إصابة أميرة سعودية في حادث تفحيط في الثمامة - نادي الهلال السعودي - شبكة الزعيم

ALMALAKY · #1 17/12/2008, 12:14 AM

الرياض-الوئام-حامد الشريف :
تُكثف الدوريات الأمنية بالرياض البحث عن سيارة مفحط هرب من منتزه الثمامة عصر اليوم بعد اصطدام سيارته بسيارة أميرة سعودية.
وفي التتفاصيل أن شاب كان يمارس هواية التفحيط في منتزه الثمامة في الرياض , وصادف في تلك الأثناء مرور أميرة سعودية مع سائقها الخاص , ولم يتمكن الشاب من السيطرة على السيارة فاصطدم بالسيارة التي كانت في نفس الموقع في تلك الأثناء.
ونتج عن الحادث إصابة الأميرة السعودية بإصابات متنوعة نُقلت على إثرها للمستشفى , بينما أستطاع الشاب أن يفر من مواقع الحادث , و لازالت الدوريات الأمنية تُكثف البحث عن السيارة والشاب في كل أنحاء الرياض للقبض عليه.

المصدر

تكثف تكثف !!

وفي كل أنحاء الرياض !

سؤال لو ان المتضرر ( مواطن ) هل سنرى تكثيف امني للقبض على الجاني ؟

بريماكس · #2 17/12/2008, 12:23 AM

عسى الله يشفيها وماتشوف شر ان شاء الله

والله يهدي المفحط

إقتباس

الرسالة الأصلية كتبت بواسطة ALMALAKY


	سؤال لو ان المتضرر ( مواطن ) هل سنرى تكثيف امني للقبض على الجاني ؟

جواب .. وانت تقارن مواطن عادي باحد افراد الاسره المالكه؟ ؟

يعطيك العافيه

ALMALAKY · #3 17/12/2008, 12:28 AM

إقتباس

الرسالة الأصلية كتبت بواسطة بريماكس


	جواب .. وانت تقارين مواطن عادي باحد افراد الاسره المالكه؟ ؟ يعطيك العافيه

هلا بريماكس .. ماجبتها عن طريق مقارنه لكن انت شف بيوت العالم الي تسرق شف حلالهم الي ضاع .. شف سيارات خلق الله الي تسرق شف ( الأوادم الي يخطفون )

فوق كل هالمشاكل الي تصير للمواطن الأمن نايم وغافل عنها البلد ضاع كله جرايم

وسرقات المواطنين والمقيمين الأكثر تضرراً ا .. والدوريات الأمنيه والله ماجابت خبرهم

بعدين الدوريات شغلهم موب حماية المواطن وممتلكاته ؟

القيصر رهيب · #4 17/12/2008, 12:31 AM

إقتباس

الرسالة الأصلية كتبت بواسطة بريماكس


	عسى الله يشفيها وماتشوف شر ان شاء الله والله يهدي المفحط جواب .. وانت تقارن مواطن عادي باحد افراد الاسره المالكه؟ ؟ يعطيك العافيه

س/ سؤال : لو أن المتضرر مواطن عادي هل بريماكس بيدعي له ولا لا .. ؟

عبدالملك لاتهمني هذه الامور لذلكـ لن أعلق

فقط أحببت أن أمازح بريماكس

ناصر 2004 · #5 17/12/2008, 12:31 AM

الملكي لا تودينا بستين داهية بسبة موضوعك خخخخخخخخخخ اخاف بكره نلقى الشبكة محجوبه

BєявαGσαl · #6 17/12/2008, 12:34 AM

والله و آنت صآآآآآآآآدز

لكن وش نقـوـول خلنآ وآقعيين

آلوآآآآآآآآآآسطه فـوـوق كل شي

ولا تستبعد تتدخل فرقهـ المهمات الخآصهـ للقبض على الجآني

و آن شاآللهـ آلآميره ما تشووف شر وتطلع بالسـلآمهـ

ويهدي هالمفحط

تحيآتي لك

LBa your heart · #7 17/12/2008, 12:38 AM

الله يعين المواطن و الله يشفيه مقدماً بعد مايمسكونه

بريماكس · #8 17/12/2008, 12:42 AM

هلتر الرياض

مرحبا الف ترحيب فيك

تكفى يالمدريدي جيبوا ديفيد مورينيو والله لاعسكر بالرابطه

طلعت برى الموضوع بس حبيت ارحب بالخايس يزيدوووه

الملكي شف يا اخوي انا جاوبتك عن حالنا ومو معجبني على كل حال الوضع

ومن شان ماتقول ويقول غيرك اني مرتاح للوضع .. واني ادافع و و وو

خلني اقولك .. قسم بالله ولد عم لنا معه سياره قيمته تقريباً باكثر من خمسين الف ريال

والولد طلع للرياض يترزق الله .. الرجال ماسك طريقه ولا له بالمشاكل !

سرقت السياره ..

تدري كم له الان وهي مسروقه ؟

يوم

شهر

شهرين

ثلاث اشهر

لا

6 شهور ولا يدري وين سيارته لحد الان

بلغ بس ربك يعين مافيه اهتمام ولا شئ

اللي ابوصله مثل ماقلت مافيه مقارنه بين واحد ولد اسره .......... بواحد من ابناء الاسره المالكه

وشئ طبيعي هذا

علي

ياحبيلك انت ومزحاتك

ايه ادعيله وليه ما ادعيله مادام انه مسلم

فهد عاشق البرسا · #9 17/12/2008, 02:28 PM

إقتباس

الرسالة الأصلية كتبت بواسطة بريماكس


	اللي ابوصله مثل ماقلت مافيه مقارنه بين واحد ولد اسره .......... بواحد من ابناء الاسره المالكه وشئ طبيعي هذا

أي طبيعي الله يهداك ، قل هذا واقعنا أتفق معك ان الموازين انقلبت واقول الله يصلح حالنا
أما تقول طبيعي !! لا والف لا حنا مسلمين واعزنا الله بالأسلام
الأسلام الي الغا كل الفروقات بين الناس
الأسلام الي ساوا بين العبد والسيد ، بين الخادم والأمير
ساوى بين الأبيض والأسود ، مافيه أي فرق بينهم الا اللهم بالتقوا
أضرب أبن الأكرمين ، قالها الفاروق للعبد النصراني
ماحسب حساب لجاه أبوه ولا أمراته ولا نظرة الناس للأمير وابنه ، بالعكس قال اضرب صلعة ابيه
لأنه لولا مكانته ماتجراء عليك ولده
للأسف واقولها بحرقه في زمنا الحالي صار أصغر فرد في العائله المالكة
يسبق اسمه صاحب السمو الملكي ، وأكبر ضابط في البلد يدقله تحيه

هذا غير القصور والشوارع الي بأسمه ، قبل فتره قراءة مقاله لشيخ العواجي
تطرق فيها لهذا الموضوع وتجاوز الخطوط الحمرا المفروضه علينا وقال كلام يشيب الراس ،، يعني خلونا صريحين كلنا نبي نخدم الوطن وكلنا بالأخير نبي مصلحته

ذكرت سالفه زمااااان يوم اني صغير كنا نتسوق في أحد محلات الملابس ، ابوي تركنا انا واخوي وراح بيقضي شغله
جت جلست بجنبنا حرمه معها ولد ، وقامت تسأله بصوت عالي انت وش اسمك : قال انا فلان بن فلان ال سعود
ورددت سؤالها مره ثانيه وثالثه " عشان نسمع " طيب يا بنت الناس وش تبينا نسويله ، نقوم نحب رجله

والله لو يرجع الزمن لصرخ في وجهها واقول انا فلان بن فلان الي جداني روو هالأرض بدمهم مع المرحوم المؤسس عبد العزيز جد الولد الي تتباهين فيه

كلنا عيال هالأرض ومافيه فرق بينا ، والمنصب قبل كل شي تكليف وليس تشريف
والله يرحم حالنا

واسف على الأطاله

ورده ،،

أحلـى هلاليه · #10 17/12/2008, 12:42 AM

الله يشفيها

ويكون بعوونه
ترى هو موقصده بس كان يفحط بحاله

هلالى 24 ساعه · #11 17/12/2008, 01:50 AM

اقووووول....!!

خل الموضوع لك مابيها

Blanco Soul · #12 17/12/2008, 02:20 AM

هــــلآبـك خـوي ..

الله يـــشفيها ان شاء الله . .
ويــردها للاهلــله سالمه . .

إقتباس


	سؤال لو ان المتضرر ( مواطن ) هل سنرى تكثيف امني للقبض على الجاني ؟

لا . . طيب انا بسألك سؤال , ليش طرحت هالسؤال

..

بس على مااظن الفرق شاسع , يعني هذي بنت حـكومه , وبنت الاسره المالكه . .

شكرا لكـ ..

ابو طـــــلال · #13 17/12/2008, 02:41 AM

بسم الله عليها ماتشوف شر والله

جعله في الغدير الأزرق ولا فيها

==

عاد تبون الصدق ... انا ودي يعطوني سلطة واعاقب كل مفحط يمسكونه ... بطريقتي الخاصة ..

لااخليك تبيع ( الهلّي ) يابريماكس وتشتري ( كيرم )

شكرا لك اخوي ..

ومره ثانيه بسم الله عليها الرحمن الرحيم