اعزائي الشعب الهلالي ..

باقي على مبارتنا امام نادي النصر ساعات .. وصراحة نتيجة هذه المباراة راح تكون بشعار (( نكون .. او لا نكون ))

الى الحين ما جبت شي جديد .. بس حبيت اعبر لكم عن تفاؤلي بالفوز .. وكل ماقربت المباراة زاد الاحساس ..

وصراحة .. كل ما تذكرت اهداف ابو سعيد في النصر .. احس ان الكاسر راح يسويها ..

عاد ما يبيلها اذكركم ..

الهدف الكعب ..

والهدف السحبة الاليمه اللي يوم خرشها الخوجلي وراح يشد رجل زميله

والهدف اللي جا بعد تمريرة الزوري ..

يعني ما يحتاج الهلالي الساحر مو مقصر مع النصراوية ..

بس اليوم غير .. مو مهم مين يسجل ..

لو طقها ابو دعيع براسه في الباب .. ولا نزل كوزمين وشبكله فاول .. ما تفرق ..

المهم الثـــلاث نقاط وبس ..

لأن الاتحاد طاير بالصداره .. ولو انهزمنا راح نتركله الجو ..

ولا ننسى الشباب .. الي دوم يصحى بعد ما يتعب الكل ..

وغير النصر .. اللي متأملين في نفسهم يجيبون الدوري ..

والأهلي اللي رغم قلة النقاط .. الا انه يقدم مستويات مميزه ..

يعني الكل شـــــاد حيله تمام .. وكل نقطة ولها ثمن غالي ..

اتمنى لزعيــــمنا .. زعـــــيم الكل .. التوفيق اليوم .. وكل يوم ..

**
جمهـــــــور الرياض .. عاد الوعد اليوم .. مايبيلكم توصيه .. نعرفكم تحبون المباريات القويه .. والله جمهور الزعيم في كل مكان راح يزعل عليكم لو كان فيه مكان فاضي بالملعب ..

**

طارق التائب .. مكانك واضح بالملعب .. نحن معك دوما

**

ابو سعيد .. هالله هالله بالخوجلي .. لا نوصيك عاد نبي زي العاده ..

تقبلو تحياتي