المشكلة اخوي نفسية بحتة

حتى لو تلاحظ اللاعبين الاجانب مايتغير مستواهم في الاسيوية

اتمنى من ادارة الهلال احضار طيبب نفسي

وصدقوني بعد احضاره بناخذ البطولة في عامين

لاحول ولاقوه الا بالله بس
تدري وش مشكلتك وانا خوك ؟
انك تتابع برشلونه وريال مدريد وتبي الهلال زيهم
يااخي كل اربع ايام مباراه صعب اوقسم بالله صعب وقالها شبيه الريح لازم يصير حاله من البرود
وبالنسبه للمستوى الهزيل ع قولتك ترا ,, العاام الماضي لعبنا ببدايه البطوله الاسيويه بمستوى ولا اروع وكنا نضرب ضرب مو صاحي
هل فاادنا هالشي ؟
اكيد لا ,,, العب بنتيجه اما المستوى (بقريح )
يارب ياكريم وفق الزعيم

الله يكتب اللي فية الخير للهلال مشكور ع الموضوع والجاي افضل ان شاء الله

ايه صح من تبدا المباره لين تنتهي وحنا خايفين لان نكون مسجلين نتيجه ممكن تنقلب ضدنا بائي وقت ااااااااه الله يوفق الزعيم بس

واللي يقهر أكثر هالمستوى مايطلع الا بالآسيوويه
ترآآخي تــام وكل اللاعبين في إنتظار هدف التعادل للجزيره.

وسآمي وكالديرون جالسين يتفرجوون على المستوى الهزيل .

ياليت أشووف المستوى هذا فالدوري ولا أشوفها بالآسيويه .



من الآن لا آحد يتعشم بالفريق خووفاً من الصدمه المدويه .
خلوونا وآقعيين الفريق لا يؤدي في البطوله القاريه .

إقتباس الرسالة الأصلية كتبت بواسطة عاشق ابداع .. كل الفرق والانديه تتمني ان يكون بين لاعبيهم الفريدي والشلهوب .. والدوسري . والعابد والزوري .. وغيرهم ولو كانوا باندية ثانية لطالبنا باحضارهم باي مبالغ مهما طالت

اما الزوري هذا الاعب فاشل ولا حتى يعرف يناول زي الناس اااااه بس ياشافي لو يعطونه فرصه كامله

إقتباس الرسالة الأصلية كتبت بواسطة هـلالـي مـدريدي اخواني جمهور الزعيم إلى متى !!! ونحن يرضينا مستوى فريقنا هكذا كل عام في البطولة الاَسيوية ياناس اصحوا الفريق مافيه روح قتالية مثل أول الله يرحم زمانك يايوسف وش الفايدة من هذا المستوى الهزيل إلى متى واللاعبين لايلعبون من اجل الشعار بل خوفاً من الإصابات فقط!!! اللاعب الوحيد والذي لن يكونون لاعبين الهلال مثله في القتالية في الملعب أسامة هوساوي كيف تبغون البطولة الاَسيوية والوصول للعالمية وفريقنا يقدم مثل هذي المستويات بصراحة مايصلح نسكت عن هذولا اللاعبين كم سنة نصبر ونسكت وفي الاخير مستواهم في اَسيا في تدهور إذا ماعدلوا من طريقة اللعب وترك الاستعراض اللي ماله داعي فلن يحققون البطولة الاسيوية والله يستر من المباراة القادمة اسمحولي قاعد اكتب الموضوع وانا معصب ليس إلا لمصلحة الهلال هذا إذا اللعيبة عدلوا من لعبهم نحضر في الملعب بدري ونساند ويطالبون اللاعبين الجمهور بالحضور ونحضر ونملى الملعب عن بكرة أبيه ويصير مستوى هزيل يرفع الضغط بإذن الله يتحسن الوضع و بالتوفيق للزعيم

معليش اخوي هدي أعصابك

من قالك إن احنا نبي الوصول للعالمية ؟

العالمية وصلها الزعيم قبل غيره ، اللي يهمنا (حصد البطولات) سواء محلية أو آسيوية أما العالمية

( وليس الحالمية ) فهذي بدري شوي عليها لأنه صعب نحط راسنا براس برشلونه مثلاً مثل

المحليين اللي يتشدقون بالعالمية وهم ماحققوا بطولات محلية ومصنفين أنفسهم عالميين

ويحطون راسهم براس الزعيم

صحيح الهلال مستواه متذبذب ولكن ضغط المباريات عليه بعد غير طبيعي

شوي شوي على اللعيبه واعذروهم ياشباب ، تراهم لحم ودم

يا ناااااااس يا عاااالم الهلال ضغط كبيـــــــــــــــــــــــــــــــــــــر

الأحد 10 ابريـل : الشباب (( مهمه جدا ))
الجمعه 15 ابريـل : الوحدة (( نهائي ))
الأربعاء 20 ابريـل : الجزيـرة (( للوصول الى 9 نقاط ))
الأحد 24 ابريـل : النصـر (( مهمه لحسم الدوري ))
الجمعه 29 ابريـل : الرائد (( لحسم الدوري حسابياً ))

لاحظوا ان الفرق بيـن كل مباراة 5 ايام الا الجزيـرة والنصـر الفرق 4 ايام والملاحظة ان الأولى في أبو ظبي عاصمـة الإمارات
والثانيـة الرياض عاصمـة السعوديـة
ماني لاعب بكل مجهودي وامامي كل هذا الضغط كيـف الفهم عندكم ؟

إقتباس الرسالة الأصلية كتبت بواسطة هلااالي مدريدي المشكلة اخوي نفسية بحتة حتى لو تلاحظ اللاعبين الاجانب مايتغير مستواهم في الاسيوية اتمنى من ادارة الهلال احضار طيبب نفسي وصدقوني بعد احضاره بناخذ البطولة في عامين

هذا الكلام لازم طبيب نفسي

عاشق ابداع والله انك مبدع كتبت مافي خاطري شكرا لك والركاده زينه والثلاث نقاط هي التي تجلب البطوله عمري ماسمعت ان المستوى حقق بطوله والله يصبر لاعبين الزعيم علينا

تحياتي أخوي

المستوى الهزيل راضين فيه إذا بننافس على كل البطولات


والعالمية طلعنا لها واحنا راضين بهالشي ومصدقين ومقتنعين

والحمدلله واصلين لآخر البطولات كلها

دعواتكم ودعمكم الإيجابي ومساندتكم للهلال

هذا الوقت اللي الهلال محتاجنا فيه

بطلوا سلبيات

تقبل مروري وتحياتي

ترا الاعبين بشر..وكل 5 ايام لعب لعب من الطبيعي ان نرااهم بالوضعيه>>رغم من المستوى الهزيل الا ان الهلال تخطى العقبات الصعبه والى الامام ياهلال