مبروك الفوز لربعنا ومبروك الفوز الثالث على التوالي اللي مابغى يجي قدرنا نقلب عليهم اللي مابعد صارت هالموسم الا قليل =( آكثر من هدف ضاع وسهله قدام المرمى لكن الحمدالله فزنا وحققنا المطلوب استبدال ميلو بـ توني انا قلت الرجال انهبل مطلع محور دفاعي ويخلي ماركيزيو واكويلاني . . !
قلصنا الفارق مع أودينيزي إلى 5 نقاط إن شاء الله نقدر نتآهل للآبطال وينهزم لاتسيو
بدون كآفاني هدآف الفريق ، ولقاء خآرج الديآر .. توقعتها خسارة لنابولي
لكن للأسف فازوا .. صحيح أن دي فآيو ضيع فرص أهداف حقيقية
لكن هذا ما يمنع استحقاق نابولي للفوز ولا يقلل من مجهود لاعبيه .
يوم عن يوم يزيد احترامي وإعجابي لـ ماتزاري ولو فاز بالدوري فهو يستآهله
...
والآن الضغط زآد علينا .. لآزم نفوز بأي طريقة يا ألليغري
أقسم بالله يا أليغري لو ما تفوز اليوم لأزعل منك
تكفى بيض وجيهنا اليوم ولا تخلي الناس يتطنزون علينا
أنا عندي إحساس وبالذات إني ممغوص من البارح عشان المباراة إنك بتخربها اليوم والله يستر بس
روما واودنيزي
أبوك يا توتي والاستهبال متى بتعقل الله يصلحك
يوفي وجنوى :
وأخيرا دز العجيز , ولأنك كبير يايوفي فأتمنى تكون في دوؤي الابطال الموسم القادم
نابواي وبولونيا :
بلا بثارة يا نابولي خلاص ترا المركز الثاني زين لكم أحمدوا ربكم بس
اودنيزي 56 لاتسيو 54 روما 53 يوفي 51 مزحومين الربع
مبروك لـ ميلان الانتصار .. بهدفي بآتو و سيدروف .. و لا يزال بآتو يثبت انه الرقم الصعب في الميلان
لآعب كبير وصل لـ 14 هدف
هذا وهو ما أخذ حقه بالتشكيل الأساسي بسبب أناني زمآنه سلطان السويد ، باتو عطه مدرب صآرم << لصغر سنه ، ويكون فآهم << لصعوبة الكالتشيو ، وأنا أضمن لك يكون باتو نجم الموسم
ومع ذلك أحلف لك يا عبدالهادي لو ميلان كسب الدوري بالنهاية - إن شاء الله - بيطلعون لنا نآس تقول أن إبراهيموفتيش له الفضل الأكبر وهو السبب الأول والأخير
مــبــروووووووووووكــــــــــ فوز الزعيم والروسنيري وعقبال الدوري ,,
مباراة أمس كانت فيها فرص وخصوصاً الشوط الثاني لو جبنا ثنتين منها كان ضمنا النتيجه وكان أليغري طلع إبرا ودخل بداله روبينهو وما أخذ كرت أحمر وأمس واحد من عيالنا في الرابطه يقول أن إبرا موقوف مباراتين بسبب الكرت الأصفر الخامس وبسبب الكرت الأحمر يعني كذذا بيتوقف عن مباتنا ضد سامبدوريا وضد بريشا وبيكون كاسانو متواجد الظاهر كاسانو هو وإبرا متازعلين مايبغون يلعبون مع بعض نرجع لـ موضوعنا اللي هو مبارتنا أمس اللي بدع أمس سيدروف كان مميز ويكفي من المباراة لقطتين اللقطه الأولى هدفه والثانيه تمريرته لـ باتو اللي ضاعت وأنا أشوف أن بواتينج مكانه هو صانع ألعاب الصراحه أكثر شيء قهرني في المباراة يوم دخل جاتوزو وبعدها بدقيقتين جاء هدفهم بسبب جاتوزو على العموم أتمنى تكون تشكيلة المباراة الجايه كذذا أبياتي
زامبروتا تياجو ييبس (نيستا) أباتي بوميل ميركل جاتوزو بواتينج باتو كاسانو
على العموم نبغى النقاط الكامله في جميع المباريات الجايه مانبغى تفريط ,,
أقول شباب ماتلاحظون فيه تشابه كثير بين مباراة الميلان أمس ومباراة الهلال أمس عاد أنا جبت لكم تسع نقاط متشابهه في المباراتين >> ترى تسع نقاط لـ عيون ويلي:
1-المبارتين أنتهت 2-1 2-المبارتين كانت 2-0 وتم تقليص الفارق إلى 2-1 3-المبارتين بدت في نفس الوقت تقريباً 4-المباراتين اللي فاز فيها المتصدر 5-اللي جاب هدفنا الأول وسط 6-اللي جاب الهدف الثاني مهاجم 7-اللي صنع الهدف الثاني وسط 8-بعد المباراة الفارق بقي كما هو عن الوصيف 9-اللي جابوا أهداف المباراة كلهم أجانب سواء أهدافنا أو أهداف الخصم
وأمس واحد من عيالنا في الرابطه يقول أن إبرا موقوف مباراتين بسبب الكرت الأصفر الخامس وبسبب الكرت الأحمر يعني كذذا بيتوقف عن مباتنا ضد سامبدوريا وضد بريشا
ومرآسل السكاي سبورت الإيطالية أكد هذا في أحد التصاريح
بصراحة .. اللامسؤولية من إبرا ستكلف ميلان الكثير
إبرا بعمر 29 ما قدر يمسك أعصابه وباتو بعمر 22 ينقذ الفريق بالأوقات الصعبة
إبرا بدأ يفقد أسهمه الجماهيريه من بعد مباراة توتنهام الذهاب
وكما سبق أن قلت وكررت .. ميلان أكبر من أنه ينشال على ظهر لاعب أو لاعبين حتى لو كانوا من حجم وطينة إبرا
الهجوم : توتي ( روما ) - توني ( اليوفي ) - لافيتزي ( نابولي ) ..
أنا أقول باتو يستحق يكون مع هذي التشكيله بدال توني أو لافيتزي لأن باتو كان نجم المباراة لأنه صنع هدف وجاب هدف وكان السبب الرئيسي في الفوز وما أتوقع أحد يخالفني في هذا الرأي الا متعصب ،،