السلام عليكم ورحمه الله وبركاته

في الماضي القريب كنت اول من يتشائمون بمشاركه ياسر وقلت عنه انه لاعب خلاص ماراح يرجع

واللاعب استعراضي اكثر من انه يسجل مع انه مهاجم صريح

لاكن لما جلست وفكرت بموضوع ياسر ومايواجهه من اهازيح وهتافات من بعض جماهير المنافسه

قلت والله ما الوم ياسر وهو بشر مثلنا يحس بالي حوووله وتجيه ردة فعل

ولما فكرت قلت وش معنا ياسر لعبه 100% في الـ 2006,2007,2008

وجت ان الاجابه هي ان كل الجمهور السعودي كان مع ياسر واغلب الاعلاميين كانوا يشيدون فيه

مو بس ياسر حتى مالك معاذ وسعد الحارثي وبدايه الـ 2009 الكل انقلب على ياسر سواء اعلام او الجماهير المنافسه ولا ابالغ ان قلت بعض الجماهير الهلاليه

وبصراحه ندمت على كل موضوع كتبته عن ياسر وسبيته فيه لأني كنت اكتب ولا افكر وش سبب تراجع ياسر

لاكن الحين اتضح لي ان ياسر يعاني من مشكله نفسيه وضغط نفسسسي وما الومه

واقوله ان شااء الله انها في ميزان حسناتك يا ياسر واتمنى من اي واحد دخل موضوعي انه مايكتب مواضع سب او شتم عن ياسر مو بس ياسر عن اي لاعب هلالي

لأنها بصراحه تنعكس سلبيا على اللاعب

قارن :

بين واحد يشد من ازر اللاعب

وواحد يسب ويشتم اللاعب

وش تكون ردة فعل اللاعب بالموضوع الاول
وش تكون ردة فعل اللاعب بالموضوع الثاني

وايهم احلى واحسن له وخاصه انه يمر بضغط نفسي

على العموم موضوعي واضح ياسر كبير ويضل كبير والكبير الله

والتشكيله ماتحلا الا بوجود ياسر واقولها وبكل امانه

والتشكيله المثاليه لتحرك ياسر و تخلي ياسر يلعب بأريحيه ( علشان رقابه المدافيعن )[/COLOR]


ياسر القحطاني احمد علي






الفريدي




ولهامسون الشلهوب

عزيز




لي يونغ هوساوي المرشدي الزوري


حسن العتيبي

<< اعذروني على سوء التصرف مع التشكيله عجزت اضبطها ولهامسون وسط ايمن الشلهوب ايسر

لاتحسبونهم بنص الدائرهـ


اما رداوي فهو في فتره ايقاف واذا رجع يلعب بمحورين بدال احمد علي والفريدي يكون خلف المهاجمين (وسط متقدم)
على العموم هاذي التشكيله الي اتوقع اذا لعب الهلال فيها بتكون لياسر كلمته

لآن ولهامسون معروف بالعرضيات والشلهوب كذلك

والفريدي تمريراته تكون عن طريق الكور الارضيه القصيره ( ون تو )

او البينيات السريعه ( لأن ياسر معروف بسرعته ).

شباب هاذي وجهه نظر قد تصيب وقد تخطأ واتمنى من الكل الرد بردود تليق بياسر

الخاتمه :
نشيد ليفربول يقول سر يا ليفر ونحن معك

وانا اقول سر يا ياسر ونحن معك

وهاذا والله اعلم


((بعد ماقرأت بعض الردود اغلبها تخالفني وجهه النظر والي يقول خلونا من العاطفيه ياشباب هاذي وجهه نظر يعني لاتعصبون

ماجازتلك وجهه نظري عطني وجهه نظرك ( الدنيا اخذ وعطى ) ))

كلامك جميل عن ياسر فعلاً هو مايلام بصراحه كل ما بغى ينسى ذكروه حسبي الله ونعم الوكيل

أما بخصوص التشكليه أوافقك تماماً

يعطيك العافيه

طيب اذا بتلعب يسار عشان يتحرك لازم تطلع لاعب !!

يعني بتطلع عزيز او الفريدي او الشلهوب او ويلي !!


مو معقول عشان ياسر اطلع لاعببين مبدعين

اخليه بالدكــة لين يتحسن مستواه او اشركه بالشوط الثآنــي ..

اما بخصوص الاهازيج فـ الله يعين وهذي ضريبه الشهره

احمد علي حاليا افضل المهاجمين بتحركاته وبنيته الجسمانيــة ..

طيب ليش ما يخليه المدرب ورا احمد علي ورا المهاجم ياسر مهاري ويصلح لخلف المهاجمين .

العاطفة دمار أي عمل .
أتمنى أن يعي ياسر هذه العبارة وسيعود
ثم عليه الجد و الاجتهاد حتى يصل مرة أخرى فقد بلغ القاع حاليا في المستوى و عليه مراجعت حساباته ايضا حتى يتجاوزها تدريجيا

أكل العنب حبة حبة
ثم ان الجمهور يحبه فلا داعي للعجلة

إقتباس الرسالة الأصلية كتبت بواسطة abdulaziz al yassen طيب ليش ما يخليه المدرب ورا احمد علي ورا المهاجم ياسر مهاري ويصلح لخلف المهاجمين .

اذا نروح لتشكيله المدرب نجج الاجابه هي فلسفه مدربين

كلام جميل يعطيك الف عافيه وانا ادري ان بيجي واحد الحين يقول خل الامور الفنيه للمدرب لكن ياحبيبي هذا الانسان حب انه يطرح وجهة نضره فقط لاغير وهو ما اجبر المدرب على هالتشكيله وبس ولو يكون الشلهوب خلف المهاجمين احسن لان الشلهوب وياسر في الون تو على طول في المرمى لو ترجعون لأهداف ياسر والشلهوب بتلاقون كلامي صحيح وبالتوفيق للزعيم

إقتباس الرسالة الأصلية كتبت بواسطة هلاليبي العاطفة دمار أي عمل . أتمنى أن يعي ياسر هذه العبارة وسيعود ثم عليه الجد و الاجتهاد حتى يصل مرة أخرى فقد بلغ القاع حاليا في المستوى و عليه مراجعت حساباته ايضا حتى يتجاوزها تدريجيا أكل العنب حبة حبة ثم ان الجمهور يحبه فلا داعي للعجلة

ملينا وحنا نسب ياسر والنتيجه هي كل ماله ينزل تحت ويتمادى

مالنا الا الله ثم نشد ازر هاللاعب

ياسر افضل مهاجم مفروغ منه
انه ينتقد (بدون تجريح ) عادي لكل لاعب هلالي ان نسمع كلام (مندس حاقد)مانرضاه كل لاعب يهبط مستواه وكل لاعب له ضروف لكن من بديل ياسر في الكره السعوديه ؟
يبقى بالاحتياط اويلعب حسب وجهة نظر المدرب فهو الاعرف

ان شاء الله يرجع ياسر لمستواه


والله يوفق زعيمنا


يعطيك العافيه

آلحمدلله بس أنك أعترفت أنك كنت تكتب و تسب و أنت مآ تعرف وش آلسآلفه و وش آلسبب !!

و غيرك كثيييييير بس آلمشكله مآ يعترفون و يكآبرون ...

شجآعه منك أعتذآرك بـ آلخطآء ...

و الله يكثر من أمثآلك ...

و قنآصنآ بإذن الله يعود و يلجم كل قزم و حقييير ...


عوآفي يآ بطل ...

لآهنت ...

إقتباس الرسالة الأصلية كتبت بواسطة هـــلالــ،ــي صادق انا قريت بالرياضيه طبيب نفسي يقول ياسر مشكلته نفسية

مشكله نادي الهلال ماعنده اخصائي نفسي للاعبين

منور يالغالي

إقتباس الرسالة الأصلية كتبت بواسطة هلاليه نبضي ياسر آلحمدلله بس أنك أعترفت أنك كنت تكتب و تسب و أنت مآ تعرف وش آلسآلفه و وش آلسبب !! و غيرك كثيييييير بس آلمشكله مآ يعترفون و يكآبرون ... شجآعه منك أعتذآرك بـ آلخطآء ... و الله يكثر من أمثآلك ... و قنآصنآ بإذن الله يعود و يلجم كل قزم و حقييير ... عوآفي يآ بطل ... لآهنت ...

يالله يارب انه يرجع لنا ياسر الي نعرفه

ومنور الموضوع يالغالي

ياسر سواء اخفق اونجح لايستحق السب والشتميه من احد لاهلالي ولاغيره
لازم نجد له عذر كما نجد لانفسنا
بصرااحه ياسر على اللي يشوفه ويسمعه زين انه لها الحين متماسك ويلعب
فما بالكم تبونه يلعب ويسجل اهداف ويمتع انا لو كنت مكانه يمكن اعتزلت من زمان وشريت راحة راسي
حسبي الله ونعم الوكيل على كل من تكلم عنه بسوء اوحتى شك فيه وجعله يشوفها بنفسه ياحي ياقيوم
الحل من وجهة نظري وقد تكون صحيحه وقد تكون خاطئه ان ياسر يمنح راحه من قبل المدرب مفروض
يجلس ع دكة الاحتياط مده ماهو عيب اذا جلس مده ع دكة الاحتياط نجوم عالميين مثل بيكهام ورنالدو جلسوا احتياط الى ان تحسن
مستواهم
وقبل هذا كله لازم نجدد دائما وابدا الثقه فيه واانه سيعود اقوى مما كان بإذن الله
الدعم ثم الدعم ثم الدعوه