. يارب الكأس . وأفكآر جديده ل مجلس الجمهور الهلآلي : $ - نادي الهلال السعودي - شبكة الزعيم

هلآلي خلقه · #1 21/03/2011, 11:08 PM

-

1 /

بعد أقل من شههههر بيلعب الهلال مع الوحده ب النهائي
قلت عندي فكرره

يارب الكاس (جمهور الزمالك)

نسوي زي هالحركه مع ترديد (العين تدمع .... والكأس يلمع)

حركة حلوة وبسيطة بس تحتاج ترتيب من المجلس ،، و وتعاون المدرج
مهوب كل واحد يرمي الورقة الزرقاء أو البيضاء
أو كالعادة يجلس عليها مثل التيشيرتات البلاستيكية !!
أتمنى تطبيقه واتخاذه بشكل جدي مو بس كلآم

2 /

هينا مقطع من مباراة ذوبهان أنا مصوره اللي امتلا فيها المدرج الله لايعيدها .

من الدقيقه 2:19 إلى 2:50

YouTube - ‫تشجيع جماهير الهلال قبل مباراة ذوب أهن‬‎

فيه حركة سوينآهآ ..

لو نسويهآ بس كل المدرج معنآ .. بتطلع حلووه وهي بسيطه ..

زي ما احنا عارفين المدرجات كلهآ كرآسي << باللهي ,

المهم الحركة تتلخص ان الجمهور يوقف وكل واحد يضرب الكرسي اللي قدامه بيديه الثنتين
برتم واحد ومتواصل .. ولو معه صرخه بعد تطلع احلى ..
لمدة دقيقه مثلا كل المدرج يسوي كذآ والله تطلع حلوه ورعب .. ,

تعرفون الطبول الكبيييررررره مو حقت الطقاقات لا اللي كنها حقت الصينين اللي بس طقه وحده
والله انها زينه

تشبه طبلة حماده الي أختفت ..... فقدنا طق طق طق طق .... طق طق طق طق

3 /

فيه فكره بسيطه جديده .. وأنا جايزتن لي مدري عاد كانها تجوز لكم
الفكره بـ إختصار ..
لما يكون الهلال فايز .. وباقي على تصفيرة الحكم 20 ثانيه مثلن .. كل الجمهور بـ صوت واحد : اووووووه
لين يصفر الحكم وينفجر الملعب هييييييييييييييييييييييييييييييييييييييه
يعني الجمهور يترقّب صافرة الحكم .. هالحركه يسوونها الجماهير الإيطاليه ,

4 /

بالرسام سويتها .. وشلون ما نقدر نسويها
والله سهل بس محتاجه تنسيق وترتيب وتنظيم وكل شي بيمشي تمام ..

الواجهة عبارة عن 12 قطعة (مربع) من المدرجات العلوية و12 في الأسفل ..
يعني لو تطوّع 24مشجع وكل واحد مسك مربع يقدر ينظمه أحسن تنظيم ..
طبعاً مع توجيهات الرابطة بالمايكرفون ..

::

مجلس الجمهور وعشان ماأظلمهم واحط اللوم الاكبر عليهم
اقوللك الجمهور بعد هل بيتقبل هالأفكار .؟

عندك جمهور عجاز بس يجيب معة فصفص ويقعد يتفل على العالم ولابس فروة ومتلطم //

اي واحد يوقف يشجع يقوله اللي وراه اجلس خلنا نشوف

لو تقوم تبي تسوي حركة الموج
قال اقعدوا خلونا نشوف المبـاراة !!
ولو أحد وقف بيسوي حركة ولا شيء ,, قالوا له اجلس نبي نتفرج

خصوصا في الرياض,,
يجيك الواحد الله يحييه كيلو نشا ع الشماغ ولا فيه حيل يتحرك لا تخرب الترسيمة

هذا غير انهم يقطعون اي شي يجيهم .. زي الاعلام الطويله هذي !
وما يساعدون نهائياً على ظهور المدرج بشكل مميز ..

تقريبا اغلب المباريات الي بالرياض توزع القمصان البلاستيكية

لكن جماهيرنا من يوم تجيه وهو حاطها على الكرسي وقاعدن عليها عشان مايتوصخ ثوبه

عندك ناس يجون بقميص النوم و ناس تجي بطقم ميلان و البرسا ..

ياخي اضعف الايمان اللي بيلبس ثوب خل معك شال ولا البس تيشيرت الهلال فوقه
المفروض تيشيرت الهلال يكون اللبس الاساسي لآي مباراه تحضرها ..

غير كذا عندك جمهورك احيانا ما يتفاعل .. اذا مباراة النصر الأخيره وعشان حركة الموج في الدقيقه 70

تقريبا 50٪ من الجماهير ما سوتها .. مدري يستحون ولا وش السالفه

فيه ناس تستحي تقوم تسوي الموج وماقاموا الا بالترجي والمحايل

غير كذا عندك جمهور اذا بدات المباراه يسب في الاعبين..او يحلل ويقشم حب..او ساكت.

واذا قفلت اخلاقه حشرك بـ الدخـآن
واذا قمت تطامر .. يقعد يطاطي . . طؤ طؤ . .
ودك تقوله قم انقلع للمنصه يااشيخ . .

ولا يجيك ياشباب جلووس نبي نشووف المباراة ..
تببي تشوفها اجلس ببيتكم تلفزيون ومكيف .. ومافيه حشرة دخاخيين ..

ربعنا يبون شكشكة وصوت هالطيران يلعلع

أكثرهم يتجمعون جمب الرابطه . حاضرين لايدرون وش الكوره ولايعرفون شكلها ..
بعضهم جاي يرقص و يسرق .. وبعضهم يكحّل عيونه .. وبعضهم جاي عشان الملعب قريب
من بيتهم

نبي تشجيع اوروبي ونبي اولي اولي اولي
ونبي زلزال وامواج مكسيكيه

الي عنده أي فكره للمدرج يقولها :/

فيه مقطعين للجمهور بصرآااحه إبداع ...
تشجييع وحماااس ... شوفوها :

YouTube - ‫جمهور الهلال السعودي _ اقوى مقطع حمااااس‬‎

YouTube - Alhilal Fans Shaking the Stadium

هلآلي خلقه · #2 22/03/2011, 12:51 PM

...............

Abu Nayef · #3 22/03/2011, 01:32 PM

ما قصرت يالغالي على مجهودك انا انقهر من اللي يحضر ويجلس بس نبي يسوون زي اللي قلت نبي جمهور حماس ما نبي كل واحد يتفرج وياكل حب

آلجني آلآزرق 9 · #4 22/03/2011, 01:44 PM

يعطيك العافية على افكارك الراااائعة

بس صعب شوي ننفذها وخاصة ان بعض الجماهير يستحي

بالتوفيق للهلال وان شاء الله يبطقون افكارك

تقبل مروري

الهلالي100% · #5 22/03/2011, 01:55 PM

-

آفكآآر مميزة وبسيططة ... !

وينكم يآمجلس آلجمممهور .. وآلله نحتآج تطوير في آلتشجيع ملينآ نفس آلآهآزيح نفس آلحركآت ... !

فكرة آلقططططع آلبلآستيكة حلووووة وآلآحلى آقترآحك آنه يكون ع ـند كل مدرج مشجع ينظمهم ويظهر آلمدرج بآبهى حله ... !

ن’ـدآ لمجلس جمممهورن’ـآ آلغآلي ... !

مح ـبتي ... ]

هلآلي خلقه · #6 22/03/2011, 05:53 PM

إقتباس

الرسالة الأصلية كتبت بواسطة هـــلالــ،ــي


	ما قصرت يالغالي على مجهودك انا انقهر من اللي يحضر ويجلس بس نبي يسوون زي اللي قلت نبي جمهور حماس ما نبي كل واحد يتفرج وياكل حب

جمهور الرياض انسى يتفاعل معك 90 دقيقه ..
هي اول 5 دقايق في بداية المباراة تشجيع وبعدين الدقيقه السادسه الكل جالس و يقشم بهالحب .
وان جت الاقوال قامو يحتفلون فيها دقيقتين ويرجعون لسباتهم

ابـوسعود · #7 22/03/2011, 09:08 PM

نبي رابطه صاحيه عشان يصير المدرج صاحي

ماعندهم غير ياكلك ويليتها للهلال بعد للاتحاد اخخ بس يالبطاطي والله انه فاقع مرارتي /~/
________________________________________________

________________________________________________

________________________________________________

________________________________________________

مواصل من يومين · #8 22/03/2011, 09:24 PM

المشكله عندنا جمهور ماش خخخـ
يعني لو تحط قطع بلاستيكيه عشان يرفعونها اذا دخلوا اللاعبين انا متأكد ان نصهم بيقعد يهف بها وجهه من الحر
بس اعجبتني الحركه اللي قبل مايصفر الحكم وحنا فايزين بس من يطبقها

brhomi · #9 22/03/2011, 09:33 PM

مشكوووووور اخوووووووي
نبي في كل مباراة حركة جميلة

الزعيم saud · #10 22/03/2011, 09:50 PM

مشكور وماقصرت يالغلا افكار رايعه ولاكن عندي شويات بقولهن
عن الجمهور ياليت وياليت من مجلس الجمهور الهلالي المباره كاس ولي العهد النهائي نبي فله نبي ابداع
1- تصفيق حار من الجمهور لدخول اللاعبين ارضيه الملعب >سهله
2- ترديد اسامي اللاعبين عند الدقايق مثلا 8 رادوي رادوي هاذي المعلقين عليها يجيب الوقفه مع اللاعبين الاخرين وش ذنب اللي يلعب ويقاتل ويجي خطا واححد منه قمتو سب وشتم عليه هاذولا لعبينكم هم اللي يبون يجيبون لكم البطولات والفوز ولاتقسو عليهم 3- طق الكراسي ولاتنساء قدام بونيدكور يالبيه ذيك المباره بس
4- رفع اعلام الدول للاعبينا ويلي - لي يونغ -رادوي -احمدعلي - كالديرون نفس قدام النصر
5- صافرات الاستهجان لكل كوره يستلمها الخصم للتشتيت ذهنهم وفكرهم
6- ترديد اغاني الهلال ياليت احد شعراء الهلال لو قصيده وحده يهديها للرابطه بدال ياهلال عزك عزنا لها 100قرن
7-حركه الموج
8-رفع الشالات والاعلام
9-ترديد اسم شبيه الريح ووجه السعد
10- اللي قلتها انت عند اخر المباره مايصفر الحكم
هاذي انشاء الله توصل للرابطه وصدقوني لاسواه مجلس الجمهور يبي ينجح

حجاب الودعاني · #11 22/03/2011, 09:55 PM

ان شاء الله يتم التطبيق

و لازم التفاعل من الجمهور

روقااان · #12 22/03/2011, 10:55 PM

يعطيك العاااااافيه أفكار حلوه
اان شاءالله تطبقها الرابطه
وتفاعل من الجمهور ويطبقونها

socrates8100 · #13 22/03/2011, 11:25 PM

يعني مانقدر نشجع الا وحنا واقفين؟؟

نقدر نسوي كل اللي قلته بقومه وقعده وبعدين انا جاي اشجع واشوف المباراه مايصير العالم واقفه مع كل هجمه خطيره ولا ركنيه سلامات

أميـــر الليل · #14 22/03/2011, 11:38 PM

يعطيك العآفية

وربي لو نطبق اللي قلت رآح يكون جمهور خيآآآآلي ومآفي شيء مستحيل

::: :::

سلطان العودة · #15 23/03/2011, 01:17 AM

فكرة حلووووه وياليت يسونها والله تكون روووعه