هلا والله مستر تري أوكت بالعربي تعني ثلاث ثمانيات للي مايعرفون لغة أهل المريخ المهم اني ذاك اليوم مادريت ان المريخ بيسير علينا لين شفتهم في التلفزيونات العربيه طارين في العجه والناس هناك طالعين برا البلد اللي معه دربيل واللي معه تلسكوب واللي معه نظاره شمسيه * على باله كسوف* المهم يوم شفت العربان طالعين قلت مالي الا السطح واطمر هناك وافرش فرشه واحط الشاهي والقهوه والزنجبيل واحد يحسب المريخ له علاقه بالمربعانيه واقعد اتحرى لين يمر من عند بيتنا الين الساعه 12 بالليل وماشفت شي وفجأه اشوف ذاك اللي يتحرك في السما ويروح ويجي ويجي ويروح فقلت بس هذا هو المريخ اللي مايمر الا كل مليون سنه وابدا اركز عشان اشوف اهل المريخ وش هم وش شكلهم واشوفه انهم صاروا يقربون شوي شوي كل ماحركت راسي وشوي والا واحد منهم قريب مررره من عندي واقوم امد يدي ابي امسكه واصك يدي عليه بقوه واجره ويوم جريته ماتسمع الا ذيك الصرخه من قوة الوجع ومادريت اني ماعط شعري لين شفته في يدي واقوم اضف عفشي وادخل وانام احسن لي وبلامريخ بلا مورده حشا صار دوري السودان