المحور الأول :
هل وفق المدرب بأختيار التشيكلة المناسبة للمباراه؟وهل تم توظيف اللاعبين بالشكل المناسب؟
لا ..
يعني خسارة عزيز ماكان لها داعي فهذا عقاب للهلال مو للاعب ولو جا العقاب من برا ان كان تحسرنا عليه ...!
أيضا دخول الدوسري بضل وجود الصويلح على دكة الاحتياط كان غلط كبير ..!

المحور الثاني:
ما رأيك في تشكيلة الهلال بدون أي لاعب محترف أجنبي ؟ وما رأيك في أول مشاركة للسويدي ويلهامسون؟
صراحة حليو ..!
لان ويلهمسون ورالديس مايغيرون كثير لكن غياب التايب ..هذا شي ثاني ...!!شي ثاني ...!!شي ثاني ..!!

أما عن ويلهلمسون ..
بصراحة بداية مخيبة للآمال ..
لكن ..
الرجل راجع من اصابه ..
أول مباراة رسمية مع الفريق ..
مالعب الا نص شوط ..
ولاننسى ..
أن ليلو بدأ بداية قوية مع الوطني ومن ثم ابداع مع الاتفاق والمحللين والنقاد يقولون اللاعبين الكبار لا يحتاجون أن يحتكوا مع الفريق ومدري إيش ..!!
لكن ماعرفناه الا بعد مالعب اكثر من مباراة ...!!
برونو اول لمسة له صناعة هدف ..
ويلي أول لمسة له تمريره بالغلط ..
لكن برونو اتضح انه لاينفع للهلال ..
كماتشو وتفاريس بدأو بداية عقيمة ..!!
ومع ذلك بكينا حينما ذهبوا ..!!
وان شاء الله ان يكون مستوى ويلهلمسون مثل التايب وافضل ..


المحور الثالث :
ماهو تقييمك لأداء لاعبين الهلال ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول؟
نجم المباراة هو الفريدي ..
واللي ماقدم هو صالح الدوسري وويلهمسون ..
اما مستوى اللاعبين ..


"محمد الدعيع"

الله يطول عمرك ويعطيك الصحة والعافية

عميد بمعنى الكلمة ((ماشاء الله))
"ماجد المرشدي"
دائماً أقولها وأكررها ماجد المرشدي متى يبدع ...؟؟
يبدع ماجد حينما يلعب أكثر من ثلاث أو أربع مباريات متتالية أساسي ...!!
"خيرات والزوري وهوساوي"
نقدر نقول كويسين ...!!
"الخثران والغنام"
ماقصروا ..!
"صالح الدوسري"
نقدر نقول إنه هو أقل مستوى بين اللاعبين اليوم ..
ماسوا الا شي واحد استفدنا منه وماكملت بعد ..!
اللي هي يوم سوا المراوح وناولها للشلهوب ..!
"الشلهوب"
الشلهوب أمس عال عال ..
تحسن كثير الحمدلله ..
"الفريدي"
أما الفريدي اليوم فهو نجم المباراة بلا منازع ..
أتمنى أنه يستمر على هالمستوى ولايغتر ..
بس فيه مشكله الفريدي..
أن اذا مسكه اي واحد يوقف على طول يطلب فاول ..
لأن أحيانا ما يحتسب فاول ونخسر الكورة ..
"ياسر القحطاني"
القناص الآسيوي ..!!
رغم بعض لمساته الحلوهـ ..!!
إلا أن ياسر مستواه نازل كثير والشوته اللي في الدقيقة خمسة غريبة صراحة تجي من ياسر ..!!
"الصويلح"
بصراحة دخل وغير المباراة ولو إن مافيه أهداف ..!!
وقبله على جبينك يا احمد ..!!
محارب لاخر درجة ماشاء الله ..
"العنبر"
بـ خمس دقائق رأسية كادت تدخل المرمى ...!!

المحور الرابع:
ما رأيك بالتغييرات التي أجراها المدرب كوزمين؟
تغيير الصويلح كان في محله 100%
اما تبديل الشلهوب فمن وجهة نظري انه ماكان في محله خصوصا ان الشلهوب بدع امس ..
وتغيير العنبر كان جيد نوعاً ما ..

المحور الخامس :
ما رأيك بالحضور الجماهيري لمباراة اليوم وتفاعلهم ومؤازراتهم؟
*الحضور يتعبرجيد نوعاً ما ..
وبعض الجماهير تقول ليش ياجمهور الرياض ليش جماهير المناطق الثانية اكثر ..
اقولهم السبب ..
لان الهلال يلعب اكثر مبارياته بالرياض اما مثلا الشرقية مرة وحدة في الموسم بس ..!!
وبتفصيل اكثر ,,
بصراحة لو نفكر فيها بنلتمس العذر لجمهور الرياض ..
اسباب كثيرة ..
يمكن يكون لعودة المدارس سبب ويمكن يكون لان ملعب الملك فهد بعيد ويمكن لان اكثر مباريات الهلال في الرياض وخارج الرياض مرة وحدة واذا كثرت مرتين علشان كذا يستغلونها جماهير المناطق خصوصا ان الحضور للهلال في المدينة الفلانية مرة وحدة في الموسم اما في الهلال ففي الموسم اكثر من 20 مباراة في الرياض كل موسم ..
وغيرها من الاسباب زي التدخين والمضايقات وما ادري ايش ..!
الخ ...


المحور السادس:
ما رأيك بالمباراة عموماً((مساحة حرة خاصة للعضو))
كان المستوى متوسط ..
ربي ماكتبها ..
وخيرها في غيرها ..
وبما انها مساحة حرة حاب اقول نقاط من مباراة امس ..

*إذا استمر الفريدي كذا يمكن نقدر نقول إننا نقدر نلعب بدون التايب ولو إن التايب ........وش أقول عن التايب أقول آآآآه يالتايب ...!!
*المهاره الفردية رغم كثرتها إلا أنها لم تنفع كثيراً لأنها لم تكمل إلا مرات بسيطة من الشلهوب والفريدي..!
*وضع الكورة لياسر وهو محصار غلط كبير لافائدة منه ..!!
*الدقيقة 31 الفريدي يحاول يشوت الكورة واللاعب الاهلاوي يحط رجله والحكم ماحسب أي شي ..!!
*الشلهوب أمس ماشاء الله تبارك الله سوا كل شي حتا المكاتفة ..إلا الهدف ماجابه ..!
*في هذا الموسم نلاحظ نقطة إيجابية على مدافعين الهلال ..فكلهم طولهم يتجاوز الـ 180 سم ..
*استغرب عدم اشراك عزيز هذا عقاب للنادي مو للاعب ....!!!!!!!!!!
ولو العقاب جايه من برا ان كان تحسرنا عليه ...!!
*مواضيع الشبكة دائماً في تكثر في المباريات وبعد الشوط الاول سب وشتم وما يعجبهم العجب والمشكلة ماتتعدة سطرين وأحياناً تكون المواضيع مكرره 10 مرات لنفس الخبر!!..
ما ألومهم لكن هذا شي غلط ..!!!
*آآآآآه يالتايب منور الملعب اليوم
*من غلطات ياسر أمس ..في الدقيقة 47 ضرب الكورة براسه مع انها كانت افضل برجله ولو أنه تسلل لكن المفروض كان يشوتها ..
*الشلهوب يشوت شوته في الدقيقة 49 وتلمس بيد اللاعب الاهلاوي ومع ذلك الحكم يمشي اللعب ..!!
*الدقيقة 66 لمسة يد أهلاوية أيضاً ولكن مافيه أي صافرة ..!
*الدقيقة 70 فيه دخول عنيف ضد ياسر ومع ذلك كمل اللعب ...!
*التحكيم نقدر نقول نعطيه اليوم ثمانية ونص من عشرة
*غندر يشبه صوت حقوي لكن حقوي كان يألف غندر نلاحظة يغني اغاني حقوي وبس ..!
*لاننسى أن النصر الموسم الماضي فاز على الاهلي بجدة 3 - 0 واحنا خسرنا من الاهلي 3-1 والحمدلله اخذنا الدوري ..
وهالموسم النصر فاز على الاهلي 2 - 1 في الرياض واحنا تعادلنا ..
*لكن هالشي مايخلينا راضين عن المستوى يالاعبين الزعيم ......!!!




أخيراً احب أبارك لكل عاشق هلالي ..
إنشاء قناة الزعيم ,,
تجديد الهلال مع موبايلي ,,




آخر شي حاب اشكركم على جهودكم الواضحة بعد وقبل كل مباراة ..
واتاحة الفرصة لكتابة مافي بال كل هلالي ,,
واتمنى الاستفاده منها ..