السلام عليكم

مساكم الله بالورد وبالنور وبالخير
ندخل بالموضوع على طول




بالنسبه للزعيم والآسيويه
في استاد الملك فهد
آخر مباراتين اسيويه هزيمتين
من ذوب آهن .. وساباهان
غير المباريات القديمه مع ام صلال القطري
والوحده الاماراتي
والكويت الكويتي

..
غير هزيمة الإتحاد في كاس الملك
وفي الدوري قبل سنتين
,
غير من خمس سنوات والنصر مافاز في الدوري عالهلال الا في استاد الملك فهد السنة الماضية
غير نجران فاز علينا في استاد الملك فهد
2_1 قبل تقريباً 3 سنوات

مافيه الا فوزنا عالنصر 5_3 وكان النصر نااقص عدد كبير من اللاعبين
وفكنا الله بغينا نتعاادل .. لو ما رحمة الله و فاول رادوي اللي انقذنااا وصار مثل رصاصة الرحمة ... هذي المباراة نفتح النفس شوي


..
نقول هذا قدر ومكتوبه هالهزايم ومانعترض على الأقدار
..

لكن ليش ماتجي للملز ونشوف الفرق

آخر هزيمه للزعيم في الملز كانت من الأهلي قبل 3سنوات ايام مالك معاذ بمستواه
..
وفوزنا عالإتحاد 5_0 في الملز
وفوزنا على نجران 7_0 في الملز
وعلى نجران ايضاً 5_0 في الملز
وعالفيصلي 5_1 في الملز
وعلى الفتح5_1 في الملز
وعلى الشباب 4_0 في الملز
وعالوطني 5_0 في الملز
وعالحزم 5_0 في الملز


وتعال دوور وتذكر ونبش بمخك متى فاز النصر والاتحاد والشباب علينا في الملز
تحصلها قديمه جداً
..

بالمختصر الزعيم يرتاح ويبدع في الملز
والمطلوب بهالحاله من رئيس الزعيم سمو الأمير عبدالرحمن بن مساعد يطلب من الإتحاد الاسيوي تكون مباريات الهلال بالملز
عالأقل في الاوار الأولى في المجموعات
وباقي مباريات الدوري اللي في الرياض تكون في الملز
......

وإذا على الحضور الجماهيري
الملز وهو ممتلئ افضل بمليون مره من استاد الملك وهو مافيه الا الواجهة بس << حتى الإستاد وهو ممتلئ ما استفدنا من الحضور الجماهيري
......



الملز أكبر من ملعب جده اللي يلعب فيه الإتحاد كل سنه وملعب محمد بن فهد بالدمام اللي يلعب فيه الاتفاق بالآسيويه قبل سنتين
واكبر من ملاعب الأندية بقطر
واكبر من ملاعب الأندية بالأمارات غير ملعب الجزيره
واكير من ملاعب في اوزباكستان وبعض ملاعب ايران
...
والشباب لعب فيه اخر جوله آسيويه


وبكل الأحوال ألله يوفق الزعيم الهلالي فوق كل ارض وتحت كل سماء



أرق تحياتي

الف شكر مشرفيننا الموقرين على ثقتكم

..

مشكووووووووووووووووووووووووووووور اخووووي


ولا توجد مشكله

الملززز فال خير للهلال وياليت يلعب الهلال جميع مبارياته فيا لان الاستاد صار ملل فيه الجمهور مايمتلي وش الفايده خلنا على الملز هو فال خير والله والرسسسول قال تفاولو بالخير تجدوه ومشكور اخوي

عـــــــــــــــــــــــواااااف
خيـــــــــــــــــــــــــــو

المباريات في استاد الملك فهد اروع ولكن عندما يفوق عدد الحضور الأربعين ألف ..

الملز روعته بموقعه .. وسط الرياض والحضور فيه اسهل لجمهور الهلال كون الاستاد شرق الرياض .. وصدقوني وانا متأكد من هالمعلومة .. السبب الرئيسي في عدم الحضور الجماهيري بعض المباريات هو ازدحام شوارع الرياض .. كوني مكثت فترة طويلة هناك وكنت اعاني من هالأمر ..

يعطيك العافية اخوي

الله يحييكم .. وشكراً على ارآئكم
..

ارق تحياتي لكم ..

والله المفروض نلعب فيه حتى ياسر يبدع في الملز
.....................

آي والله أتمنى نلعب في الملز

لآكن ممدري إذآ مآفي مششكلة !

وبكل الأحوال ألله يوفق الزعيم الهلالي فوق كل ارض وتحت كل سماء

الكبير كبير في الملز ولا غيره ياخي هي على الاعبين والله أذا كان الملعب تراب
وبعدين جمهووور الزعيم حتى الكامبنو ما يكفيه

وين المشكله اذالعبنابالدره؟

اتمنى مانربط الفوزوالخساره
بالملعب
التوفيق بيد الله لولعب الهلال باليابان

واذاعلى النتايج فوزالهلال على الاوزبكي
والغرافه بالثلااااثه ولاتنسى اخر
البطولات الاسييويه للزعيييم حققها
بالدره واخر بطوله للزعيييم
كانت ولي العهد بالدره بعد

والملزمساحه صغيره والفرق تلعب
دفاع وتضيق المساحات على الهلال
ويساعدهم صغرمساحه الملعب

يالييييييت نبتعدعن التشاؤوووم

هلا أخوي

تفاءلوا بالخير تجدوه

إستاد الملك فهد يناسب طريقة لعب الهلال , حيث يلعب الهلال بطريقة 4 1 4 1 , مع إعتبار لعب رادوي وسط مهاجم , وتحتاج هذه الطريقة لمساحة كبيرة بحيث تفتح الملعب على الأطراف لخلق مساحات في وسط الملعب , وتشتيت الفريق المقابل باللعب على الأطراف , بعكس الملز لأن مساحة الملز أصغر ,

الفوز والخسارة بتوفيق الله عز وجل , وليس للملعب دخل في ذلك سواء الملز أو إستاد الملك فهد

دعواتك للهلال بالتوفيق في أي مكان وكل مكان

تحياتي وتقبل مروري