السلام عليكم ورحمة الله وبركاته
كل عام وانتم بخير يا زعماء
قبل ما أبدا الموضوع
أنا مشجع هلالي و يحق لي انتقد اي شي اشوفه غلط في نادي الهلال او في جماهيره او في اي شي يخص هالكيان
موضوعي يتكلم عن المهزله اللي تصير عندنا بالملاعب
واتمنى من الرابطه انها تترك هالعاده السيئه
انطبعت هذي الفكره في عقولنا ان الرابطه هي : مجموعه مهمتهم الغناء والتطبيل
طيب سؤال يسدح نفسه
س/ هذي الظاهره جايه من وين ؟؟
ج/ جايه من جماهير الغربيه
علل : طيب ليش نستخدم شي مو لنا ولا يناسبنا ؟؟
جـ / ما ادري اسأل الرابطه
اهازيج كثيير نسمعها وللأسف مالها علاقه بالكوره ابد [ يلالاللالالالي وذا حبي محد قده ومدري وش بعد
![Surprised](images/smilies/surprised.gif)
]
اكثر الاهازيج مسروقه من جماهير الاهلي والاتحاد + واكثرها ممله + واكثرها طويله صعب ترديدها + واكثرها يعتمد على الطبول واخواتها اللي تزعج الواحد بدل ماتطربه
لنا فوق 4 سنوات نسمع الرابطه بس تغني واللي يرددون 5 او 6 اشخاص بس
طيب دام هالشي مو مقبول عند جماهيرنا ليش نسويه ؟؟
طيب والمطلوب ؟؟
المطلوب اننا نترك هالشي هذا ويكون عمل الرابطه على [ التنظيم ثم التنظيم ثم التنظيم ثم التنظيم ثم الاهازيج ]
هذي صورة للجمهور البرسا
عمركم شفتم في جماهير البارسا واحد من بينهم مسك المايك ومعه مجموعه يطبلون ويقول وذا حبي محد قده ؟؟
الاستاذ محمد غندر ومن معه نشكركم من القلب ع اللي تقدمونه
بس نبيكم تهتمون بالتنظيم اكثر من الاهازيج
نبي لمن يدخل اللاعبين للملعب الجمهور كله لونه ازرق وابيض
نبي بعد الاهداف نسوي حركات الموج والزلزال
نبي صافرات استهجان للاعبين الخصم اذا مسكوا الكوره
نبي الجماهير تستلذ بالحضور للملعب
نبي الجماهير تشتاق للمدرجات
بالمختصر المفيد نبي نكون جمهور مرعب يضرب فيه المثل
هذا ماعندي وهذا اللي كنت ابغى افضفضه لكم
![Stoned](images/smilies/stoned.gif)
المايك لكم <<< بس بدون طبول
![Biggrin](images/smilies/biggrin.gif)