|
هجومنا عقيم + سامي انت افضل من لاعب في هذا المركز في البداية اتمنى من الأدارة اخذ هذا الموضوع في عين الاعتبار لان غالبيه الجماهير الهلالية توافقني الرأي .. بصراحه مادفعني الا هذا المقال هو ماقراته في اخبار الزعيم قبل اسبوع تقريبا" ان الهلال مهتم بالتعاقد مع عماد الحوسني ضحكت قليلا" ولاكن بكيت كثيرا" يمكن يكون كلام جرايد على قولتنا لاكن مافي دخان من غير نار حتى لو كان الكلام غير صحيح يؤسفني انا كا هلالي مجرد التفكير بهذا الاعب .. هجومنا عقيم من الموسم الماضي وحنا نطالب بمحترف اجنبي على مستوى عالي واضح نقطه ضعف الهلال خط الهجوم وهذا ما شاهدنا الموسم الماضي في البطولة الآسيوية لم قابلنا فرق قوية ياسر القحطاني لاعب كبير ومانختلف عليه لاكن معرض للاصابه للايقاف ومعرض لهبوط في المستوى ولو كان ياسر بقمه مستواه صعب نعتمد على مهاجم وحيد في خط الهجوم عيسي المحياني وليد الجيزاني مع احترامي لو اخذوا الفرصه وهم اتيحت لهم اكثر من مره لم يثبتوا وجودهم يعني افضل مكان لهم احتياط تعطيهم اخر ربع ساعه من المباراة لاكن المصيبه ؟؟ تعاقدنا مع احمد علي زاد الطين بله لاعب عادي ومتواضع وانا واثق ان الهلال لن يجدد معه بعد نهاية الموسم اللي يقهرنا كجمهور هلالي لو تلاحظون الاتحاد والشباب والنصر والاهلي حتى الاتفاق والوحده افضل منا في خط الهجوم ويتفوقون علينا .. الاندية القطرية والاماراتية اقل من الهلال جماهيرية وثقل في القارة الآسيوية مع ذالك تشاهد يتعاقدون مع لاعبين عالميين .. والله والله والله واقسم لكم بالله اذا مافكرنا من الحين ولا بحثنا عن مهاجم عالمي في خط الهجوم يفوق امكانيات ياسر القحطاني ويوازي مستوى الأسطورة سامي الجابر اقولها من الآن لن نقدم مايشفع لنا في البطولة الآسيوية ... اذا الأداراة الهلالية فكرت بــ عماد الحوسني او اللي على شاكلته من الاعبين المستهلكين اقول لاعب نجران ديبا ولاعب الفيصلي ميخن ميملي افضل منه لاعبين مهاريين وهدافين وعلى قولة رئسينا لاعب ( رخيص ) بصراحة لو فتشنا بالدول الاوروبية او البرازيلية او الارجنتينية او الافريقية لاعب مو لازم سعره غالي راح نلاقى وياكثرهم فقط نبي كشاف له نظره ثاقبه واذا بغيتوا يااداراة الهلال مستعدين كجمهور هلالي اننا نجيب افضل من عماد بسعر معقول . الزعيم فريق ولله الحمد كامل حاليا" حراسه ودفاع واظهره ومحاور ووسط ملعب واطراف كلاهما نقاط قوة فقط مركز الهجوم نقطه ضعف واضحه لو حليناها بأذن الله البطولة الآسيوية نجيبها .. كلمة اخيرة سامي اسطورة الكرة الآسيوية مستحيل اقارن أي لاعب حاليا فيه لم كان في مركز الهجوم كنا نتعاقد مع لاعبين مميزين صلاح الدين بصير سيرجو ريكاردو ولا اكتفينا بسامي لاحظوا قلت سامي الجابر وكفى الى اللقاء |
غريبه وين الاعضاء اقل شيء عطونا رايكم .. |
اتفق معك اتمنى يجي مهاجم من فئة 5 نجوم ابغاه يجيب اسيا واتمنى اعطاء الفرصه لعيسى المحياني بدال ياسر لان عليه ضغط وماهو في مستواه |
يسلم فمك طبعا خل هالشهرين تعدي على خير ولما تفتح فترة التسجيل اكيد الهلال بيحضر مهاجم يدبس الحارس تدبيس وياليت يكون من طراز فيكتور لاعب الاهلي واحب اذكر الاداره لما كنا في عصر الاساطير الثنيان والجابر جبنا اجانب رائعين ساهموا في الالقاب الاسيويه ورغم ان الاسطوره سامي وجوده يكفي في الهجوم وهو اللي حسم اكثر من لقب اسيوي سوبرين وكاس الكؤوس الاسيويه ومع هذا جلبنا الى جانبه اديملسون وبصير صلاح وسيرجيو حتى نستفيد من موهبة الاسطوره سامي المتعدده في عدة مراكز وكلنا يذكر المباراه التاريخيه امام جابليو في ابطال اسيا ايام هاتريك سيرجيو كان الاسطوره سامي يلعب تحت سيرجيو وصنع وابدع وامتع وجائت الاسيويه ولله الحمد كان فريق مكنمل سقى الله تلك الايام من لعيبه محليين واجانب الله يعيدها من ايام بس ولا انسى جلب مدافع من طينة هوساوي ويفكونا من النكبه المرشدي !!!! |
اوافقك الراي لاكن لاحياه لمن تنادي سبب خروجنا من اكثر البطولات هجومنا العقيم وياسر ما |
إقتباس:
حلوه 5 نجوم صار فندق ههههههههههه امزح لا تزعل كلامك صحيح لاكن اختلف من ناحيه المحياني لاعب اخذه فرصته وماقدم ربع ماكان مع الوحده .. |
والله لو نتعاقد مع مهاجم الفيصلي الأجنبي يكون افضل واهو ماخذ الهداف بالدوري |
هجومنا من ثلاث سنوات ميت دماغبا ومع الاسف الادارة لم تحركا ساكنا |
ياخي للاسف ادارات الهلال فشلت فشلا ذريعا من استقطاب مهاجم اجنبي على طينة الكبار من بعد سيرجيو ذبحونا بليلو وطقة ليلو وآخرتها احمد علي ,,,(((((( احمد علي يلعب بس مو طموح الهلال ماخذ خانة اجنبي وعندنا المحياني !!!! المشكله نبي مهاجم اجنبي عليه الكلام عندك وسط ماشاء الله جب مهاجم اجنبي بلاك مان يحرث االارض حرررث عوافي ياالغلا |
الله يعين الهلال وانا اتمنى يعطون فرصة لعيسى لأنه لاعب هداااف |
إقتباس:
يارب الله يسمع منك لاعب الاهلي فكتور يذكرني بعبدالله الجمعان قوة شوت بس لاكن مخ مافي .. ان شاءالله نتعاقد مع لاعب افضل منه على سبيل المثال الجزيرة الأماراتي افضل منا جايب ريكاردو اوليفيرا .. |
بس نخاف الموسم الجديد الي اختار التحفة احمد علي يجيب لنا تحفة اخر وتستمر مشكلة الهجوم |
بصراحة يوم شفت إختيارات الادارة في اللاعبين الأجانب والمحليين قلت أن لأبى حنيفة أن يمد رجليه وقلت أكثر تمخض الجبل فولد فأراً وأنا على استعداد لجلب مهاجم هداف بس تعطيني الادارة الضوء الأخضر وثقتي في نفسي أتت يوم شفت إختيارات الادارة واستقطاباتها اللي ما أدري وش تبي!!!! أجل إنسان عاقل يحضر الجيزاني والكعبي وأحمد علي وما أدري وش اسمه الخالدي أصبح الهلال نادي إيواء عاهات ولا مؤخذه كتبت يا صاحب الموضوع ولكنك لم تقل الصراحة كاملة كان من الواجب عليك أن تقول الصراحة بأن الهلال يلعب بدون هجوم حتى بوجود ياسر الذي تفاديت الحديث عنه خوفاً من غزوات البلطجيه إذا أردنا المنافسة على أسيا وغيرها من البطولات فيلزمنا مهاجم مجرم إرهابي من عينة سيرجيو وبغير ذلك سوف نتفرج على ضياع البطولات ومعها ضحكات ياسر وتمعر وجه أحمد علي |
انت تقول سامي اسطورة وهو افضل من لعب في الزعيم كرآس حربة انا متفق معك مافيه خلاف في الموضوع هذا لكن احب اذكرك ان سامي تعرض لنقد اشد واعنف من الحملات ضد ياسر حاليا القصد ان الحملات ضد المميزين في الزعيم قديمة وللأسف تجد من (يدرعم وراها) ومشكلة بعض الجمهور مايعرف قيمة اللاعب إلا بعد مايخسره !!!!! |
إقتباس:
ماقلت الا الصحيح لكن ياليت جمهور اللاعبين يستوعبو الكلام |
إقتباس:
اسعدني مرورك اخوي تحياتي .. |
إقتباس:
كلامك صحيح وذكرتها في موضوعي لاعب هداف ومهاري لاكن مو طموح الزعيم نبي لاعب عالمي له ثقله .. المقصد من كلامي اذا نبي نجيب لاعبين مثل عماد الحوسني ميملي افضل اسعدني مرورك.. |
صدقت اخوي وانا قد قلتها قبل بهجومنا هذا ماراح نجيب اسيآ وحتى مانشمها .. يبيلنا مهاجم مايرحم وكذالك ضهير ايسر وتكمل الصفه |
إقتباس:
كلامك صحيح للآسف .. اسعدني مرورك |
إقتباس:
هذا ماكنت اطالب فيه بموضوعي هذا على الأدراة ان تراجع حساباته بعد نهاية الموسم .. نبي لاعب هداف وعالمي اسعدني مرورك |
سسآمي مآحد جآآي مثله لو تنطبق السمآء على الأرض .. مهاجم لو مآهدف يصنع اهداف .. نجم من طراز اخر .. ريت يآسر والاعبين يتعلمون من لاعبه :( نبي مهااجم مثل زيايه يدهر عند القده ويعمل برسنق .. نبي مهاجم مثله مثل سيرجو اخ ي سيرجو الله يذكرك ب الخير :( اتمنى الادارة الهلاليه تسمع كلامنآ بسس .. ماااش الفقراويه حينمآ يشكون للأداره تتم الاستجابه .. |
ياسر بكفي ويوفي لكن لأزم ياسر يحط براسه عدم التصريح للأعلام عدم التصريح لأي وسيله اعلاميه مهما كان المستوى ابتعاد ياسر عن المشنورات والصحف وبهذا الحل سنكون في المقدمه بكل شي ..!! |
اذا ما جبت مهاجم اسسود تكروني و سريع والله ما ينفع ،،، |
إقتباس:
و اما بالنسبة لاحمد علي يعني يا ليت تخفون عليه شوي و لا ننسى انو ويلي صبرنا تقريبا 8 مباريات و بنفس الوقت لا اعارض فكرة مهاجم عالمي مع التحية |
الله يعين على الهجوم ياسر في درب خطير في مستواه . |
يالبيه يا احمد علي ,,,,,,,, |
لاعب الفيصلي ميخن ميملي اتوقع الموسم القادم انه بيروح نادي كبير اتمنى ان نتعاقد معه ... |
إقتباس:
اعطوه فرصه لاكن ما اثبت وجودهـ على شان كذا جابوا الكديش الجمعان والجيزاني .. |
إقتباس:
لا ان شاءالله ما تتكرر .. وهذا الهدف من الموضوع انا وانت راح نطالب بمهاجم اجنبي عالمي على شان مايتكرر الخطا .. |
إقتباس:
راح ابدا معك في اخر شيء تحدثت عنه والله لاني خايف من البطلجيه على حسب تعبيرك ولاضربت لاحد حساب فقط اقول رايي بكل وضوح . ياسر تجاهلت الحديث عنه لاني مقتنع فيه صح حاليا سيء لاكن افضل السيئين مع هبوط مستواهـ ينافس على صداراة الهدافين مع انه غاب عن اكثر من مباراة لم اصيب ياسر جميع الجماهير الهلاليه تمنى ان يشارك لو هو مصاب ولا اشوف الجيزاني واحمد على .. اتفق معك ان الادراة الهلاليه صاره تجيب اشباه لاعبين ورجيع الأندية وهذا ما تعودنا عليه لاكن متفائل واثق ان الموسم القادم بدايه التصحيح .. |
إقتباس:
تكفى لا تقارن سامي بياسر من بداية سامي كلاعب مع الهلال وانا اتابع جميع المباريات سامي حاله حال اي لاعب عالمي لازم يهبط مستواهـ لاكن مباراة اثنتين نص موسم ياسر له الحين ثلاث مواسم هابط مستواهـ .. لاكن انا ماذكرت ولا تطرق لياسر قلت لك مع هبوط مستواهـ افضل الموجودين |
الله يعطيك العافيه عالموضوع .. وماقصرت ,, |
| الوقت المعتمد في المنتدى بتوقيت جرينتش +3.
الوقت الان » 10:28 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd