طفح الكيل .. ماذا يرضيكم ؟! - نادي الهلال السعودي - شبكة الزعيم

واحد من جمهور الزعيم · #1 05/04/2011, 11:22 PM

موضوعي عن عدد الجمهور الحاضر اليوم

عدد الجمهور لم يتعدى 15 آلف

يستثنى من كلامي من حضر المباراة و كلامي موجه الى كل من كان قادر على الحضور و لم يحضر باعذار واهية

مباراة في الاجازة و الفريق يقدم افضل النتائج و المستويات .. لكن الجمهور !!
الحضور يفشل طيب ع الاقل تفاعل .. تشجيع !!
جمهور ساكت اغلب المباراة .. حسيت ان الملعب فاضي و لا الهلال مهزوم و بيطلع من البطولة
فايزين بـ 2 و يوم دخل هدف الجزيرة .. حالة سكوت تقهر اللي ماينقهر و رئيس الرابطة يغني لحاله
خلااااص .. طفح الكيل
جمهور بلاك بيري و فصفص و ابو 5 دقايق بعد الهدف
بالله هذا جمهور فريق متصدر دوري يفارق 9 نقاط و متأهل لنهائي الكأس و مانهزم الا مبارا واحدة طول الموسم
اجل وشلون لو الموسم كان أسوء من كذا ؟ّ!!
انا مدري وش اللي يرضيكم ؟
العسكري ينافخ علي و ما اقدر اشرب مويه و رئيس الرباطة صوته مزعج .. وش الدلع هذا ؟؟
واللي يبي يشوف مباراة ريال مدريد و لا الانتر ؟ّ!!
ياناس حسوا .. في ناس 24 ساعة تتعب من اجل الهلال و انتم ساكتين في المدرحات !!
الحين يجيني واحد .. ويقول عبينا الملعب في مباراة ذوب آهن و خسرنا و يقول اذا امتلأ الملعب مايفوز الهلال

الحمدلله ان النهائي في مكة .. الحمدلله .. الحمدلله

الحين ينشوف 20 موضوع عن المرشدي
و 30 موضوع عن مستوى الهلال وليش المستوى سيء رغم انه ليس بسيء
و المواضيع التي تمدح ياسر و احمد علي لن تتعدى 3 -5 مواضيع

تحدي :
اراهن اذا حضر في مباراة الشباب 25 ألف هلالي و ترا المباراة بنص الاجازة
و اذا حضر اكثر من 25 ألف
سأتوقف عن الكتابة و المشاركة في المنتدى لمدة 5 أيام ( الى يوم مباراة الوحدة )

واحد من جمهور الزعيم · #2 06/04/2011, 12:02 PM

يستثنى من كلامي من حضر المباراة و كلامي موجه الى كل من كان قادر على الحضور و لم يحضر باعذار واهية

بانتظار الردود

حمـ(الهلالي)ــد · #3 06/04/2011, 12:06 PM

قلنا من قبل .. جمهور الهلال تفرغ للنقد في المنتديات وترك الحضور لدعم اللاعبين ...

واحد من جمهور الزعيم · #4 06/04/2011, 12:30 PM

إقتباس

الرسالة الأصلية كتبت بواسطة حمـ(الهلالي)ــد


	قلنا من قبل .. جمهور الهلال تفرغ للنقد في المنتديات وترك الحضور لدعم اللاعبين ...

هذا الكلام الصح

(ياليت قومي يعملون)

yasser_666 · #5 06/04/2011, 12:33 PM

يااخي اذا اقدررررررررر احضر بحضر لكني من

جده

OMAR15 · #6 06/04/2011, 12:48 PM

إقتباس

الرسالة الأصلية كتبت بواسطة واحد من جمهور الزعيم


	يستثنى من كلامي من حضر المباراة و كلامي موجه الى كل من كان قادر على الحضور و لم يحضر باعذار واهية بانتظار الردود

الحمدلله مستثنى من الذم هههههههههه

يعافيك ربي

د

وبالتوفيق للزعيم ولكل من يقف خلفه ويساندهـ...

مجنون بفن القناص · #7 06/04/2011, 12:59 PM

يالغالــي ماله داعي كل هالغضب ..!!

تركي الهديب · #8 06/04/2011, 01:03 PM

يعطيك العافيه على الموضوع اخوي
كانت بعض الجماهير تشتكي بالسابق من رجال الامن وتم حلها ولله الحمد
الظروف دائما مهيئة للحضور ونصدم بعدم احضور الكبير
والبعض يكون سبب عدم حضوره المباريات الاوروبية
والبعض الاخر لاندري ما السبب

واتمنى من الجمهور الهلالي خصوصا بالمنتديات
عدم الانصياغ وراء بعض المواضيع التي تسيء في جماهير او الرابطة او المجلس
لان بعض الجماهير قد تكون ميولها غير هلالي ويدس السم في العسل
وموضوعك رائع اخوي
وان شاء الله تكون فيها حملات وتحفيزات للحضور الجماهيري في المباريات القادمة
ونتمنى في مباراة الشباب ملء الواجهة الهلالية يوم الاحد القادم

إلى كل هلالي غيور
انتم الرقم الصعب وجن الملاعب
ومكانكم الدائم في المدرجات خلف الزعيم

فائق احترامي

ويليهيلمسون · #9 06/04/2011, 01:08 PM

وربي انك صادق اخوي في كل كلمه قلتها

انا عن نفسي قسم بالله يوم شفت الجمهور انقهههههههرت بجد

وين جمهور الرياض العام في البطوله الاسيويه وين جمهور مباراه الغرافه ومباراه بوندكيور

بالتوفيييييييييييييق للزعيم

ALRAQI · #10 06/04/2011, 01:09 PM

شكرا لك يالحبيب

ألف مبروك الفوز

ومبروك كسب الرهان من الحين

وريح بالك , نص الجمهور راح يشوف مباراة ريال مدريد موب فاضين لكالديرون وتخبطاته ووضع الشلهوب محور واللعب ممل والجزيرة خطير - ترا هالكلام عرفوه من برنامج الجولة أو من برنامج الملعب -

ياخوي الله لا يغير علينا بس, الواحد يقول الحمدلله والشكر لله

وشكل بعض الجمهور ما يعرف - بالشكر تدوم النعم -

كل شوي حاطين على موضوع وإنتقاد وتحطيم ومستوى سيئ وخطة سيئة , لعبنا زين وإنهزمنا ومالعبنا زين وفزنا وموب عاجبهم

ياشباب إحمدوا ربكم , لا تروح هالنعمة وبعدين ترجعون تدورونها

تحياتي وتقديري لكاتب المقال

Ĝeηtℓe Ḿαη · #11 06/04/2011, 01:10 PM

اقسم بالله انا احسدكم يا اهل الرياض

اتمنى بس لو احضر تدريبات الهلال يوميا فما بالكم بالمباريات

لاكن قهر

مجنونة ولد رومان · #12 06/04/2011, 01:43 PM

يعطييييييييييييييييييييك العااااااااااااااااافيه

اي والله انا مت من القهر لما دخل الجزيره

اهدف الكل سكت مدري ليه وش الفايده

انتم جايين تساندون مو بس كذا جايين

غريييييييييب جمهور الهلال !!!!

15هـــلالـــي9 · #13 06/04/2011, 02:19 PM

يسلم صاحب الموضوع على الطرح الجميل

انا من جده ولا اقدر احضر

وانقهرت لما شفت الجمهور قليل مدري ليه ما يحضرون

واحد من جمهور الزعيم · #14 06/04/2011, 06:28 PM

اتمنى ان يؤثر الموضوع على الجمهور الهلالي
و اتمنى ايضاً ان اخسر الرهان و التحدي اللي وضعته

-HM_1 · #15 06/04/2011, 06:32 PM

والله انك صااادق اقسم بالله
جمهور الريااض يرفع الضغط قسمن بالله
لااحد يقول لي الملعب كبير دااري انه كبير
بس ولو جماهيريه الهلال بالرياض هي الاكثر وين الحضور
اتركوا المقااهي والاستراحات واحضروا للملعب
وبالنسبه لسكووت الجمهور ماينلام الجمهور لان الرابطه نووووووووووووم
والبطااطي مع احترامي له الا انه بارد وغير حماااسي للجمهور
وياارب يحضرون الجمهوور بمباراه الشباب مع اني مااتوقع
تقبل مروري ...