المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 21/03/2011, 02:29 PM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
Exclamation بـدون تطبيل .. وبـدون تجريـح .. (( مـوضوع انتقاد أتمنى يساهم بتطوير ياسر لمستواه ))

الله يحفظ لنا مملكتناا من كل مكرووه

والله يطول بعمر ملكنـا ويعطيه الصحه والعافيه

قولوا أمين


بالبداية انا ما ادري كيف اشكرر الجمهور الهلالي بكل انحاء المملكه ووالجمهور الهلالي الي ساندوا الهلال بقـطر والي وقفوا مع الهلال بالفتره الاخيرة الصعبه القاسيه والي الحمدلله عدت على خير

ومارح اشكـرر ادارة النادي والجهازالفني والاداري والاعبين لأن الجمهور هو الي بيقدم الشكر لهم بالحضور والمساندة بالملعب والمساندة خارج الملعب برفع الروح المعنوية لدى الادارة والمدرب والاعبين


حبايبي الهلال بالفترة الحالية يمر بأهم مراحل الموسم يعني خلونا نحاول قد ما نقدر نوقف معاهم ونشجعهم لين ينتهي الموسم وبعدها لكل حادث حديث


صدقوني زي مافيه ايجابيات فيه سلييات كثيره وقالها سامي ولكن برضوا قال خلو الموسم ينتهي وبعدها كل واحد يقدر يصحح الاخطاء ويبدأ من نفسه

لكن الي يخليني افكر اطرح الموضوع هو اننا نملك سلاح فتااك لو نقدر نستعمله لصالحنا بيخدمنا وبيخدم نفسه بالفتره الجاايه كثير ويمكن يكون هوو الحااسم وهو المنقذ

السلاح الفتاك الي للاسف متعطل بأرادته هو ياسر القحطاني

افضل لاعب اسيوي والمهاجم العصري الي كثير يحاولون يقلدونه والي كثير حاقدين عليه للاسف الفتره الماضيه فاقدين موهبته .. للاسف جالسين نشوف شخص يتمشى بالملعب وتايه وكأنه بعالم ثاني وماله دخل بالمباراة

انا ماجيت ابحث عن اسباب تدهور مستوى ياسر لكن ابغى الموضوع هذا يكون رسالة من جمهور الهلال لياسر دون تطبيل أو تجريح خلونا نعطي ياسر حقه فقط

لو تشوفون اغلب ردودي يمكن انا اكثر شخص مدح ياسر واكثر شخص انتقد ياسر

ياسر هو لاعبي المفضل طبيعي بكون ابحث عن عودته لمستواه وأتمنى من جمهور ياسر يساعدونه بالعودة لمستواه لأن لنا الحين سنتين نردد اسمه بالمدرجات (( ااه يا ياسر )) ونعامله معاملة خاصة وهو يستاهل اكيد لكن هل الشي هذا ساعده ورجعه لمستواه ولا العكس زاد الطين بله ؟؟

خلونا نكون واقعيين ومانبغى نجامل أو ننتقص من الرجال

كلنا تابعنا الديربي أمس بصراحة ديربي باهت بغياب رادوي ونور وبحضور ياسر

الي تابع الهلال امس يبصم ان الخلل هو بالهجوم وبياسر نفسه صدقوني حتى لو الجيزاني المهاجم كان على الاقل شفنا فرص خطره والكل لاحظ احمد علي لما نزل بعشر دقايق فرصتين خطره وحده منهم كانت 90% هدف لولا الله ثم براعه مبروك زايد

ياسر قبل موسمين طلع بتصريح بكل الرياضة داايم احاول اتناساه وما اتذكره (( الي بالمدرج يتفرج )) للاسف ياسر حاليا (( بالملعب ويتفرج ))

أتمنى من الكابتن والقائد أنه يفكر بتطوير مستواه الفتره الحالية ويستعيد سرعته ولياقته .. اخر ست مباريات لياسر جيبولي لقطه فيها انطلاقه أو سرعة بالجري من ياسر بالملعب .. صدقوني مارح تحصلون

الرجال صااير يهرول هروله بسيطه حتى لاحظوا بالهجمات المرتدة نامي والزوري أو شافي يسبقونه لمرمى الخصم


العودة ماهي بتسجيل هدف او هدفين أو حتى هاتريك

فهد الجهني لو يعطونه فرصه يقدر يسجل هاتريك حنا نبي موهبة ياسر ترجع ..

موهبة ياسر = سرعة + مهارة من الدرجة الأولى + فكر كروي عالمي + الحاسة التهديفية


ياسر أنت تقدر تستعيد موهبتك والهلال والمنتخب محتاجينك

اذا النادي يجبرك انك تلعب وانت مصاب ياخي لا تلعب وتشوه صورتك لدى الجماهير
أجلس بالعيادة لين تستعيد كامل عافيتك وبعدها أهلا وسهلا الملاعب كلها تنتظرك
لكن سالفة أنك تفكر تلعب وانت مو جاهز مية بالمية هذي صعبه جدا
ممكن اول كنا نقول ان ياسر حتى وهو ماهو كامل جاهزيته يعتبر افضل مهاجم سعودي
وكنا نقول ياسر حتى وهو ماهو بكامل مستواه الفني يعتبر افضل مهاجم سعودي

لكن للاسف حاليا ما نشوف هالشي الملعب

أتمنى أني ما اكون طبلت أو جرحت او اسأت ليااسرر
أتمنى أني ما اشوف ردود تطيل أو تجرح أو تسيء لياسرر

التطبيل مارح ينفع ياسر
التجريح بيضر ياسر
الاساءه جمهور الهلال اكبر من الاساءات

اسف على الاطالة والوعد بعد نهائي كأس ولي العهد ونحتفل وإن شاء الله ياسر بتكون له كلمه وبيحسم المباراه اذا كان جاهز ومستعد بأذن الله

اخر تعديل كان بواسطة » طيار هلالي في يوم » 21/03/2011 عند الساعة » 02:50 PM
اضافة رد مع اقتباس
  #2  
قديم 21/03/2011, 02:34 PM
الصورة الرمزية الخاصة بـ سعوديه والهلال ناديه
زعيــم مميــز
تاريخ التسجيل: 03/12/2008
المكان: الدمام
مشاركات: 11,717
ياسر بيرجع لمستواه

لو لعب بعيدا عن التفكير في معجبيه

وبعيد عن الشهره

ويلعب كانه مغمور مثل ماكان في القادسيه

وكذلك الاعتراف من معجبيه بان مستواه نازل

وعدم التصفيق له وترديد اسمه بدون مناسبه

غير كذا مستحيل يرجع وراح يعتزل وهذا اللي يقدمه

والله ثم والله اني ماحب الا الهلال ولاعبينه كلهم على رأسي

لكن اللي يبدع غصب عني وعن غيري حنصفق له
اضافة رد مع اقتباس
  #3  
قديم 21/03/2011, 02:38 PM
الصورة الرمزية الخاصة بـ ...وافي...
زعيــم نشيــط
تاريخ التسجيل: 04/11/2010
المكان: في قلب عبادي الجوهر ...
مشاركات: 503
اولاًُ اشكرك اخي الكريم على الموضوع الأكثر من رائع ..

...........................

ثانياُ ...

والله كللامك واقعي ..

ياسر متشتت ذهنياُ داخل الملعب ...ووزنه زايد ..

لو استعاد كامل لياقته وانقص من وزنه الكثير ..

لرئينا جنون الهلال....

والله كان تشوف الهلال يسجل من كل مكان ..بأستثناء الحراسه ..

راح تشوف الدفاع ومحور الوسط والوسط والهجوم ورأس الحربه التقليدي (احمد علي/عيسى)

يسجلون اهداف بالكوم ...

بشرط وهو ان ياسر يستعيد ذهنه ..وينقص من وزنه ...

......................

من يقول ان هناك افضل من ياسر سعودياً فهو لا يفقه بكرة القدم

ولكن نتمنى عودةًُ ياسر الى وضعه الطبيعي ..ووزنه الطبيعي ..

......................

اللياقه انا اتوقع انها من زيادة الوزن ...

ولكن شتات الذهن اتوقع انه

من المدرج الوسخ

مدرج الأتحاد والفقر ..يقومون بترديد اهزوجتهم كل مباراة

وشلون بالله تبيه يحظر ذهنياًُ وهناك من يشكك بعفةً ياسر داخل الملعب

انا اقولك سوف تشاهد ياسر الآسيوي اذا تخلص من الوزن الزائد ..

واذا عوقب جمهور الأصفرين ..

















وافـــــــــــــــــــــــــــــــــــــــــــــــــــــــــــــــــــــــــــــــــــــــــي
اضافة رد مع اقتباس
  #4  
قديم 21/03/2011, 02:39 PM
الصورة الرمزية الخاصة بـ Man red
زعيــم متواصــل
تاريخ التسجيل: 12/12/2009
مشاركات: 74
والله مدري وش أقووول لكن اتمنى له التوفيق
اضافة رد مع اقتباس
  #5  
قديم 21/03/2011, 02:39 PM
الصورة الرمزية الخاصة بـ جنتلمان الزعيم
زعيــم مميــز
تاريخ التسجيل: 09/07/2010
المكان: الششرقيه ""
مشاركات: 1,827
لاهنت اخخووي على الموضوع


ونتمنى عوده ياسر
اضافة رد مع اقتباس
  #6  
قديم 21/03/2011, 02:43 PM
الصورة الرمزية الخاصة بـ عاشـ يـ 20ــاسرــــق
زعيــم مميــز
تاريخ التسجيل: 08/11/2007
المكان: نجد
مشاركات: 5,062
- ياسر رجع من إصابه نهاية الموسم الماضي وسجل 10 اهداف وسبحان الله الاغلبيه اشادة بعودته ومطالبته بالمزيد لكن إصيب بإصابه اخرى.فماذا ستتوقع
ان يكون مستواه شي طبيعي يتغير .

- ياسر شنت عليه حمله اعلاميه فاسده فماذا ستتوقع يكون مستواه .

- ياسر بالامس مكبت بتكتيك المدرب ولكبتنيته وقيمة المباره كلف بإن يكون قريب من لاعبين الوسط ومساندة الدفاع فماذا ستتوقع ان يكون مستواه .

لديه الكثير اللاعب جداً مظغوط ولكن يحتاج الى وقت للتأقلم وبالتوفيق له.
اضافة رد مع اقتباس
  #7  
قديم 21/03/2011, 02:43 PM
الصورة الرمزية الخاصة بـ 20 الكاسر ياسر 20
زعيــم مميــز
تاريخ التسجيل: 11/11/2007
المكان: Here And There !!
مشاركات: 14,060


سعوديه

كلامك فيه من المنطقيه الشيء الكثير ، ماحد يعرف ليش ياسر مستواه مو مثل اول الا ياسر نفسه
وياسر نفسه ايضا هو اللي يعرف كيف يرجع من جديد .. دورنا كجمهور اننا مانضخم اللاعب
بصوره كبيره ولازم نقتنع ان اللاعب الافضل هو اللاعب اللي يقدم مستوى رائع .

اضافة رد مع اقتباس
  #8  
قديم 21/03/2011, 02:44 PM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
سعودية + وافي

أتفق معاكم ياسر محتاج يلعب وهو صافي الذهن

جنتئمان

الله لايهينك على المرور حتى الكوره مشتاقه لمداعبة ياسر لها
اضافة رد مع اقتباس
  #9  
قديم 21/03/2011, 02:44 PM
الصورة الرمزية الخاصة بـ الفريني
زعيــم فعــال
تاريخ التسجيل: 17/04/2009
المكان: بيتنا
مشاركات: 264
اول شي الله يطول بعمر ابومتعب
بالنسبة لموضوع ياسر انت قلت بدون تجريح ونحتاج يرجع ياسر لمستواه ورجعتنا لتصريحه حق اللي بالمدرج
يعني يمكن خانه التعبير او سمها اي شي ثاني
انا معك ان مستوى ياسر مش ولابد وكان المفروض امس ينزل احمد علي من بداية المباراة خصوصا للبنيه الجسمانيه وسرعة اللاعب لكن المدرب نزل ياسر كهيبة للدفاع او سمعته وخبرته
وبعد مانزل احمد علي وهذا اللي كان يحتاجه ياسر لان الشلهوب كان محور متقدم والدوسري خارج الخدمه والفريدي كاعادته بطيء
ونزل احمد علي ومدرب الاتحاد فتح ملعبه لانه يحتاج اقل شي للتعادل ولو بهدف لان تعادله معنا بهدف يكون له حسابات اخرى

هذا بالنسبة للمباراة اللي امس اما بالنسبة لياسر
فياسر المفروض عليه يترك اللي خارج الملعب من جمهور ولجان وتصريحات وكمان يترك الحكام ولعيبة الفرق الاخرى
ويهتم بلعبه فقط ويحاول يستعيد مستواه وله منا المسانده بس يترك الاشياء اللي ماتضيف له شيء
اتمنى ايكون كلامي مفيد
اضافة رد مع اقتباس
  #10  
قديم 21/03/2011, 02:49 PM
الصورة الرمزية الخاصة بـ {FaHaD}
عضو سابق في اللجنة الإعلامية
المركز الأول في مسابقة سمانا تنتعش بالازرق للتصوير الفوتوغرافي
تاريخ التسجيل: 05/12/2008
المكان: Al-Riyadh city | مدينة الرياض
مشاركات: 935
يا جماعة الخير مفردة (تطبيل) أصبحت دارجة جدًا
في منتديات شبكة الزعيم هاليومين, وكأننا في منتدى
بنو نصر, أتمنى ذكر الانتقاد مباشرة دون استخدام
مفردة (تطبيل), لانها تعني بشكل أو بآخر أن من يخالفني
في هذا الطرح فهو مطبل ومزمر ومنافق ومجامل, وأرى
في ذلك استفزاز ما بعده استفزاز لجميع الأعضاء.

وحتى لا يـُظن بي ظن السوء من قبل من يرفض التطبيل
أنا موافق لكم بأن ياسر القحطاني لم يعد كما كان منذ
موسمين, لكنه في طور التأهيل والعودة, ومن باب الانصاف
يتوجب علينا عدم تحميل الهزيمة أو التعادل أو نتيجة لعنصر
واحد من بين 10 عناصر في الملعب وعناصر آخرين خارج
الملعب وعلى رأسهم المدير الفني ومدير الفريق والرئيس.

ومع احترامي لكم, نقدكم هذا جاء في وقت غير مناسب أبدًا
فنحن نقترب من الفصول الأخيرة لدوري زين وفي خضم
بطولة قارّية مهمة جدًا ومن أهدافنا الأولية.

والنقد مهما كان إيجابي ورائع ومفيد, متى ما جاء في
وقت غير مناسب, فسيتحول تلقائيًا لنقد سلبي ومزعزع
لثقة الفريق في نفسه ويشتت كل الأسس التي يقف عليها
لكي يلعب ويحقق الانتصارات.

أتمنى تقبل رأيي براحبة صدر, وتقديم مصلحة الفريق
والكيان الأزرق على جميع المصالح أيًّا كانت.


تحياتي..

فهد/FaHaD
اضافة رد مع اقتباس
  #11  
قديم 21/03/2011, 02:49 PM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
يامرحبا يالفريني كلامك مفيد وانا استفدت

بس اتمنى من ياسر انه ينسى كل الماضي وينسى مستواه ويفكر يطور مستواه مو يستعيد مستواه

استعادة المستوى تخليه يلعب تحت ضغط
تطوير المستوى تخليه يلعب مرتاح ويفكر كيف يبدع
اضافة رد مع اقتباس
  #12  
قديم 21/03/2011, 02:49 PM
زعيــم مميــز
تاريخ التسجيل: 30/08/2003
مشاركات: 6,074
ثلاث سنوات والكل يخترع الاعذار لياسر

ياسر في طريقه للنهايه كمهاجم الهلال الاول ،،، فهو لم يعمل لاستعادة مستواه ولم نشاهده جاد في الرجوع

بالتالي سيكون العام القادم للهلال مهاجم محترف وسيعود ياسر ليعتزل في القادسية

تحياتي
اضافة رد مع اقتباس
  #13  
قديم 21/03/2011, 02:51 PM
الصورة الرمزية الخاصة بـ مرعب الخصوووم20
زعيــم مميــز
تاريخ التسجيل: 04/09/2009
المكان: الريــــــــاض
مشاركات: 1,946
كلام رأئع جدأ

وألله يوفك ييأسر ويوفق الهلال
اضافة رد مع اقتباس
  #14  
قديم 21/03/2011, 02:53 PM
الصورة الرمزية الخاصة بـ ابوعزوز2020
زعيــم مميــز
تاريخ التسجيل: 12/04/2010
المكان: الهلال
مشاركات: 2,634
اتمنا ان لا يععوود ياسر 2007
اتمنا ان يعوود ياسر من يحرث الملعب
اتمنا ان يعوود ياسر ياسر من يحرث الملعب الملعب

مو بس يااسر تكفووون يالعبية الهلال
احرثو الملعب احرثو الملعب ترى الهلال يمر
في فترة حصااد البطولات
اتمنا ان تعوود رووح الهلال رووح الهلال
اضافة رد مع اقتباس
  #15  
قديم 21/03/2011, 02:55 PM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
فهد واضح انك ماقريت الموضوع

لأني ما اتهمت ياسر بانه سبب التعادل لكن الي شاف المباراه امس اكيد بيلاحظ تدهور حالة ياسر الفنية

وعلى فكرة التطبيل موجود بكل نادي بالعالم

لأن فيه لاعين يستاهلون حققوا لك انجازات كثيره فيستاهلون انك توقف معاهم وتتغاضى عن سلبياتهم في سبيل أنك تساعدهم بالعودة

ولكن انا هنا ما ابغى تطبيل لأن ياسر مارح يستفيد منه

طبلنا له لنا سنتين وما تطور

وحنا عشمنا يااسر اكبررر
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:44 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube