السلام عليكم ورحمة الله وبركاته
كيف حال الاخبار والعلوم
ياخي المجلس ناآاآاآاآاآم نوم موب طبيعي ما ادري ليه
وانا قلت خل اعطيهم وحده من سوالفي
بسمالله نبدا :
بعد ما درست 9 سنوات بالتحفيظ بنفس الزملاء,
بديت الثانويه بمدرسه ما اعرف فيها احد ابد ابد, ورحت لمركز الاشراف لعلي القا واسطه ينقلن للمدرسه الي فيها كل الاقارب ,
لقيت واسطه , وبعد تنقيل الاوراق من مدرسه لمدرسه تم النقل بنجاح والحمدلله , نقلت للثانويه الجديده وما حسيت اني غريب لاني اعرف ناس كثارين .
بعد مانتهى الفصل الاول خرجت بنسبة 87 % مع رسوب بالفيزياء .
رجعنا للدراسه الفصل الثاني , وثاني يوم من الدراسه بالفصل الثاني رحت لمركز الاشراف ناوي اروح لثانوية التحفيظ , وكان خالي يشتغل بالاشراف وهو ال يضبطلي كل اموري , قلتله اني مليت من الدراسه بالثانويه العامه وانا اصلا كرتون بالدراسه يعني لو اجتهد لاقصى قوتي ما راح احصل نتيجه .
قلي خلاص الاسبوع الجاي اكلم امك واعطيه خبر اننا نقلناك .
الكلام هذا يوم الاحد من الاسبوع الاول , يعني باقي ثلاث ايام ويقضي الاسبوع الاول .
خربت العلاقه مع جميع المدرسين والطلاب والوكيل والمدير وتاخر صباحي ونوم وغياب << كل ذولي سويتهن بخمس ايام ثلاث من الاسبوع الول واثنين من الثاني ,
كلم خالي على امي وقاله ان النقل صعب او لايمكن , يعني خلي ولدتس ينسى انه ينقل ويبلع العافيه فثانويته الي هو به الحين .
قالت لي امي الكلام هذا , وانصدمت الصراحه لا المدرسه مالي وجه اكمل به ولا يوم , مافيه ولا واحد ما جدعت عليمه كم كلمه .
اقتنعت ان مافيه نقل للتحفيظ ورحت للثانويه العامه .
صرت دراستي بالثانويه كالتالي : اطلع الساعه ست ونص وانزل اخواني وآصل مدرستي سبع الا ربع , اول ما آصل اسدح المرتبه ونووووووووووووم لين الدرس الثاني او نهاية لاول , ادخل واكمل النوم لين الدرس الخامس , بعدين اسولف مع الي وراي لين نطلع من المدرسه .
درست 3 اسابيع بدون كتب كتبي كلهن بقراطيسهن جدد .
جت ايام الاختبارات , والدرجات مصفره كلهن ,
بعد يمكن 6 اسابيع جان وجع برقبتي , وجع موب طبيعي , هجرت السوني والكمبيوتر اسبوع عشان تطيب , والحمدلله خفت شوي ,
تدرون من وشو جان الوجع هذا , جاء من كثر النوم على الطاوله , و وضعية النوم خطا وانا اطول نايم بالفصل يعني تقريبا ساعه او ساعه ونص متصلات .
كل المدرسين معطينن جوي وتاركينن انا على راحتي الا واحد .
هالمدرس ذا هو كابوسي واكبر كوابيسي , هو مدرس الفيزياء , والي يقهرن زياده اني راسب عنده , وكل يوم انا وياه تحليت هرج , لين لقالي حل الي هو يتركن انام .
انا على نياتي انه خلاص بخلين انام , لكن يوم شفت درجات المشاركه صارت مصفره مثل الاختبار .
وكبر الكابوس لين صرت شايلن هم الفيزياء طول اليوم .
واكره يوم السبت والاحد عشان الفيزياء
لكن انا ودي القا حل الصراحه ان نفسي زهقت من هالمدرسه .
وقضت السالفه لكن وش رايكم منب غبي يوم تسرعت وخربت العلاقه مع الجميع , صراحه اني تحسفت اني تسرعت .
وسلام يالربع << على قولة المفقود اليامي < الا على طاريه هو وينه الحين
والسالم خير ختام
آسف على لاطاله

وعليكم السلام



الله يعينك على الدراسة

والله إنك متسرع على طول خربتها

إقتباس الا على طاريه هو وين

يووووووووه خبرك عتيق موقف له شهر تقريبا

إقتباس وعليكم السلام الله يعينك على الدراسة والله إنك متسرع على طول خربتها إقتباس الا على طاريه هو وين يووووووووه خبرك عتيق موقف له شهر تقريبا

هذا موب تسرع ,هذا اسمه قراءة الحدث بسرعه << ما تذكرك بالقناة الرياضيه

إقتباس يعني انت الحين كل ماجيت تنقل لمكان تخربها مع اللي انت معهم تبي الناس اذا طروك يقولون الله لا يذكره بالخير ! الواحد المفروض يكون اخلاق وشف ربي جازاك باللي سويته ..

باابن الحلال تقل احد بيذكرن اذا رحت عنهم

إقتباس متى الجزء الثآني ..!!

ما فهمت بس احس انه مثل : كيف الحال ؟؟

إقتباس الحل يا طويل العمر تبدأ من الصفر تجتهد ثم تجتهد ثم تجتهد و رابعا تضغط على نفسك و تفتح كتبك و تدرس و تخلي عنك النوم ، و تغير أسلوبك و تصرفاتك ، على الأقل يقولون شد حيله شوي لاني ما اعتقد تنجح هالسنة و لاتندم على شي انت سببه

اصلن انا مقرر انه بعد هالسنه بطلع للتحفيظ وخلاص , والعلمي ذا كرهته بعيشة الله

إقتباس مرحبا بَ ولد البدآيع آلصرآحه مآ تنلآم يوم خربت علآقتك بَ آلمدرسين يعني ضآمن آنك بتنقل لآزم تخربها بس مدري ليه آحس آن مدرسك آلفيزيآ يبي مصلحتك دآيمآ آسآتذه آلفيزيآء جميليييَن الله يوفقك بَ درآستك و تجيب نسبه حلوه

و تسيف ( يعني وشلون) << اقالي ابوضح , دريت اني من البايع ؟؟
انا اشهد ان مدرسين الفيزياء هم احسن المدرسي << امحق والله ما افسد حياتي الا مدرس الفيزياء

خذ نصيحتي : فـــلـــهـــآآ وربـــك يـــحـــلـــهـــآآ >>> يبي يخرب الولد

عوآآفي أخوي ..

,,

آلله يوفقك دنيآ وآخره ..
ومثل مآقآلت إختي بطله أهم شيء تحديد آلهدف ..

لك ودي ~.

أنا أقول إنقل لمدرسة أهلية وريح راسك

وإذا مافيه امكانية مالك إلا الصبر

وعدل وضعك وصدقني أجزم لك إن اذا عدلت وضعك الجميع راح يمحي عنك الصورة السيئة ويبدون صفحة جديدة

وبالتوفيق لك.

حااااااااااااااااااااااااس فيك يااحلو

تقبل مروري

ودي