السلام عليكم ورحمه الله وبركاته
هارد لكم التعادل واللي من المفروض يكون الزعيم خارج من المباراه بفوز لا يقل عن 3 اهداف
طيب تعالو خلونا ندخل بالموضوع
اقصد بالتحكيم دايم معنا هذا ما يقولوله اكثر الحاقدين على الزعيم
ومباراه البارح اثبتت للجميع ان الهلال اكثر فريق يتضرر من التحكيم الفريدي الظاهر طلع من الملعب على طواري احد مستشفيات الرياض من كثر الضرب المتعمد من اغلب لاعبين الاتهاد صالح الصقري وكريري وباولو
والحكم ما يحرك ساكن
الصقري من المفروض طرد
وضربات الجزاء للهلال حدث ولا حرج
انا بس بعرف شي واحد من اللي يوقف ورا هالمهزله في التحكيم
اجانب والله من جمبها والله العظيم لو الحكم سعودي قامت الدنيا عليه بس الهلال مع احترامي للجمهوره دايم متعود ينظلم ولا يتكلم
ليه ما نتكلم زي ماهم في كل مباراه مع الهلال لو ما ينحسب لهم فاول يقلبون الدنيا
ومباراتنا مع الاتحاد ثلاث ضربات جزاء لم تتحتسب
وباولو جورح يضرب ياسر القحطاني ويقولون ياسر يمثل
ياناس اليا متى ننظلم ونسكت والله كان المفروض نكون فايزين بهاذي المباراه على الاقل بهدفين بس حسبي الله على الظالم