أول شئ عائلتكم ماتقدر المواهب !

أبي أقولك حاجة :

رح للفيس بوك و سو حملة على عائلتكم و سو دعوات لنا و بنساندكم إلين مايفرجها ربك عليك

لا نجي للجد :

شف يأخوي بالنسبة عندنا بالشمال .. تحلم أن العائلة المصونة تطلع نزهة أو طلعة برية أو حتى استراحة أو حتى شقة الكل جالس بالبيت و هو لا شغل و لا مشغلة و ان قلت لهم قالوا مايحتاج !

لكن اللي اسويه أنا و يسويه أغلب الشباب أنه كل شهر تقريباً أو بالإحرى بالعطل نقرر حنا الشباب الطلعة في استراحة ( مسبح + ملعب + بلايستيشن ) و أنواع الفلة و الوناسة مع شباب كبرك و مقاربين لمستوى تفكيرك !

صح الواحد ودهـ يطلع مع أهله و يونس أمه و أبوهـ و يضحك معاهم بعيد عن الرسميات لكن إذا هم ودهم بالحاجة هذي أنت يالواحد وش تسوي ؟


حياك و مشكور ع الموضوع

هلا ..

بالبدايه عاجبتني فلة حارتكم وشخابيطها بس بسألك مافي زباله مكتوب عليها ( ... ) < عشان مايقولون أني عنصري اسم اي نادي سعودي :p .. للأسف حارتنا جديده توهم ماشخبطو إبداعاتهم ..



- هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا )

عاد أنا ودي أبكي وَ أون ونة نمر بن عدوان من كثر طلعات خواتي وَ قم يابدر طلعهم مع أن فيه سواق لكن الشكوى لله ..
كل يوم تلقاهم طفشانات وَ نبي نطلع .. والأربعاء ياعمامي بالأستراحه ياخوالي بالخرج أو ببيت جدتي .. يعني أنا عكسك بيتوتي لكن الأهل يجبروني أطلع حتى ماعندي أخوياء أطلع معهم ولا غيره ولا أحب أطلع وآحد منهم من أيام الثانويه ومن الإجازه يبي يشوفني وللحين ما ألتقينا ..

- العطلة جتنآ وين رايح وين جاي ؟ ولا في البيت جيزك جيزنا يعني : ( مثلك مثلنآ )

اليوم بنام عند جدتي للجمعه .. بعدين أكيد خواتي بيطلعون وَ بعدها يمكن نروح للخرج هناك مزرعة جدتي وبعدها أكيد إجتماع عمامي وهكذا العطله مثل الدراسه لا تغيير ..

- هل أنتم من النوع الي يحب يروح ويجي ويطلع ويوسع صدر أهله مثلي ؟ > بس مآ يقدرون التعب

أيه والله أهم شيء راحت الأهل بس تجي أيام تكون فيه مبارات ولا مالي خلق ف أتضايق قبل بس بالنهايه يقول أبوي ودهم وخلاص أوديهم وأطق راسي بجدران هالبيت :p

:ههههههههههههههههههههههه
برد ع أسألتك؟؟؟
/عند بعضكم نظام مثل نظام العائلة عندنا
وشو له الروحة والجية نقعد في بيتنا أحسن لنا:
لا الحمدالله يحبون نطلع ونوسع صدرنا بس احيان انا ارفض الطلعه
العطلة جتنآ وين رايح وين جاي[
ولا في البيت جيزك جيزنا يعني : مثلك مثلنآ
لا ابروح لزواج ولسوق واحتمال نعتمر

أنتم من النوع الي يحب يروح ويجي ويطلع ويوسع صدر أهله مثلي
بس مآ يقدرون التعب :
............................م ا ف ه م ت
مساحة حرة للجميع للحديث
شكرا ع القصه
فضفض ع روحك لاتكبته

هههههههههههههههه وربي موضوعك مره روعة احلى شي ضحكني حق

نزلت الدمعة وصلت عند براطمك ولحستها هههههههههه >>

يلآ تجاوب على اسألتك ..

- الموضوع للنقاش وليس لِ سْب عائلتي الموقرة يعني لا أحد يغلط !

ماراح اغلط

- هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا )

لا وين

- العطلة جتنآ وين رايح وين جاي ؟ ولا في البيت جيزك جيزنا يعني : ( مثلك مثلنآ )

نغسسل السيارات برا

لا يمكن الغرفة اللي جنبنا هههههههه

يعني لا رايح ولا جآي

- هل أنتم من النوع الي يحب يروح ويجي ويطلع ويوسع صدر أهله مثلي ؟ > بس مآ يقدرون التعب



- مساحة حرة للجميع للحديث ...

اممممممم احب اشكرك على الموضوع الجاد والمرح في نفس الوقت

بس عندي سؤال

منجد بكيت ؟

إقتباس وفيه انواع الكتابات مثل : ( الحب عذاب .. قطع قلوب الشباب ) ( ما أضيق لو قلتوا لي : يَ حمار ) ( برحـة الملتقى " مركز الدشير الرئيسي " ) ( آه لو تدري حبيبي كيف أيامي بدونك ) ( لا غشاك الليل وأسرف بك الحزن العميق جنب وجيه البشر .. وإسجد لخالقها ) ( البنات ما فيهم خير صدقوني .. ) ( يمه سامحيني ! ) > أحسن وآحد ( شارع الثلاثين يَ مجمع الحلوين ) ولفت إنتباهي عبارة مكتوبة : ( خلصت العطلة وأنا ما تعديت هالمكان )

اجممل عبارة رايتها وشفتها مكتوبة على ملعب نادي احد بالمدينة من جهة الحدييقة

واحد على ما اعتقد انه محشش كاتب على الجدار زي كذا ( عندي نكتة ) وبس ..!!

هذذا بالنسبة لموضوع العبآآرات

،،

نطبح على موضوع العايلة والعوايل وكل شي عوايل ض1 ض1

إقتباس هل عند بعضكم نظام مثل نظام العائلة عندنا

نععععم وبقوة وكله من رااش السايب جعلني الله ذخرا ً له وادامه على راسي وقلبي ض1

إقتباس العطلة جتنآ وين رايح وين جاي ؟ ولا في البيت جيزك جيزنا يعني

لآ جيزنا جيزكم ض1

إقتباس هل أنتم من النوع الي يحب يروح ويجي ويطلع ويوسع صدر أهله مثلي ؟

تبي الجد لآ بس اذا قالوا لي ودنا او طلعنا نبي نتمشى والله يامرون على الرقبة بس ما احب اطلع معهم كثير لان العايلة تعرف قروشة والبزران ويا ورع تعععال ويا ورع رح وصجه ولجه

انا اطلع مع اخوياي اكثر من اهلي بس لهم حق علي اني اطلعهم واوديهم واجيبهم وزي ما قلتلك ياامرون على الرقبة ض1 ض1

تقبل مروري عتب تب ..!!

مسَـآءكم خير ..

بالنسبة للطلعــآت .. انـآ مو رآعيتهم أبــداً ,
يعني مثلاً .. من كم شهر مـآ طلعت إلا 4 مرآت تقريباً و يمكن السبب
إن النــآس دآيم يجون لنــآ , و يومياً عندنــآ ضيوف و مآ أحس إني مشتآقه للنــآس ..
هذآ غير إني بيتوتيّه بزيــآده و شَـآطرة و أنــآم بكير > برا بس

أمــآ الطلعآت للمنتزهآت و غيره و السفرآت أكيد هذي مـآ يبيلهـآ كلآم ..
لكن هالسفرآت عندنا مـآ تكون إلا بالإجآزه الكبيره ..
لكن أنـآ بصرآحه مـآ أحب أسـآفر إلا إذآ كــآنوآ أخوآني و خوآتي كلهم معي
و لآ ينقص منهم و لآ قرد
فيه نـآس مــآ تحب تطلع مع الصغــآر .. بس انا العكس مـآ آستــآنس إلا إذآ كــآنوآ معي و مستآنسين

إقتباس شف يأخوي بالنسبة عندنا بالشمال .. تحلم أن العائلة المصونة تطلع نزهة أو طلعة برية أو حتى استراحة أو حتى شقة الكل جالس بالبيت و هو لا شغل و لا مشغلة و ان قلت لهم قالوا مايحتاج !

إقتباس صح الواحد ودهـ يطلع مع أهله و يونس أمه و أبوهـ و يضحك معاهم بعيد عن الرسميات لكن إذا هم ودهم بالحاجة هذي أنت يالواحد وش تسوي ؟

me 2 +


||

يعطيكـ العــآفيه ع الموضوع ,