24/03/2011, 09:33 AM
|
| زعيــم نشيــط | | تاريخ التسجيل: 18/09/2010 المكان: الـرياض
مشاركات: 622
| |
يآسر ما يعيبة انخفآض مستوآهـ يآسر يعيبه ( مكابرة ) جمآهيرهـ .. الدكة تنتظرك يآ كبتنآ !!
بسم الله الرحمن الرحيم
يآسر صآر ( قضية ) بين الجمهور الهلالي و اخبآرهـ في المجآلس غطّت على القضآيا السياسية اللي تشهدهآ
السآحة العربية حآلياً ..!
يآسر منخفض مستواهـ كلنآ نتفق على هآ الشيء ...
يآسر تعرض لإصآبة لكن مهو عذر ( الزوري , الفريدي , عزيز ) كلهم تعرضو لإصابات اقوى و قدمو افضل المباريات من أول رجوع لهم ..!؟
طيب وين المشكلة ؟؟؟؟
المشكلة يآسر نفسه مهو مقتنع انه يعآني من مشكله ..!
اذكر تصريحه الشهير اللي في قنآة الآرتي يوم يسأله المذيع عن انتقادات الجماهير الهلالية له و رد ( اللي في المدرج يتفرج ) .!!؟؟
و بدآل ما ينتقده الجمهور على تصريحه هذآ .. أيده البعض في التصريح و حطو تصريح ( اللي في المدرج ) تواقيع
و تصاميم و خلفيآت ..!؟
وين وصلنآ له كـ جمآهير ؟...!
لاعب مهو مقتنع انه منخفض مستوآهـ و مع ذآلك ( يطبل ) له البعض ؟؟؟؟
سؤال لجمآهير ( لحد يتكلم عن يآسر ) ... س1\ كيف بيرجع يآسر لمستواهـ و انتم تطبلون له ؟؟؟؟
انتم رآضين عن مستواه الآن ؟...!
كيف تبونة يرجع بدون ما تبينون له انه يحتآج لتطوير مستواه ؟...
إذآ النقد محد يبي ينتقده أجل كيف يبي يرجع ؟...
الأهم من رجوعه كيف يبي يخدم الهلال ؟...!
للأسف حنّآ شآطرين بس ( شيلو ماجد النكبة , نامي يبيله تنسيق , عطو الجيزاني مخالصه ) طيب كل هـ الاسماء
في آخر موسمين ( ما ابي اقول 4 ) قدمو افضل مستويات من ياسر سواء في انديتهم السابقة او حتى لما جو
للهلال ..!
ليش يآسر ( خط أحمر ) ممنوع من الانتقآد ؟...! ok يآسر نجم كبير و كلنآ نحبه بس ما توصل لتشجيعه حتى لو انه منخفض مستواهـ ..! : | يآسر وينه ليس عذر .. الإعلآم الأصفر ليس عذر أيضاً |
لما يردد الجمهور ( المتخلف ) عبآرهـ ( يآسر وينه .. ) هل هذآ سبب مقنع لإنخفآض مستوى القنآص ؟...
هل الإعلآم ( المتعصّب ) سبب في انخفآض ياسر ؟...
كلنآ نشوف عبآرات ( العنصريه ) تردد في أوروبا و حتى في الدول العربيه و يبقى اللاعب مركزاً في ارضية الملعب
و يلعب بجدية تامة دون تأثر لمآ يقآل عنه في المدرجات او الصحف ..!؟ : | كيف يرجع يآسر ؟..! |
يآسر ما راح يرجع إلا اذا ( انتقده الجمهووور ) ...!؟!
لاعب ما يقدم مستوى انتقده نقد إيجآبي علشآن يرجع لمستواهـ ..!
وضح له سبب عدم عطائه ... نبّه انه اذا ما قدم ما يليق بـ فنيله النادي اللي يلعب له فمصيره الدكة ..!؟
للأسف واحد من الاعضآء يكابر و يقول ( يآسر افضل السيئين ) ..!؟
و يجيبلك احصائية ( يضحك على نفسه و علينآ ) و يجيب ارقام و اهداف لمباريات لعبهآ ياسر ..!؟
طيب اوكي طبيعي يآسر يسجل 12 هدف في الدوري للآن ( مثلا ً ) ..!؟
هذآ لأن يآسر لعب 15 مبآراهـ أساسي كرأس حربة ..!؟ ( مثلاً ) ..!؟
لعبو احمد علي 15 مباراة و شوفو بيسجّل كم هدف ..!؟
لا تجيبون لاعب يلعب 90% من المباريات و تقولون ( شفتو ترا ها اللاعب اكثر لاعب يسجل في الفريق ) ..!؟
رفقاً بـ العقوووووووول يآ سادهـ ..!؟ : | الآن ما هو الحل الأخير ؟؟؟؟ |
الحل الاخير هو أسهل حل ليعود يآسر لمستواهـ .!؟
الحل هذآ ما طبق في 3 مواسم ( 2008,2009,2010 ) و كان السبب في استمرار يآسر على سوء مستواهـ
إضافة طبعاً ( للتطبيل ) ..!؟
الحل هو الدكّة ...!!!!
هي نفسهآ الدكة الي جلس عيهآ اعظم نجوم العالم عند إنخفآض مستواهم ...!!
هي نفسهآ الدكة اللي جلس عليهآ ( رونالدو ) ليترك مكانة للشاب وقتهآ ( اوين ) ..!؟
الدكة مهي عيب بل هي سبيل في ان ( توقظ ) النجم ليحس بـ إنخفآض مستواهـ فيطور مستواه و يقاتل للعودة كـ
أساسي ..!!
أسألكم بـ الله لاعب منخفض مستواهـ اغلب فترات الموسم و يلعب أساسي 90% من المباريات هذا كيف رآح يطور
من نفسه ؟...!
بيطور من نفسه إذا شاف لوحة ( ياسر نحبك ؟.. ) ..!!
أخيراً و ليس آخراً هذآ الموضوع كتب ( محبة ) في يآسر و من قبله ( خوف ) على الهلال في ظل المباريات الحاسمة
التي ستكون بمثآبة منعطف الطرق ..!
يآسر نجم من ظمن نجوم آخرين كلهم نحبهم و نقدرهم بـ ( نفس المستوى ) و يحق لنا ننتقدهم عن انخفاض مستوياتهم مثل ما يحق لنا ان نشيد بهم و نوصلهم للقمر مديحاً عندمآ يقدمون الأفضل ...!
بـ التوفيق لنجوم الزعيم كلهم و بـ التوفيق يآ نادي القرن . بقلم اخوكم \ عبدالله الغريبي .
|