والله ياشباب إني راجع بيتنا ماسك الدائري ونا مدمع من القهر .... يوم دخلت البيت شافني أبوي مدمع ..!!!

قال ... وش فيك ؟؟ عسا ما شر ..!!

قلت والله النصر تعبني ..... قسم بالله يا شباب شوي وأصيح من جد من القهر .... رحت لغرفتي وقعدت أفكر وأقول وش السالفة ؟؟؟

ليش مانفوز ؟؟

والله يا عيال من القهر طبيت في الغويط من التفكير .... لدرجة إني قاعد أفكر وقول شكل ربي معاقبنا .....

والله بعدين قمت أصلي وادعي للنصر بالتوفيق في المباريات الجاية .... والله يا شباب إني ادعي ونا أصيح من القهر ....

أنا داري ان المفروض ما توصل للدرجة هذي .... بس عاد الشكوى لله ..

نداء إلى فيصل بن عبدالرحمن و الوليد بن بدر و كحيلان وطلال الرشيد والعمران وكافة منسوبي النصر ...:
===>ردد يالييـــــــل ماطوولكـ
ياخي تكفون ارحمونا شوي .... تكفى يا كحيلان ... ترا تكفي تهز الرجاجيل ... والله حرام خمس سنوات ما نفوز على الهلال ....

تكفون يا إدارة النصر .... والله إنا نصيح في بيوتنا ونتو ما تدرون ...... والله ان النصر يرفع الضغط والسكر ....

يا إدارة النصر ... والله غريبة إلى الآن مالقيتو حل لمشكلتنا .... يا خي تكفون .... نبي حل في أقرب وقت ... والله يا إدارتنا إنكم ماشين صح .... بس لازم تصير عندكم سرعة بديهة ... وتصححون الأخطاء بسرعة .....

والله إني أدعي لكم ليل نهار بالتوفيق انكم تتوفقون بالأجانب .... بس شدوا حيلكم شوي ....

يا إدارة النصر ..... تكفون ارحموا جمهور الشمس .... والله ما يستاهل كل ها البهذلة ..... جمهور وفي وصبور ..... لا تزعلونا ...

يارب وفق نصرنا ..... يارب ارجع لنا تلك الأيام السعيدة ..... اللهم مغير الحال ... اللهم انا نسألك ان تحسن حالنا يارب العالمين ....