الزعيم يهزم النصر مع الرأفة والمباراة تلعب على مرمى واحد ....!!
||خلونا نبدأ بمستوى الفريق||
الهجوم هجمة ورى هجمة فرصة ورا فرصة واضاعة ورى اضاعة..!! كأنهم يقولون حرام خلونا نرحم حالهم شوي 
..!! يكفي انهم مهزومين 0/2 وضغط ولعب على مرمى واحد 
..!! وماله داعي نصكهم ونتفشل احنا كسعوديين ..!! لأن اعلام النصر الموقر مسوي النصر ريال مدريد 
..!! وأفضل فريق آسيوي وسعودي ..!! عاد تخيلوا أفضل فريق وينصك ...!! أم الفشيلة من جد 
...!! الحين خلونا باللاعبين وتحديداًً لاعبين الهجوم ..
Players attack
ياسر القحطاني
هذا هو ياسر >>اللي نعرفه<< ..!!
عندما انتفدت ياسر انتقدته نقد محب..!!
وماذكرت طاري الوزن الزائد خير شر ..!!
ليش ..؟؟
هو أنا ميزان علشان أعرف وزن ياسر ...!!
لكن أنا انتقدته على مستواه بس ..!!
وقلت في موضوعي السابق ..
ياياسر
اذا نزل مستواك راح ننتقدتك ,, واذا صرت في قمة مستواك راح نصفق لك ,,
وبعدين خلاص وماودي اكبر الموضوع ..!!
لكن في مباراة النصر ..
هذا هو القناص ..!!
هذا هو افضل لاعب اسيوي ..!!
هدف ,, حرب على الكرة ,, مهارات ,, تعدية ,, تسحيب ,, تسجيل ,, رأس ,, قطع كورة
كل هذا فعله ياسر واكثر ..في مباراة النصر
أحمد الصويلح
ثعلب آسيا ..!!
مستواه ماكان ذاك الزود ..!!
لكن أكيد الاصابة هي اللي كانت السبب ..!!
فمعروف عن أحمد النشاط وحرث الملعب والقتالية..!!
تسجيل,سرعه,جسم,رأس,تسديد,مهارات الخ ......!!
كل شي يملكه هذا النجم الشاب (ماشاء الله) ..!!
محمد العنبر
في ظل البناء ..!!
بعد ماتم هدمه ..!!
هذا ما أقوله فقط عن العنبر ..!!
الوسط
حماية ,, صنع ,, هجمات ,, بناء هجمات ,, وتعطيلها ,,
قوة محورية ,, وشعلة هجومية ,, على اوتار ابداعية ,,
بلا رحمة ...!!
الحين نروح للاعبين الوسط :
Players center
أحمد الفريدي
وصلنا للفيلسوف وصلنا لخطوات النمر (الثنيان) وصلنا لمكرالذئب (سامي) ,,!!
وصلنا لنجمنا القادم وبقوة بإذن الله ..
فهو مستقبل الزعيم ..
هداف , صانع لعب , حماسي , مهاري , ممتع ... واكثر ..!!
أتمنى ان يواصل الفريدي على هذا المنوال ولايغتر ولايتغير فمازال المشوار طويل وهو في أوله ..!!
ويلي
ماقصر أبداً ..!!
خصوصاً أنه ثاني مباراة له وتوه راجع من اصابة ..!!
ويلعب هاللعب ..!!
ويلي مبدع وفنان ..!!
لكن أكيد ننتظر منه أكثر من كذا ..!!
فهد المبارك
شعله من النشاط والحيوية والمهاره ماشاء الله ..!!
لكن حساسيته نجو المرمى كانت غائبة في مباراة النصر..!!
وأكيد ان الاصابة لها الاثر الاكبر في هذا ..!!
خالد عزيز وعبداللطيف الغنام
اللاعبين جدوا واجتهدوا وابدعوا وكانوا سد منيع ..!!
وبالعكس ماشفنا منهم أي شي في المباراة الا كل خير وابداع ..!!
ويكفي أن الهلال يمتلك أقوى محاور في المملكة ..!!
إن لم يكن في آسيا بأكملها ..!!
عمر الغامدي
الحمدلله على سلامتك ياكابتن ..!!
نورت الملعب بطلتك ..!!
ولو اني ما اقدر احكم عليك في المباراة ..!!
لكن أكيد عمر مايسترو الميدان دائماً ومايحتاج احكم عليه ..!!
الدفاع الدفاع في البداية كان معطيهم جوهم بس هم دبش الحمدلله والشكر 
..!! يبونهم يسجلون بأي طريقة 
..!! ادخلوا منا ..!! روحوا منا ..!! حتى وصل الأمر أنهم يعطونهم الكورة بلا فائدة 
..!! وبعد ماطفش دفاعنا منهم ..
قرروا عدم وصول الكورة للدعيع ..!! وأصبحوا سد منيع ..!! حتى أن هجوم النصر الحارثي والشهراني لم يهجموا هجمة واحدة ..! نبدأ بدفاعنا من الجهه اليسرى ..
Defense players
عبدالله الزوري
فن ابداع فلسفة ,,
اقتطاع كرة بدون أي احتكاك ..!!
فعلاً ..
إنه مستقبل الظهير الايسر في المملكة العربية السعودية ..!!
ماشاء الله عليك ياعبدالله ..
وفعلا كان يستاهل جائزة افضل لاعب هلالي واعد ..!!
ماجد المرشدي واسامة هوساوي
لعبوا مباراة حلوه ,,
وقدموا مستوى جميل وكبير ,,
صحيح في بعض اللمسات غلط ,,
لكن تم تداركها ,,
وعلى العموم ما استفاد منها النصراويين الحمدلله ..
وبالعكس ,,
هوساوي مكسب للزعيم ,,
ماجد مستقبل الدفاع بالزعيم ..
محمد نامي نامي آآآه يانامي ..!! يا أنت بعد ضيعت انفراديات ..!! لكن بالعكس اللاعب قدم مستوى وماقصر ,, واتمنى الثبات عليه ,, فهو كفؤ واكيد مع اللعب المستمر راح يغطي عيوبه ان شاء الله ..!! الحراسة
وهو فيه غير عميد لاعبي العالم ..؟
Goalkeeper
محمد الدعيع
وقوف ..
وصلنا لعميد اللاعبين في العالم ..!!
ما اقدر اتكلم واحكي واكتب ..!!
فماهو اللي انا اللي اتكلم عن الدعيع ..!!
ويكفي الكلام السابق اللي قلته عنه واللي اقوله ..!!
يكفي ,, اخاف ابخس حقه ..!!
المدرب
Coach
كوزمين اولاريو
من جد كوزمين في مباراة النصر شي ثاني ..!!
يلعب بمهاجمين ,, يلعب بتكتيك عالي ..!!
حتى أننا استطعنا اللعب على مرمى واحد ..!!
كبير أيها الداهيه واتمنى ان تستمر هكذا ,,
||التصميم||
بما ان اخواننا في نادي النصر يحبون ان يرفعوا رأسهم عالياً دائماً ..!! ويحبون ويحاولون أن يقارنوا أنفسهم بزعيم آسيا ...!! وبعد ماقريت موضوع اخوي خالد عن النصر ومقولة ( من يرفع راسه ينطق مع علباه ) العلباه هي (ما اسفل الرأس من الرقبة) طبعاً المقولة معكوسه لكن على اساس ان النصر كل شي بالعكس ومافيه مثلهم وشاذين ويحبون يناظرون فوق فينطبق عليهم المثل وعلشان كذا قررت نسوي حملة عنوانها (ترا اللي يناظر فوق ينطق مع علباه) وعملت هذا التصميم 
||على الطاير||
*الشهراني والحارثي يدخلان موسوعة جينيس للارقام القياسية كأول لاعبين مهاجمين يلعبون مباراة كاملة بلا أي هجمة((اللهم لاشماته)) ..!!
*طلب نصراوي للعب لاعبين النصر بالثوب ..!!
*لاتجون مع طريق الملك فهد لان زحمة تعالوا مع كباري النصر..!!
*الهدف الأول كبري على الحارس والهدف الثاني كبري على المدافع
|| خارج التغطية|| *يعيب على الهلال بشكل عام الاخطاء في التمريرات ..! *لا أحد يقولي أن اللاعبي الفلاني ماقدم مستوى بسبب الضغوط ومباراة ديربي ومدري ايش ..!! أول مرة أشوف ديربي على مرمى واحد
..!! *أنا مو قاعد أتشمت لكن أقول اعطوا أنفسكم مكانكم ومستواكم الحقيقي ولاتقارنون انفسكم بالاكبر منكم 
..!! وعلى نياتكم ترزقون ..!! *يراودني أمر الشلهوب ولماذا لم يلعب خصوصاً أنه استعاد جزء كبير من مستواه وابدع أمام الاهلي..! لكن وجدت الجواب يقول ان كان هنالك الفريدي وولي فولي تجريب وللاستفادة منه ,, والفريدي لأنه يقدم مستوى مميز ..!! هذا هو الجواب ...!! ولو أن الشلهوب كان يعمل فارق في اللقاء (هذا ما اتوقعه) *الحارثي رمزاً للأخلاق ..! يمتعض من فعل نور ويأتي بمثله ..!! *جمهور الزعيم كالعادة يطغى على جمهور النصر *ألف مبروك افتتاح قناة الزعيم *ألف مبروك تمديد الشراكة مع موبايلي *شكرا من القلب أبناء مساعد
*ياصحف ترا الموضوع موضوعي والرآي رآيي الشخصي لاتنسبونه للشبكة ..!! *شكراً لجميع المغطين من أعضاء ومشرفين لأنهم يسهرون على راحتنا ,, وتقديم أبهى حلة لشبكة الزعيم أو تقديم الزعيم بأبهى حله ..!! *هذا الموضوع كنت ابكتبه من يوم مباراة النصر,, لكن مارضى يضبط معي لان الشبكة مارضت تفتح وبعدها يوم فتحت حاولت كتابة الموضوع لكن ماطلع بالشكل اللي كنت ابيه وما طلع الموضوع الا اليوم .. *اعتذر عن التأخير على العموم ومباراة النصر قبل ثلاثة ايام مو ثلاث اشهر .. *أتمنى يعجبكم ويرضيكمورده 
تقبلوا تحيتي .. أخوكم::. 
