|
هجومنا عقيم + سامي انت افضل من لاعب في هذا المركز في البداية اتمنى من الأدارة اخذ هذا الموضوع في عين الاعتبار لان غالبيه الجماهير الهلالية توافقني الرأي .. بصراحه مادفعني الا هذا المقال هو ماقراته في اخبار الزعيم قبل اسبوع تقريبا" ان الهلال مهتم بالتعاقد مع عماد الحوسني ضحكت قليلا" ولاكن بكيت كثيرا" يمكن يكون كلام جرايد على قولتنا لاكن مافي دخان من غير نار حتى لو كان الكلام غير صحيح يؤسفني انا كا هلالي مجرد التفكير بهذا الاعب .. هجومنا عقيم من الموسم الماضي وحنا نطالب بمحترف اجنبي على مستوى عالي واضح نقطه ضعف الهلال خط الهجوم وهذا ما شاهدنا الموسم الماضي في البطولة الآسيوية لم قابلنا فرق قوية ياسر القحطاني لاعب كبير ومانختلف عليه لاكن معرض للاصابه للايقاف ومعرض لهبوط في المستوى ولو كان ياسر بقمه مستواه صعب نعتمد على مهاجم وحيد في خط الهجوم عيسي المحياني وليد الجيزاني مع احترامي لو اخذوا الفرصه وهم اتيحت لهم اكثر من مره لم يثبتوا وجودهم يعني افضل مكان لهم احتياط تعطيهم اخر ربع ساعه من المباراة لاكن المصيبه ؟؟ تعاقدنا مع احمد علي زاد الطين بله لاعب عادي ومتواضع وانا واثق ان الهلال لن يجدد معه بعد نهاية الموسم اللي يقهرنا كجمهور هلالي لو تلاحظون الاتحاد والشباب والنصر والاهلي حتى الاتفاق والوحده افضل منا في خط الهجوم ويتفوقون علينا .. الاندية القطرية والاماراتية اقل من الهلال جماهيرية وثقل في القارة الآسيوية مع ذالك تشاهد يتعاقدون مع لاعبين عالميين .. والله والله والله واقسم لكم بالله اذا مافكرنا من الحين ولا بحثنا عن مهاجم عالمي في خط الهجوم يفوق امكانيات ياسر القحطاني ويوازي مستوى الأسطورة سامي الجابر اقولها من الآن لن نقدم مايشفع لنا في البطولة الآسيوية ... اذا الأداراة الهلالية فكرت بــ عماد الحوسني او اللي على شاكلته من الاعبين المستهلكين اقول لاعب نجران ديبا ولاعب الفيصلي ميخن ميملي افضل منه لاعبين مهاريين وهدافين وعلى قولة رئسينا لاعب ( رخيص ) بصراحة لو فتشنا بالدول الاوروبية او البرازيلية او الارجنتينية او الافريقية لاعب مو لازم سعره غالي راح نلاقى وياكثرهم فقط نبي كشاف له نظره ثاقبه واذا بغيتوا يااداراة الهلال مستعدين كجمهور هلالي اننا نجيب افضل من عماد بسعر معقول . الزعيم فريق ولله الحمد كامل حاليا" حراسه ودفاع واظهره ومحاور ووسط ملعب واطراف كلاهما نقاط قوة فقط مركز الهجوم نقطه ضعف واضحه لو حليناها بأذن الله البطولة الآسيوية نجيبها .. كلمة اخيرة سامي اسطورة الكرة الآسيوية مستحيل اقارن أي لاعب حاليا فيه لم كان في مركز الهجوم كنا نتعاقد مع لاعبين مميزين صلاح الدين بصير سيرجو ريكاردو ولا اكتفينا بسامي لاحظوا قلت سامي الجابر وكفى الى اللقاء |
غريبه وين الاعضاء اقل شيء عطونا رايكم .. |
اتفق معك اتمنى يجي مهاجم من فئة 5 نجوم ابغاه يجيب اسيا واتمنى اعطاء الفرصه لعيسى المحياني بدال ياسر لان عليه ضغط وماهو في مستواه |
يسلم فمك طبعا خل هالشهرين تعدي على خير ولما تفتح فترة التسجيل اكيد الهلال بيحضر مهاجم يدبس الحارس تدبيس وياليت يكون من طراز فيكتور لاعب الاهلي واحب اذكر الاداره لما كنا في عصر الاساطير الثنيان والجابر جبنا اجانب رائعين ساهموا في الالقاب الاسيويه ورغم ان الاسطوره سامي وجوده يكفي في الهجوم وهو اللي حسم اكثر من لقب اسيوي سوبرين وكاس الكؤوس الاسيويه ومع هذا جلبنا الى جانبه اديملسون وبصير صلاح وسيرجيو حتى نستفيد من موهبة الاسطوره سامي المتعدده في عدة مراكز وكلنا يذكر المباراه التاريخيه امام جابليو في ابطال اسيا ايام هاتريك سيرجيو كان الاسطوره سامي يلعب تحت سيرجيو وصنع وابدع وامتع وجائت الاسيويه ولله الحمد كان فريق مكنمل سقى الله تلك الايام من لعيبه محليين واجانب الله يعيدها من ايام بس ولا انسى جلب مدافع من طينة هوساوي ويفكونا من النكبه المرشدي !!!! |
اوافقك الراي لاكن لاحياه لمن تنادي سبب خروجنا من اكثر البطولات هجومنا العقيم وياسر ما |
إقتباس:
حلوه 5 نجوم صار فندق ههههههههههه امزح لا تزعل كلامك صحيح لاكن اختلف من ناحيه المحياني لاعب اخذه فرصته وماقدم ربع ماكان مع الوحده .. |
والله لو نتعاقد مع مهاجم الفيصلي الأجنبي يكون افضل واهو ماخذ الهداف بالدوري |
هجومنا من ثلاث سنوات ميت دماغبا ومع الاسف الادارة لم تحركا ساكنا |
ياخي للاسف ادارات الهلال فشلت فشلا ذريعا من استقطاب مهاجم اجنبي على طينة الكبار من بعد سيرجيو ذبحونا بليلو وطقة ليلو وآخرتها احمد علي ,,,(((((( احمد علي يلعب بس مو طموح الهلال ماخذ خانة اجنبي وعندنا المحياني !!!! المشكله نبي مهاجم اجنبي عليه الكلام عندك وسط ماشاء الله جب مهاجم اجنبي بلاك مان يحرث االارض حرررث عوافي ياالغلا |
الله يعين الهلال وانا اتمنى يعطون فرصة لعيسى لأنه لاعب هداااف |
إقتباس:
يارب الله يسمع منك لاعب الاهلي فكتور يذكرني بعبدالله الجمعان قوة شوت بس لاكن مخ مافي .. ان شاءالله نتعاقد مع لاعب افضل منه على سبيل المثال الجزيرة الأماراتي افضل منا جايب ريكاردو اوليفيرا .. |
بس نخاف الموسم الجديد الي اختار التحفة احمد علي يجيب لنا تحفة اخر وتستمر مشكلة الهجوم |
بصراحة يوم شفت إختيارات الادارة في اللاعبين الأجانب والمحليين قلت أن لأبى حنيفة أن يمد رجليه وقلت أكثر تمخض الجبل فولد فأراً وأنا على استعداد لجلب مهاجم هداف بس تعطيني الادارة الضوء الأخضر وثقتي في نفسي أتت يوم شفت إختيارات الادارة واستقطاباتها اللي ما أدري وش تبي!!!! أجل إنسان عاقل يحضر الجيزاني والكعبي وأحمد علي وما أدري وش اسمه الخالدي أصبح الهلال نادي إيواء عاهات ولا مؤخذه كتبت يا صاحب الموضوع ولكنك لم تقل الصراحة كاملة كان من الواجب عليك أن تقول الصراحة بأن الهلال يلعب بدون هجوم حتى بوجود ياسر الذي تفاديت الحديث عنه خوفاً من غزوات البلطجيه إذا أردنا المنافسة على أسيا وغيرها من البطولات فيلزمنا مهاجم مجرم إرهابي من عينة سيرجيو وبغير ذلك سوف نتفرج على ضياع البطولات ومعها ضحكات ياسر وتمعر وجه أحمد علي |
انت تقول سامي اسطورة وهو افضل من لعب في الزعيم كرآس حربة انا متفق معك مافيه خلاف في الموضوع هذا لكن احب اذكرك ان سامي تعرض لنقد اشد واعنف من الحملات ضد ياسر حاليا القصد ان الحملات ضد المميزين في الزعيم قديمة وللأسف تجد من (يدرعم وراها) ومشكلة بعض الجمهور مايعرف قيمة اللاعب إلا بعد مايخسره !!!!! |
إقتباس:
ماقلت الا الصحيح لكن ياليت جمهور اللاعبين يستوعبو الكلام |
| الوقت المعتمد في المنتدى بتوقيت جرينتش +3.
الوقت الان » 11:27 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd