الـصـيـف جـاء والـ( جـح ) حـان طـاريـه .. موضوع على السكين
حيـــــــاكم
في بلادنا
وهي الفقيرة مثل أجنحة القطا كتب مقدسة ... وجرح في الهوية.......... وحبحب على السكين ....... صخ صخ درويش
الجـح وفي رواية : البطّيـخ وقصيمياَ : الحبحب وخليجياَ : رقّـي وعنقليزيا : WATER MELON . .
فاكهة صيفية شديدة البأس... تتأبّط طغياناَ وكفراَ وعندما اقول ذلك عنها.. فأنا أعني ما اقول وانا ولد نورة تدرون ليش ؟؟ ببساطة شديدة... إرجع من الدوام واضرب ذيك الغدوة واشرب معها كاس لبن ثم اشلق لك جحّـه وكل ماتيسر من الشلقات ثم ( افلقني ) تقوم من مكانك قبل آذان العشاء يعني لا صلاة عصر ولا مغرب... شفتوا كيف الطغيان ؟؟ ماعليــنا.. دع الخلق للخالق خلّونـا في ضيفنا الكبير ( حبحب افندي ) في شوارع الرياض مانصدّق على الله يبدأ الصيف الا وبكل عاير وراس شارع تلقى وانيت واقف والجحّـه فوق التنده ( مشلوخه ) والسكين جنبها مغروسه في مشهد هوليوودي وابوالشباب واقف جنب الجح يتصيّد العالم واول ما يوقف احد عنده... يبدأ مسلسل تكفيخ الجـح يستلمهن وحده وحده تصفيق .. يقال له يبي يطلّع لك الحمراء ثم يختار لك اكبر وحده... ويصكك بذيك القيمة اللي مدري وش تبي اوقات 30 .. واوقات 25 ياشيخ أومّا جحه بـ 25...دلّع نفسك وخذ بنانا سبيليت من باسكن وخل الجحه تقعد ثم تاخذها وترجع للبيت... وتتوهق بها كبيرة وما تدخل في الثلاجة مالك حل الا انك تشلّقها وتدخلها في الثلاجة على دفعات وبعد ماتبرد طويلة العمر.... تبدأ المشاهد المأساوية حنّا يالقصمان مانعرف ناكل الجح زي الاوادم لازم نقطّع الحبحب مثلثات كبيرة مثل خوفو وخفرع ومنقرع << الاهرامات ونجدعها في تبسي... وانت وضميرك حفلة سعابيل على كيف كيفك تنتهي بهالشكل 7 7 7 والبزران حالتهم حاله... والبنات جتهن الزكمه واوجعتهن حلوقهن ( اسلـوب ) THERE IS NO على الطرف الآخر من هذا الكون الفسيح تعالوا شوفوا الناس الفاهمة وشلون تاكل الجـح بمنتهى الذوق والتكتكة
يخرب بيت الدلع اللي هم فيه.. والله يا بنا جفاسة مهيب عند احد متى نصير مثلهم ؟؟ قسم جحّهم كوشخه وحنا جحّنا كوارث وحوادث تقاطعات
ما اسمح لك تتكلم عن صديقتي بانتقاص
مدحت كليجتكم و سلكنالك ماقلنا شي
لكن الحبحب مافي امل تعدي من قدامي
.. ..
تصدق ان الحبحبه كنز لا يعرفه الا من افتقد اليه
.. ..
اما الاسعار هاتك ترفيع و تنزيل
انا مادري ليش اي شيء يجي من القصيم يغلون سعره
مدري هو يعني الميزه في القصيم والا عشان اهلها يحبون الفلوس شوي زياده
حبحب القصيم وش زينه لكنه غالي
.. ..
تصدق يوم قريت موضوعك حق الكليجه ابتلشت القصمان
كل مالقيت واحد قلت له جيب كليجه من عند امك
بس طلعو مافيهم خير كلهم صرفوني
الي يقول امي من اهل الرياض والي يقول امي ماتعرف
رحت ادورها مالقيت الا حقت مخابز
مالنا الا الهولنديه ......... ولا مكان لبنت البلد
والله الجح بالظهر في الصيف , له طعمه الأستثنائي
ولازم تسمع هالاصوات , والبزران يتحدون بعض أتحداني ما أطلع صوت
أما أسعار الجح , الي كل واحد يحط سعر على مزاجه .. هنا 30 وهناك 35
الجح يساوي المكيف في عز الصيف , فكلها تحتاجها
إذا جاء الواحد بيسوي إتيكيت , يقطع الجح لقطع صغار
يجيب الشوكه .. ويبداء القصف
أنا بفهم شى واحد الجح وشلون
يعرفون الزينه من الشين ..؟
....... صخ صخ درويش 
.,<<<والله فقدناها
.. موعندكم فقط يا الشين 
الوضع العادي
