21/03/2011, 08:05 PM
|
| زعيــم فعــال | | تاريخ التسجيل: 02/10/2002 المكان: كوريا الجنوبية
مشاركات: 207
| |
بعد هدوء العاصــــفة .. هلال كالديرون كيف الحــــآآآآل !! والمدربين عندنا سلق بيض بسم الله الرحمن الرحيم
بصراحة مباراة امس كان تكتيك كالديرون كيف الحال بقووووه.
كلنا شفنا تشكيلة الهلال هجومية ... وتشكيلة الاتحاد دفاعية
ما ادري تحس المدربين يسلقون بيض على روسنا بصراحة .. يعني لا قراءة فنية ولا جرأه ولا انتهاز اخطاء الغير ولا شيئ بس وظيفة المدرب ينزل 11 لاعب ويالله شدوا حيلكم وخلاص وبالشوط الثاني تغييرين والا ثلاثه وانتهينا
تحس ان كل مدرب عارف تشكيلة الثاني قبل المباراة والدليل ان مافيه احد منهم غير الا نصف الشوط الثاني
كالديرون من حط تشكيلته قلت الاتحاد بيفوز بالمرتدات لو عنده لاعبين وسط فاهمين .. او المباراة بتنهتي تعادل لان الهلال مستحيل يسجل والاتحاد متكتل بهالدفاع كله
كالديرون بهالتشكيلة قتل الهلال من الوريد للوريد .. فتح لهم نص الملعب والاطراف يسرحون ويمرحون وحدهم نوصل لنص ملعب الاتحاد وتنقطع الكورة وترجع هجمة مرتده علينا
ياسر توه راجع من اصابة ولياقته ماتسعفه ودفاع الاتحاد في بداية المباراة مصحصح عكس نهايتها يعني لو لعبت احمد علي وخليته يستنزف لياقة مدافعين الاتحاد ويسحبهم للاطراف ويفتح تغرات وطريق لوسطك الهجومي للتقدم كان افضل وبالشوط الثاني نزل ياسر يستغل ضعف اللياقه ونستفيد منه بالشكل المطلوب
ايضا ... الشلهوب للمره المليون مدامك مقتنع فيه ياكالديرون انه يلعب 90 دقيقه خله في مركزه الاساسي صانع لعب
نلاحظ الشلهوب مشتت تفكيره وكل كوره مقطوعه ولا عنده ثقه بنفسه لان مركزه حساس (محور ثاني) لو تنقطع كورته بتجي مرتده على الهلال عشان كذا نشوفه مرتبك ويأخر الكورة ويتم الضغط عليه واذا ما اخذ فاول بسهوله تنقطع منه الكورة بسبب تكوينه الجسماني الضعيف .. ما ادري من الي ضحك عليه وقاله حطه محور .. قتل قدراته الهجومية في صناعة اللعب وقتل الفريق بكثرة الكور المقطوعة والهجوم المرتد واستزاف لياقة اللاعبين الاخرين
مدرب الاتحاد عارف ان الهلال ماعنده صانع لعب الا الفريدي والباقي يلعبون على الاطراف عشان كذا لعب اربعة اظهره يسار (الصقري والسعيد) ويمين (الرهيب وباولو جورج) .. وخلى كريري قدام الفريدي لانه ظامن الشلهوب ماراح يتقدم كثير لان كالديرون ملعبه محور .. وبكذا يقتل هجمات الهلال من نص ملعبه ويقتل اجنحة الهلال واظهرته ويبدأ عليهم مرتدات .. يعني زي ما ذكرت لكم كأنه عارف بالتشكيلة من اول.
صراحة ما ادري غباء المدربين وين بيوصلنا يعني لو مدرب الهلال كفء وجريئ بعد ماشاف تشكيلة الاتحاد ومستوى لعيبته اول ثلث ساعه .. كان سحب الدوسري (توه راجع من اصابه) وبعيد عن مستواه ولعب القرني محور قدام عزيز .. وقدم الشلهوب مع الفريدي عشان يسيطر على وسط الملعب بعد ما خلاه مدرب الاتحاد فاضي وحط 4 لاعبين على الاطراف .. وقتها اكيد مدرب الاتحاد بيكثف الوسط سواءا بأستنزاف تغيير ولخبطة اوراق الفريق او بيوعز لاحد الاظهره بالدخول لوسط الملعب لمساندة كريري .. وراح نستفيد سواءا لان الظهير يلعب في غير مركزه وبنستفيد ان الطرف فاضي وبكذا يتقدم ظهير الجنب الهلالي للمسانده ونسيطر على وسط الملعب والمباراة ككل ونصنع الفارق بمهارات اللاعبين ولخبطة اوراق الفريق الخصم.
والله لو مدرب الاتحاد فاهم وسحب احد الاظهره ونزل حديد وقدم الصقري ومناف ونونو قدام عزيز كان اكلناها صح .. بس زي ماقلت لكم مدربين يسلقون بيض
الله ستر على الهلال من هالتخبط .. وكالديرون يجب محاسبته ومناقشته في تغيير مراكز اللاعبين .. يعني اذا غاب محور وفيه محور يؤدي اداوره يجب عدم الفلسفه ويجب الرجوع لمستوى الفريق الخصم بالدوري كامل فالاتحاد دفاعه ثاني اقوى دفاع ويسهل التسجيل فيه آخر الشوط الثاني فقط لضعف لياقته وكبر سن لاعبينه يعني امسك النص وسيطر عليه واستنزف لياقة الخصم وزيد ثقة لاعبينك وحافظ على مرماك واذا لم تسجل في الشوط الاول ... فالشوط الثاني اضرب بيد من حديد وانقض على الخصم بالضربة القاضية كما فعلها قبلك الفيصلي والقادسة والاتفاق ونجران امام الاتحاد
ختاما اتمنى للهلال التوفيق في المشوار القادم
ليكون ختامها مسك
دمتم بود |