20/03/2011, 11:56 PM
|
زعيــم متألــق | | تاريخ التسجيل: 21/08/2010 المكان: على الأرض
مشاركات: 1,238
| |
أيش سر العشر دقايق الأخيره يالاعبين الهلال + الحكم جامل الهلال+علامات إستفهام وتعجب "بسم الله الرحمن الرحيم"
مساء/صباح الخير أعضاء وزوار شبكة الزعيم
شاهدنا اليوم مباراة من طرف واحد الإتحاد لمدة 85 دقيقة تقريبا رغم إن الإتحاد ماكان بذاك المستوى
لكن لاعبيننا من بداية المباراة اتضح إنه مستسلمين ومعطين المباراة الإتحاد وكأنهم يقولون ماراح نقدم مستوى
والي يسير يسير لكن الحمد لله ربي ستر وآلت المباراة للتعادل ليصحون لاعبيننا من سباتهم العميق ويحسون
بالجمهور بآخر عشر دقايق تقريبا في آخر 5 دقايق من الشوط الأصلي والخمس دقايق الإضافيه لكن بعد أيش
والله العظيم لو لعبوا المباراة بنفس المستوى في الدقايق الأخيره كان شفنا كلاسيكو ولا أروع وظفرنا بالنتيجه
والمنطق يقول إن الدوري باقي ماحسم خصوصا إن المباريات القادمه بالدوري قويه والكل يبي يعرقل الهلال فمن المفترض إن اللاعبين يفكرون بهالشي ويدخلون كل مباراة للفوز صحيح إن الفريق مضغوط واللاعبين مرهقين لكن مهر الدوري غالي وأكيد ماراح نرتاح إلا لما نشوف الدرع رافعينه نجومنا بإذن الله علامات إستفهام وتعجب:
* ياسر اليوم ماكان بيومه لا أحد يقول الفريق كله مالعب هذا صحيح لكن بشكل خاص ياسر الكل متأكد
إنه مو هذا مستواه وإنه عنده الأفضل فرصتين تقريبا اليوم لياسر يلعبها وكأنه مدافع يخرجها خارج الملعب
وإذا كان ياسر مو جاهز فليش المدرب يلعبه أساسي وأحمد علي جاهز ومحتفظ فيه بجانبه ؟؟ !!
* الشلهوب عدنا وزدنا بهالموضوع ليش المدرب يلعبه محور ويحرمنا من مجهود الشلهوب كصانع لعب
ينهي المباراة بلمسه ؟؟ !! آخر نقطه :
بالله ماتنرفزكم المقوله المنتشره في الوسط الرياضي إنه الحكم جامل الهلال وإنه الهلال بطولاته بالتحكيم وو....إلخ
من حيلة العاجزين عن مجاراة الزعيم ؟ وربي خلاص طفح الكيل كل مافزنا ترددت هذي المقوله حتى لو كان الحكم
ظالم الهلال أمام الملأ ومعترفين إلا إنها صارت لاصقه فيهم هالكلمه
اليوم ركلة جزاء مستحقه لويلهامسون وماإحتسبها الحكم قلت أحسن يكون الهلال مظلوم ولا هو ظالم ويمكن
يغيرون رايهم لكن أبو طبيع مايجوز عن طبعه برضه مصرين مير تدرون بالطقااااااااق الي يطقهم عمرهم مايرضون أعذروني ع الإطاله لكن أيش أسوي من عشقي للهلال فديته
دمتم زعمااااااااااااااااااااااااااااااااااااااء
اخر تعديل كان بواسطة » فراشه زرقاء في يوم » 21/03/2011 عند الساعة » 12:17 AM |