كيفكم يالحلوين وهم بعد يالشينين ( لايزعلون علينا )

المهم سالفتي أنا ( ماعندي سالفة )
لكن صديزي له سالفة وهيا كما رواها لي :-
انه بعد مضي سنة على تعيينه دارت برأسه اخذ إجازة والسفر .
يوم درت امة وهي تزن عليه علشان يتزوج وبعد إلحاح وافق . وبعدها تحركت الأم بسرعة للبحث عن عروس وبمساعدة من أخواتها وقريباتها .
المهم لقوا العروس وبسرعة ذهبت الأم لرؤيتها وطبعا معها الوفد المرافق ( حشى قمة أوبك )
وبعد عودتهن يقول كنت بانتظارهن ليسمع التقرير عن عروس المستقبل

الأم تقول:- البنت زينة وما عليها وخجول , حتى أنها تصب القهوة وعينها بالأرض ... يا سلام على بنات أول
الخالة قالت :- البنت يعني ... بس كن في عينها حول شوي .
والثانية قالت :- تراها تشبه لي شوي , بس أنا أحلى منها .
يقول ... قلت بخاطري :- ( أنتي شينه ... اجل وشلون هي ... وعععع )

يقول ... راحوا الضيفات وبقيت أنا وأمي
وقالت لي :- شف وأنا أمك, ماعليك من كلامهن ترى البنت سنعة.
قال :- اجل مافيه ألا حل واحد يايمه ... نرسل الخطيبة ( أم السحالي ) تجيب لنا صورتها .

( نبذة مختصرة عن الخطيبة ... العمر تعدا السبعين بكيلومترين ... وأمها تحت المية بشوي ... تشتهر بأنها ما عمرها حطت بخشمها خطبة لأحد ... ألا وزوجته)

وهو يطمر للخطيبة ويقول لها جيبي صورتها وأعطيك كثر ماتعطيك أمي إذا تمت الخطبة .
قالت :- ابشر , اعتبر صورتها جتك .
ورابع يوم ألا والخطيبة جايتنا وهي تضحك ... ويا ليتها ما ضحكت حامت كبدي( مالها ألا ضرس واحد ... وما ادري وشلون تأكل فصفص )
يقول وأنا الى اسألها بخبث :- وشلون حصلتي على صورتها ؟؟؟
قالت :- تحايلت على أمها و طلبت منها أشوف صورهم ...يوم حطت عيني على صورتها ,وأنا أكح كني شرقانه وطمرت المسكينة تجيب لي ماء وأنا أحط الصورة بمخباتي
وأطالع الصورة وهي ألي تعجبني على طول ...( خسئتن يالسحالي وحدة تقول يعني ... والشينة تقول أنا أحلى منها شوي ) هزلت
المهم أني تزوجتها ويوم دخلت عليها طلعت أجمل من الصورة وعايش معها الى الآن بسعادة
ـــــــــــــــــــــــــــــــــــــــــــــــــــــ

انتهى حديث صديقي وقلت له :- والله سالفتك سالفة ... لكن تعال شف السحالي هالأيام إذا جاء لها خطيب...تبقق عيونها فيه وتطالعه من فوق لتحت ... واذكر وحدة تقدم لها خطيب وجاء يشوفها حسب الشرع ... قالت لأبوها بعد ما تمكيجت :- خلوه يدخل علي ... وين بالصالة ...( على فكرة العريس ما عاد قبل عليهم )

وألا التماسيح من تالي ... ماغير يدخلون على بنات الناس ... بس يتفرجون ...واحد منهم يقول دخلت على 12 بنت ( للخطبة ... لا تفهمون غلط ) وما أعجبتني ولا وحدة ... بس دخلت أتفرج .
وهم بنات الناس فرجة ...( صدق أنكم تماسيح )

وألا ها ليطاردون الحريم في كل مكان ... ووراهم نعنبو ذولا مايتعبون
طيب أنت ياللي تطاردهم ... وش تسوي لو واحد شفته يطارد أختك أو زوجتك أو حتى بنتك ... والعياذ بالله ...

السلام عليكم ,,

هلا وغلا بك جاج , وعامً مباركـ عليك وعلى الجميع ,,

عوداً حميداً للمنتدى , وموضوع مميز ورائــع بفكرته ,,

تكلمت عن مشكلة يمكن البعض يأخذهـا بالشيء البسيطـ مع أنه خطأ ولا يجوز

كشف العـورات من دون سبـب خصوصاً أن البعض يأخذهــا بلا أهمية ويتــمادى بهذا الشيء

وصحيح أنه من السنــة النبوية أن لك الحق في رؤية خطيبتك ولكن ما توصل الأمور إلى أن

بعض الأفــراد يتمادى والأعجب أن بعضهم توصل له الامور إلى أن يتكلم بشكل ومظهر البنت عند

أصدقــائه وأقـاربه , وهذا شيء خطأ وإثم عظيم يرتكبه الشخص , ولو أخذها من ناحية أخرى

كـأخته أو قريبة له يمكن مـا يعجبه الموقف ولا التصرف , ولكن كما تدين تدان ..!؟

..

وبخصوص الخطابات .. ما شاء الله عليهن , بعضهن أعطاهن الله قدرة وأسلوب وتعامله

مع الأسر وتعرف صفات الشخص المطلوبة , وبعضهن لا تكون علة وغير هذا ما عندها

أسلوب جميل وتعرف صفات الشخص وغيره مع الأسر !؟

وقصـة صديقك ضحكت من طريقة الخطابة وسرقتها للصورة لكن غريب أم البنت ما تذكرت الصورة ..!؟



/

\

جاج

موضوع رائــع , وبـ قصة فكاهية ولكن تحمل في طياتها الكثير ,,

الله يعطيك العافية .. دمـــتَ بخــير , ورده ,

إقتباس الرسالة الأصلية كتبت بواسطة J.A.J المهم سالفتي أنا ( ماعندي سالفة )

قل قسم عاد انا داخله علشان سالفتك ولاصديقك ماعلي منه

إقتباس الرسالة الأصلية كتبت بواسطة J.A.J المهم لقوا العروس وبسرعة ذهبت الأم لرؤيتها وطبعا معها الوفد المرافق ( حشى قمة أوبك )

والله انك صادق وشوله كل ذولي يروحون يشوفونها الام وتكفي ويفضل وحده معها صغيره بالعمر علشان يكون ذوقهااا يقارب ذوق اخوهااا

إقتباس الرسالة الأصلية كتبت بواسطة J.A.J الخالة قالت :- البنت يعني ... بس كن في عينها حول شوي .

بدت سماجة الحريم ويطلعون مية عذروب

إقتباس الرسالة الأصلية كتبت بواسطة J.A.J والثانية قالت :- تراها تشبه لي شوي , بس أنا أحلى منها .

دام قالت تشبهلي فاكيد عاجبتهاااااا

إقتباس الرسالة الأصلية كتبت بواسطة J.A.J وقالت لي :- شف وأنا أمك, ماعليك من كلامهن ترى البنت سنعة.

ياحبيلها امه حبيتهاااااااااااا

إقتباس الرسالة الأصلية كتبت بواسطة J.A.J قال :- اجل مافيه ألا حل واحد يايمه ... نرسل الخطيبة ( أم السحالي ) تجيب لنا صورتها .

ياسلاااااااام من هاللي يوزع صور بناته حتى لو خطابة

إقتباس الرسالة الأصلية كتبت بواسطة J.A.J قالت :- تحايلت على أمها و طلبت منها أشوف صورهم ...يوم حطت عيني على صورتها ,وأنا أكح كني شرقانه وطمرت المسكينة تجيب لي ماء وأنا أحط الصورة بمخباتي

فيه شي اسمه يوصفونها اعجبتك فيه شي اسمه شوفه شرعية افرض مثلا الخطابة نحيسه وخذت الصورة ونشرته ولا ورتها كم واحد واللي يدفع اكثر وتروح عليه <<<<تفكيييييير بعيد طسي مناك

إقتباس الرسالة الأصلية كتبت بواسطة J.A.J وأطالع الصورة وهي ألي تعجبني على طول ...( خسئتن يالسحالي وحدة تقول يعني ... والشينة تقول أنا أحلى منها شوي ) هزلت

والله اني قايله الحريم هم اللي يطلعون عذاريب في بعض

إقتباس الرسالة الأصلية كتبت بواسطة J.A.J المهم أني تزوجتها ويوم دخلت عليها طلعت أجمل من الصورة وعايش معها الى الآن بسعادة

ليه ماعندكم شي اسمه شوفة شرعيه

موب كلهم يالغالي هذولي15% اصلا البنت طبعها حيوي مهما صار واتحداك تكون شافت اكثر من جزمته (وانتو بكرامه )

ايييييييييييه هذا شي يقهرني اذا سمعت فيه وشفته الله يقطعك ليه البنات اللي تشوفهم مالهم احاسيس مايحسون ولا اللهم نفسي نفسي بات الناس لعبه بيديهم ويقولك الشرع محللي مالت عليك افهم الشرع اول وتعال قل الشرع

موضوع الشوفة موضوع حساس وياما سمعنا عن اختلاف النيات فيه

المهم بقولكم سالفتين

الاولى:

وحده من قرايبنا جاء يشوفها (سعيد الحظ مجهول) المهم المسيكين مرتاع

دخلت عليه اول مره ومعها اخوها هو مستحي من اخوها ولا ناظرها يقالك اخلاق خخخ وطلب انها تدخل مره ثانيه

ودخلت وبرضو نفسه الحاله يوم طلعت تنفس الصعداء ..في الاخير اخوها رحمه وطلع عنه شوي وخلاها تدخل للمره الثالثه على التوالي (هاتريك) واخيرن شافها وتزوجها

..

الثانيه:

واحد عنده خويه ولاقدر يشوفها قال مافيه الا اجي كني بخطبك واشوفك

وصار اللي خططوا له .. شافها بعدين انسحب !!

<< السالفة صدقيه والله


..

مايستفاد من الموضوع:

1)

إقتباس خلوه يدخل علي ... وين بالصالة

والله انها فكرتن حلوووه .. ليش حنا اللي ندخل ونرتبك ونكب عليكم العصير

المفروض انتم رجال انتم الاقوياء انتم أهل لهالمواقف العصيبه

2)

إقتباس وما ادري وشلون تأكل فصفص

حافظ على نظافة اسنانك فقد تحرم من مشاهدت المباريات


جاج ..دمت صغير الخط

برايفت:

وت ذا ميننق J.A.J ؟؟





ورده

الحاتمي ...

مر من هنا ..

ويقول : هو يا حل من حلين ..

1 : يا إنك مخربها وتبي تعرس مرة ثانية , وقايلن أبشوف البنت وقالوا لك : صم خشمك

2 : أو إنك كارشن لك واحد يبي يتميلح ويخطب وقايلن لك أبي أشوف

مع أطيب تحية ..

J.A.J

مساءك خير وزواج وفلة احجاج ( يالله من فضلك )

موضوع قيّم وهادف مدعوم بقصة واقعية وتقع كثيراً وهو الاختلاف بين الوفد واحد يقول ماهنا أحلى منها والثاني يقول ماهنا أشين منها !!
والشي الطيب في صديقك أنه وجدها أحلى مما يذكرون , ولكن المصيبة إذا اتفق الوفد على جمالها وأنه لم يُخلق لها مثيل ولكن المصيبة أنها أبعد ماتكون عن الحلى والزينة ( كأن تطلع سيئدة مثلاً) مع كامل الاعتذار لـابوالذهب لأني عرّضت بالمحارم

00000

أما من يطلب الرؤياء الشرعية فقط لقصد اللعب ولغرض قبيح فأعتقد أن من سبقني من الأعضاء أوفاه مايستحق من تعليق ولا أملك الإضافة ,

J.A.J

كامل التقدير والاحترام على ماأتحفتنا به من موضوع قيم بارك الله فيك


000000000