثير..

وأصبح من هواياته تتبع التقنيات الملهية عن مساندة الفريق الحقيقية.. الأ وهي الحضور إلى الملعب..

وهالتقنيات هذي سواء كانت موزعة في المقاهي.. أو حتى عن طريق إقتنائها بالبيوت عاد والكل عارفها وعارف انواعها اللي هي شاشات البلازما، والإل سي دي.. ولا نزلت بعد آخر شي شاشات LED

اللي منظر العشب الأخضر فيها طالع يجنن.. (بصراحة ودك ترعى فيه مو تتفرج وبس) واللاعبين كنهم يلعبون عندك بالغرفة مو في الملعب..

ياخوي اقتن على كيفك.. فلوسك وانت حر فيها بس احضر يرحم والدينك في مباراة الهلال بالإستاد.. وبالذات استاد الملك..

ولو رجعت لعنوان موضوعي الحالي.. فأقول الحمدلله بس ان كأس ولي العهد في مكة.. والله يستاهل جمهور الهلال هناك يتكرم ببطولة..

مو استجداء لأحد انه يحضر.. أو أقول كذا مثلا عشان احاول احمس أحد..

هذي الصراحة، والفراج ماجاب شي من عندهـ يوم قعد يدق فينا.. لأن هذي الصراحة..

المصيبة الآن.. الفريق بأمس الحاجة للدعم.. كل أنواع الدعم.. وبالذات الدعم الجماهيري..

وما يحرق القلب أن هناك فئة كبيرة من الجماهير تقول أن الهلال ضمن الدوري.. والوحدة سهل على الهلال.. وبطولتين في الجيب..

أكثر جمهور.. وأكبر جمهور.. والرقم الصعب.. والرقم المؤثر.. واللاعب رقم واحد..

وللأسف غير العاشقين الصادقين في العاصمة لم ينجح أحد..

والعاشقين للكيان بصدق في الرياض قلة.. لأن فيه عاشقين للهلال أضعاف أضعاف الفرق الأخرى.. لكن هم عشاق مشاهدة عن بعد..

وهذا النوع من العشق والهيام لا يخدمك يازعيم..

والمشكلة ان هالجماهير هذي اللي من نوعية (عن بعد) هم أكثر من يطالبون برجوع هلال زمان..

ولكنهم مع الأسف لا يريدون أن يعودوا كجماهير هلال زمان..

فالمعادلة لا تحل الا بإكتمال الحل لجميع أطرافها.. أفهمتم ياجماهير الهلال؟؟

كل ما عليكم هو مقارنة جمهور مباراة اليوم مع الشباب مع جمهور نهائي ولي العهد يوم الجمعة.. وقفوا على الفارق بأنفسكم..

شكراً لإصغائكم، وأعذروني على الإطالة..

1ابو ابراهيم · #2 10/04/2011, 09:33 PM

شكرا لك يا غالي

و انا معك في طرحك الراقي و الجايات صعبة

و الله يوفق الزعيم

Özil 10 · #3 10/04/2011, 09:39 PM

شكراً لك على الموضوع

والله يوفق الهلال

M66 · #4 10/04/2011, 09:43 PM

كلآم سليم

تقبــــــــل مروري .

Naهلآلية · #5 10/04/2011, 09:48 PM

موضووعكـّ في غااية الصصّدق اانا حتى معااكـّ بموضوع الحمدلله انو النهاائي في مكة

بصصّرااحة االجمهور الهلآلي تغير 180 درجة عن جمهور الهلآل الموسم المااضيّ ماادريّ اايشّ السبب

لكن حلآة مبااارياات الهلآل في الريااضّ جمهوووره >الرقم الصعب والمثير

تحيااتيّ لكـّ على كتااابتكـّ >>واسم الموضوعّ حلوو

..}ْ~

Abu Nayef · #6 10/04/2011, 10:39 PM

مشكووووووووووووووووووووووووووووووووووووور

..جود الهلالية .. · #7 10/04/2011, 10:43 PM

الحمدلله ان النهائي بمكه جمهور يفشل بصراحه
مالهم عذر اجاااااااااازه والدخول مجانا
بس جمهور الرياض متخاذل يبون بطولات بدون حضور
ولابعد يزعلون ااذا خسر الهلال شين وقواه عين

لاتلوموني ارتفع ضغطي من الحضور

SULTAN || 20 · #8 10/04/2011, 10:44 PM

بقول شي تعلمته من سامي الجابـر حكيم الفريق

لاتضمـن الدوري الا باخر لحظه حسـم

في اي لحظه ممكن تنقلب الطاوله ضد الهلال

مباراه الهلال والوحده نفس السيناريو ايضا

الوحده متعطش كثيـر للبطوله

وعنده عوامل تساعده على الصمود لاخر لحظه

غيابه عن البطولات - اقامه المباراه في ارضه

الاهم الاهم التركيز على الآسيويــــــــــه !!

رامي الغامدي · #9 10/04/2011, 10:48 PM

من حقنى كجمهور هلالي في مكه ان يلعب الهلال النهائي في مكه واذا فاز باذن الله راح نحتفل في مكه يارب وانا استغرب من الجماهير الهلاليه تزعل لان النهائي في مكه المفروض تفرحون لاهل الغربيه وانا انشاء الله بحط خيمه عند ملعب الشرائع علشان ادخل اول واحد للملعب اذا ربي اعطاني عمر واهل مكه وضواحيه راح يبيضو وجوهكم بالحضور

عاشقة زعيم الأندية · #10 10/04/2011, 10:59 PM

معاك حق اخوي

مع الأسف ما أكثر المواضيع التي تتحدث عن عزوف جماهير الرياض عن الحضور دون سبب

ولكن لاااحياة لمن تنادي

واشوووى إن نهائي كاس ولي العهد في مكة

وبالتوفيق للهلال

جنتلمان الزعيم · #11 10/04/2011, 11:01 PM

بالتوفيق لزعيم

...............

الربيع الهلالي · #12 10/04/2011, 11:08 PM

بصراحة قهرني عنوان موضوعك
بس بالاخير هديت
والله يعطيك العافية
وان شاء الله جمهور الهلال لا يخذلونا زعيمنا
وياليت الاتحاد السعودي لما طلب الهلال تكون المباراة
بملعب الملز كانوا وافقوا
ماني فاهم ايش بيضرهم
وفي اعتقادي احد اسباب عزوف الجماهير عن حضور المباريات
هو موقع استاد الملك فهد

عاشق التسعاوي · #13 10/04/2011, 11:09 PM

موضوع فالصميم كلام سليم جدا

شكرا اخوي

قلب تبوك · #14 10/04/2011, 11:14 PM

يعطيك العافية ياعسل ,
وأخـيـرا لـقـيـت أحـد يـوصـل هالـكـلام بـطـريـقـة حـلـوة ومـثـيـرة ...

مخاوي الهلال20 · #15 10/04/2011, 11:14 PM

اللي حضر بيض الله وجه واللي مو حاضر مايشوف شر عمرالهلال ماوقف على لاعب او مشجع او رئيس والله يوفق الزعيم في كل البطولات .