بالفعل يالغلا

ياسر والمطبلين دمروا هجوم الهلال

سامي الجابر في عز مستواه تعرض للانتقاد من الجميع

ولم يكابر في لحظة

وحقق مع الهلال بطولة اسيا مع الهلال اكثر من مرة

ولم ارى في لحظة إبتسامة لـ سامي بعد مايضيع فرصة هدف

بالعكس من النجم يسوري انواع الابتسامات عند ضياع الفرص

أتمنى بقاء ياسر في دكة الاحتياط وينزل فالشوط الثاني لـ 5 مباريات

الين يحس ان هناك جمهور يحترق ويحضر المباريات من اجل الهلال

مش من اجل لاعب يجيه فرص اهداف ويضيع وعلى كذا يبتسم وصووروني يا مطبلين !

الدكة الي يقرر من يجلس عليها

هو كالديرون


وعلى كل هاذي الأنتقادات من مباراة وحدة فقط


وتقل لي ان ياسر ممنوع من الأنتقاد



بعدين احمد علي شارك عشر مباريات

ولم يسجل إلا هدف واحد


وشكلة حينتهي الموسم

من غير اي هدف اخر

..

الهلااال يحتاج مهاجم اجنبي صح ع مستوى

ملينا من كثر الهجمات السهلة الضائعه والمحياني مايعطونه فرصه مع اانه افضل من الجميع

الله يعين بس

إقتباس الرسالة الأصلية كتبت بواسطة bret1234 الدكة الي يقرر من يجلس عليها هو كالديرون وعلى كل هاذي الأنتقادات من مباراة وحدة فقط وتقل لي ان ياسر ممنوع من الأنتقاد بعدين احمد علي شارك عشر مباريات ولم يسجل إلا هدف واحد وشكلة حينتهي الموسم من غير اي هدف اخر

عينة من المطبلين لـ ياسر

الله يعين الهلال على عقليات المعجبين

بارك الله فيك ياصاحب الموضوع

كلامك كلام العقل والمنطق....بس من اللي يفهم..

الجماهير للأسف تاخذها العاطفة وتتأثر بالنجومية....وياسر اعظم لاعبين السعودية على الاطلاق في النجومية...لكن في الملعب انهى نفسه فنياُ...

لأنه يلعب بجماهيريته ونجوميته فقط..

اصلا واضح ان حتى ادارة الهلال والمدربين يخافون يقولون لياسر شيء او يحطونه احتياط خوفا من نجوميته ومن جماهير اللاعب...ما قلت جماهير الهلال..

وجريتس بنفسه ذكر هالشي وقالها صريحة........ان ياسر سوبر ستار وجماهيري لو طلعته من التشكيلة ما تركتني الجماهير....يعني كان عارف ان مستواه مو ذاك الزود....لكن جماهيريته تحول دون المساس فيه للأسف..

الحل ليس بيد الادارة وليس بيد المدربين....الجمهور وحده هو الكفيل بحل المشكلة...بأن يطالب ياسر ويبين له ....يا يختار العودة لخدمة الهلال ولعب كرة القدم بشكل صحيح....او الدكة او حتى الانتقال.

اما الدلع الزايد.....وهذا نجم جماهيري ....ما عاد تنفع...لأن اللي يتضرر الهلال وجمهوره اللي في كل مباراة يتفنن ياسر برفع ضغطه

والله العظيم اني اقدر ياسر و واعزه بس مصلحة الهلال فوق اي شخص مهم كان لعب او رئيس ياسر مستواه نازل ليه نكابر طيب اذا جالس في الاحتياط عيب ناس غريبة لعيبة اساطير جلسو في الاحتياط ورجعو افظل من اول وارجع واقول الهلال فوق اي شخص مهم كان اسمة

اتمنى وضع ياسر في الاحتياط
لمده وراح ترون ياسر من جديد
اما حاليا فأعتقد ان ياسر في انحدار ولا يستحق
انه يكوون اساسي
ولو يكون عيسى واحمدعلي في الهجوم رآح يكون هجووم الهلال قوي جدآ
لان احمد علي جيد ويتحرك وجسم وسرعه ماشاء الله
واما عيسى جيد ويتحرك ولايتفلسف امام الباب لكن ينقصه السرعه والجسم
بالتوفيق للزعيم

كنت اطالب ببقاءه بالدكة

لكن تحسرت على كل دقيقة يوم كان بالدكة

المحياني حتى كنترول صح مافيه

والمصري ماغير يراكض على قلة سنع

هتفنا بـ اسمه بالمدرجاات و كنا معه بالحلوه و المره
ولما اخذ جائزة افضل لاعب بـ اسيا


قال --> الللي بالمدرج يتفرج ؟ ؟


نكرإأآن اإأآلجميل لمن يـ يإأآسر !!!!!!!!!!!!!!!!!!!!!!!!!!!!!!!!!!!!!!!!!!

يارجال مسواه نازل ، المفروض يركنه بالدكه ، لكن المشكلة في مطلبلين

احمد علي - وعيسى - ووليد الجيزاني

هذولا لو ياخذون نفس الفرصة الي ياخذها ياسر كان ابدعواااا

وبعدين بخصوص الاهازيج الجماهيرية ، هذا هو اسامه هوساوي بعد ماطلعنا من اسيا امام ذوب اهن تعرض لـ اهازيج فقرواية ولم يتأثر بل كان نجم المبارة

ثانياً حتى الكبتنيه / يستاهلها رادوي وهوساوي ولي يونق

انا نزل مستواه ننتقده ،، واذا رجع نجم نشيد فية

حنا مع الكيان مو مع الاشخاص

تسلم هالأيادي الي كتبت الموضوع

موضوعك كفى ووفى بصراحه

بس إضافه

المباراة الجايه بيسجل ياسر هدف ويجونك المطبلين ويقولون هذا ياسر

وهو بالأصل مستواه نازل ولا يقدم شي

أتمنى عودة ياسر في أقرب وقت

يعطيك العافيه على هالموضوع

إقتباس الرسالة الأصلية كتبت بواسطة وافي البدر عينة من المطبلين لـ ياسر الله يعين الهلال على عقليات المعجبين بارك الله فيك ياصاحب الموضوع

ياخي مثل مانحترم رأيك احترم ارآءنا

اوكي انا مطبل لياسر ؟.

وياسر مب لاعب من لاعبيين الهلال ، واقل واجباتنا اننا ندعمه مثل ماتسوي جماهير كل الأندية بدعم نجومها حتى وهم بأسوء فتراتهم


اذا ياسر ماحصل دعم بالفترة السيئة هذي اللي يمر فيها ،ماراح يحتاج تشجيعكم وهو بقمة مستواه

يعني يوم كان بقمة مستواه تشجييع وتطبيييل ومزعجينا عنده ، ويوم تراجع مستواه بسبب الأصابة كل واحد يكتب عشر مواضيع يقلل منه

لكن الحمد لله ان المنتديات ماتمثل الجمهور

فجمهور الهلال الحقيقي جمهور المدرجات واقفين مع ياسر واسمه مايوووقف بالملعب

هذا عزائي الوحيد