بدون مقدمات....

اخطر المشاكل التي دائما ما تهز صورة الهلال وتمنع الابداع والفن الذي ينتظره الجمهور الهلالي الحقيقي بشغف......هو النجومية.

فالهلال للأسف مطمع لمن يريد ان يكون النجم الاوحد....

نجم الشباك الاول..

النجم الجماهيري الأول..

سواء من لاعبين او اداريين او منسوبين او حتى رؤوساء..

فاذا ابدع لاعب وذاق طعم التشجيع والجماهيرية وعبارات المدح والتبجيل....اصبح يرى نفسه (super star)

وبعض اللاعبين يبحث عن النجومية وفرض نفسه واظهار ابداعاته الفردية حتى تصفق له الجماهير على حساب الهلال..

وكثير من اللاعبين للأسف....يعتبرون انفسهم نجوم فوق العادة في الهلال...ويعتقد كل واحد منهم انه المنقذ ومحبوب الجماهير......ويبدأ مسلسل التعالي والاستعراض

بل اغلب اللاعبين يريدون الانضمام للهلال او غيره من الاندية الجماهيرية من اجل النجومية....قبل ممارسة كرة القدم...لذا نراه بعد عدة مباريات مميزة يقدم نفسه على انه فوق الكل...او الكل بالكل.

النجومية والبحث عن الشهرة والاضواء مشكلة اساسية اذا لم يتم التعامل معها بفهم عميق..وكل المجالات التي تقع تحت سطوة النجومية تعاني..والوسط الرياضي احدها بل واهمها على الاطلاق..

الفرق ان الرياضة العالمية عرفت كيف تطوع النجم وتستفيد من نجوميته في خدمة النادي...وبنفس الوقت اللاعب النجم يدرك حجم مسؤولياته تجاه الفريق وتجاه الشهرة والاضواء..

أما عندنا فالهدف ان يكون احدهم نجم ومشهور...وله جماهير.......ويسوي اللي يبي.

ليس اللاعبين فقط...بل العديد من الاداريين وحتى الرؤوساء يبحثون عن النجومية والشهرة من خلال الاندية والهلال في السعودية هو اقصر الطرق لتكون تحت الضوء......حتى لو كان هذا الشخص لا يجيد سوى الوقوف امام الكاميرات..

مشكلة الهلال...ان النجومية بدأت تطغى على روح الفريق والتعاون من اجل هوية الهلال ومصلحة الهلال....وكل لاعب يتعامل مع الكرة ومع الملعب والجماهير...أنه هو وحده الابرز والافضل والذي يريد ان يرضي الجماهير ويحظى بتشجيعهم.

ولنا في ياسر اقرب مثال...حيث حجبت نجوميته حتى النقد والتوجية السليم لتصرفاته وهبوط مستواه وتضييع مجهود الفريق بكل بروووود وبلادة دون ان يتحرك احد....وعلى ذلك قس على بقية اللاعبين....باستثناء قلة من اللاعبين على رأسهم الشلهوب...الذي يقدم الفريق وزملائه على نفسه حتى بالتسجيل.

للأسف ان مسيري البيت الهلال لم يجيدوا التعامل مع هذه الظاهرة وتقليم اظافر النجومية....وتقديم اهمية الفريق على اهمية اللاعب نفسه....

واذا لم تجد هذه المشكلة حلا سريعا يجعل هؤلاء النجوم ونجوميتهم تصب في مصلحة الهلال....فجمهور الهلال مقبل على سنوات عجاف من رفع الضغط...والبربسة.

الواحد يبيله يجيب ونش معه للمنتدى يرفع مواضيعه

الله يرجكـ على ونشكـ


لا هنت على طرحكـ

تسلم يمينك ما قصرت ع الموضوع وكلامك صحيح وان شاء الله ياسر يعوود لانى اتوقع مشكله ياسر موجوده في موضوعك والله اعلم

الله يسامحك --- اي فريق يتمني ربع لاعب هلالي -- هو ماهو تعالي بقدر ماهو ظغط من كل جهه الاعلام الاصفر وللأسف بعض جماهير الزعيم واللجان كافه وظغط المباريات وتداخل والبطولات -- اما بانسبه لياسر الموسمين الماضيين كلها اصابات وتحطيم من بعض حثاله الجماهير -- ناهيك عن اشياء لايعرفها جماهير الهلال عموما اي فريق يتمني ضل ياسر وليس ياسر --- في مبارات الاتحاد والهلال او النصر يلعبون بسته اوخمسه مدافعيين علشان ياسر بيلعب ---- ياجمهور خفو اقلامكم عن النجوم واخفضو اصواتكم لبيدعو لكم ولاتكونو حاديين او قاسيين ---هؤلأ النجوم من اسعدوكم ورفعو الذهب والدروع وغيركم من الجماهير تبكي سنيين عجاف ---- تقبل مروري وتحياتي

مشكلة الهلال...ان النجومية بدأت تطغى على روح الفريق والتعاون من اجل هوية الهلال ومصلحة الهلال....وكل لاعب يتعامل مع الكرة ومع الملعب والجماهير...أنه هو وحده الابرز والافضل والذي يريد ان يرضي الجماهير ويحظى بتشجيعهم.

***

تبي الحقيقة .. هالكلام اللي تقول عنه ما شفناه

والله كـلامك عـين إلعاقل بـس أعـتقد ان الـسبب ألجمهور

اللي مع الاعب وهو هابط مستواه وذا نقدته قالت انت منت هلالي

ولكم فـي القناص اقرب مثال

لا تعليق على القناص ملينا من كثر الكلام عنه

عيسى ( تـكفى شـد حـيلك )

أشوف فيك سـامي الجابر اللي همه الاول انه يحرق نفسه من اجل الشعار

ياخي لعيبتنا والله كبار بس ناقصهم شويت خبره

إقتباس الرسالة الأصلية كتبت بواسطة ابو عــــامر تسلم يمينك ما قصرت ع الموضوع وكلامك صحيح وان شاء الله ياسر يعوود لانى اتوقع مشكله ياسر موجوده في موضوعك والله اعلم

كلنا نتمنى عودة ياسر يا بو عامر لكن ما ظني بيعود بهالشكل اللي قاعد يصير..

مشكلته واضحة لكن ما احد قادر يقول شي او يفكر بالحل الصحيح.

إقتباس الرسالة الأصلية كتبت بواسطة مخاوي السامر الله يسامحك --- اي فريق يتمني ربع لاعب هلالي -- هو ماهو تعالي بقدر ماهو ظغط من كل جهه الاعلام الاصفر وللأسف بعض جماهير الزعيم واللجان كافه وظغط المباريات وتداخل والبطولات -- اما بانسبه لياسر الموسمين الماضيين كلها اصابات وتحطيم من بعض حثاله الجماهير -- ناهيك عن اشياء لايعرفها جماهير الهلال عموما اي فريق يتمني ضل ياسر وليس ياسر --- في مبارات الاتحاد والهلال او النصر يلعبون بسته اوخمسه مدافعيين علشان ياسر بيلعب ---- ياجمهور خفو اقلامكم عن النجوم واخفضو اصواتكم لبيدعو لكم ولاتكونو حاديين او قاسيين ---هؤلأ النجوم من اسعدوكم ورفعو الذهب والدروع وغيركم من الجماهير تبكي سنيين عجاف ---- تقبل مروري وتحياتي

اخوي مخاوي....المهم ليس الاسماء سواء ياسر او غيره.....لكن المهم ان لا تكون النجومية سبب في غياب روح الهلال وتدني مستواه..

ياسر لاعب فنان وموهوب ومهاجم من طراز نادر....ما احد ينكر

وتعرض لضغوط ما يصبر عليها احد.....

لكن بالاخير المسألة كورة قدم....وفريق اسمه الهلال...مصلحته اهم من المجاملات النفسية والجماهيرية

نجوم الهلال نمدحهم ويكفيهم من المدح انهم يلعبون لنادي مثل الهلال...اللي اغلب لاعبي المملكة يتمنون يكونون بمكانهم

لذلك عليهم ان يكونوا على قدر المسؤولية ....بعيدا عن البحث عن المصالح الذاتية والامجاد الشخصية والجماهيرية على حساب الهلال...

بالنسبة لي..

النجم عندي هو الهلال...... اللي غيره يجب ان يخدمه بالشكل الصحيح ووقتها يستاهل ينحط على الراس....والا يتوكل على الله فيه غيره الاف تخدم الهلال.

إقتباس الرسالة الأصلية كتبت بواسطة هلالي كيلنتون مشكلة الهلال...ان النجومية بدأت تطغى على روح الفريق والتعاون من اجل هوية الهلال ومصلحة الهلال....وكل لاعب يتعامل مع الكرة ومع الملعب والجماهير...أنه هو وحده الابرز والافضل والذي يريد ان يرضي الجماهير ويحظى بتشجيعهم. *** تبي الحقيقة .. هالكلام اللي تقول عنه ما شفناه

تابع بعض مباريات الهلال...وشف وش يسوي ياسر او الفريدي او العابد او الدوسري او غيرهم من عدم تمرير الكرة في الوقت المناسب للاعب اللي في مكان افضل للتسجيل....وبتعرف كلامي حقيقة والا لا...

اللاعب بدون شعور يحاول يكون هو مسجل الهدف وهو اللي يعدي من اللاعبين...وحتى لو معه احد فاتح صح ما يمرر...يقعد يستعرض..

قارنهم بالشلهوب اللي يفكر بالتمرير قبل التسجيل....هذا اللاعب اللي عنده روح الفريق قبل ما يسوي انه هو النجم.

إقتباس الرسالة الأصلية كتبت بواسطة dreamy guy والله كـلامك عـين إلعاقل بـس أعـتقد ان الـسبب ألجمهور اللي مع الاعب وهو هابط مستواه وذا نقدته قالت انت منت هلالي ولكم فـي القناص اقرب مثال لا تعليق على القناص ملينا من كثر الكلام عنه عيسى ( تـكفى شـد حـيلك ) أشوف فيك سـامي الجابر اللي همه الاول انه يحرق نفسه من اجل الشعار

انا مع رأيك

الجماهير هي التي تصنع النجوم وتضخم من نجوميتهم التي احيانا تطغى على اللعب كفريق واحد

بيض الله وجهك

هذا هو الكلام

المصيبة فـ المطبلين للاعبين

صارت شغلتهم يلمعون حق ياسر وغيره

ويعتمدون على كلمة تتذكرون يوم سجل

يا عيسى نحن بــ إنتظارك
يارب تكون اساسي بدل يسوري

الي اسواء من المطبلين الي يعتقد انه افضل من المدرب ومدير الفريق وكل من يعمل في ادارة الكرة

اتركو الفريق الان

واذا لابد ركزو على المدرب وخلو الي يفهمون عربي

اشكرك خيوو ع الموضوع



والى الامام يازعماء