)( )( كـــــــــــــــرســـي الاعتــــــــــــــراف )()(







الإجابـــات





the prince_14

س1/ وش شعورك يوم وصلت للألفية ؟ << يطمح لها
* والله يالغالي انا ماهمني عدد المشاركات .. كان يهمني نوعيتها .. ولا كان وصلت الالفين من زمان

س2/ الإثبات البطاقة الشخصية ؟
الاسم .. مشعل العتيبي
العمر .. 25 خريفاً
مكان الميلاد .. الدوادمي
الاقامه الحاليه .. بريده

س3/ وش رأيك فيني ؟ <<< من متى المعرفة
اخ انترنتي

س4/ كيف الحال ؟
بخير جعل ربي يسلمك .. تمام التمام
عساك طيب ؟؟




BARCA-2007

سـ 1/ من متى وانت تشجع الفريق ؟

ميولي الكتلونيه من ايام ريفالدو .. وبيب قوراديولا .. لويس انريكي
بس المتابعه الفعليه والتعصب .. اول مانقلت الدوري الاسباني الجزيره

سـ 2/ وش رايك باداء لاعبي البرشا الجدد .. سواء الذين صعدوا من الرديف او اللاعبين المنتقلين للفريق ؟
المنتقلين .. بصراحه للحين ماقدموا اللي كنت اتمناه منهم .. خصوصاً الفيش .. بس اشوفه متوسط
اللي صعدو للرديف .. مافيهم كلام .. ميه ميه

سـ 3/ تقييمك لـ اداء المدرب بيب حتى لحظة اجابتك عن السؤال ؟ << كيف الدقـه ....
بيب يسير في خط تصاعدي .. وهذا هو المطلوب .. واللاعبين بدوء يفهمون افكاره .. والفريق مقبل على البطولات انشالله

سـ 4/ بلد تتمنى السفر لها ؟؟
اسبانيا وتحديداً مدينة برشلونه

سـ 5 / لو قدر لك ورجعت بالزمن هل كنت بـ تشجع البرشا .. ولا غيرهـ ؟
لو صار لي عمرين .. احبه مرتين

أس1 / ما هي توقعات للبرسا هذا الموسم و كيف سيكون مستقبل جوارديولا مع التدريب ؟؟
اتوقع البرسا السنه هذي بطولاته بتكون الكاس الاسبانيه .. والشامبينز الاوربيه
مستقبل بيب .. اتوقع بيستمر مع البرسا 4 مواسم .. وبيحقق جميع الالقاب .. وبيسطر اسمه مع العالمين.

س2 / وش أبرز إيجابيات وسلبيات مبدع الوسط ؟؟
من وجهة نظري ايجايباتك في الرابطه .. اكثر من سلبياتك
يمكن غياباتك المستمره هي السلبيه الوحيده فيك

س3 / وش رايك يكون في الرابطة إستوديو تحليلي ؟؟
اللي اشوفه ان آراء الشباب بعد كل مباراه هي عباره عن استديو تحليلي




Z.Y.Z

1\ مشعل من الاعب الى كنت تتمناه يوقع مع البرشا في الانتقلات الماضيه ؟
كنت اتمنى في حالة خروج ايتو .. يجي فرناندو توريس
وفليب لام ظهير ايسر

2\ لو لا قدر الله البرشا لم يأخذ اي لقب الموسم هذا هل ستفكر في تركه ام لا ؟
انا عشقي للبرسا مو عشان بطولاته .. عشان المتعه اللي مستحيل تشوفها الا في البرسا

3\لو كان فيه مباره برشلونه مع ريال مدريد , ونفس اليوم مباره الهلال مع الاتحاد , والمبارتين في توقيت واحد , وش بتشوف البرشا او الهلال ؟
البرسا اكيد .. بس راح اشيك على الهلال بين فتره وفتره

4\ تفضل الانضام الى نادي الهلال مثلا درجه الناشئين او الدخول الى اكادميه برشلونه ؟

اي ناشئين الله يهديك .. محاكيك يفكر يتزوج
بس يمكن ولدي اسجله في اكاديمية برشلونه




زعيــ[ كلهم ]ــمهم


س1 / متى بدأ حبك وعشقك للبارسا ؟
تمت الاجابه

س2 / بطاقتك الشخصية اذا ما في احراج ؟
تمت الاجابه

س3 / ليش صكيتني في الشطرنج ؟
وش اسوي مااعرف اجامل

س4 / هل تتوقع أن البارسا سيخرج من هذا الموسم ببطولة ام لا مع ذكر البطولة ؟
هي وحده من ثنتين
يا الدوري الاسباني
او الكاس مع الشامبينز ليق




S U L A I M A N

1- السيره الذاتيه الله لايهيتك .. شهاداتك وفين تُدرُس حاليا .. وهالسؤال شامل لـ بأي جامعه وبأي كليه وبأي مستوى ;( ..
خريج ثانوية الدوادمي .. علوم طبيعيه
اول جامعه درسة فيها كانت الملك سعود .. تخصص علوم ادرايه
ثم انتقلة للجامعة القصيم وغيرة التخصص الى لغه عربيه .. وحالياً في المستوى الثامن

2- البطاقه الشخصيه .. وحاول تجيب كل شي يخصك
الاسم والعمر ومكان الميلاد تمت الاجابه
الطول 170 .. الوزن 63 .. صاحب بشره بيضاء
سيارتي لكزس 2004 _ 430 ال اس .. تو مشتريها في رمضان
من سكان مدينة بريده .. لظروف عمل الوالد
بالنسبه لـ هوياتي السفر و النت و كورة القدم
مااحب الجديه .. دايم اميل للأخذ الامور ببساطه .. فاشل اجتماعياً .. مااعرف اجامل
صداقاتي محدوده .. متسامح بطبعي .. مااحب احد يزعل مني .. حتى لو مااعرفه


3- وش يعنيلك صاحب اليوزر الي جالس يسألك الحين ؟
اخ انترنتي .. متسلط <<< عشان حسين هذي
من الاشخاص اللي حببني في الرابطه .. خفيف دم .. طيوب .. اشوف فيك التواضع .. وعدم حب الذات <<<< ركز على الاخيره

4- من الأشخاص الي سبق شفتهم برى المنتدى ؟ وهل لك أقارب بالزعيم ؟ (فيس أبو حواجب)
انا افضل صداقاتي الانترنتيه .. ماتتعدى حدود النت
لا مافي احد يقرب لي في المنتدا

5- طلع بوكك الحين .. وقل كم فيه من ريال بالضبط .. وقل وش الفئات الي عندك
551
200 + 200 + 100 + 50 + 1
العشاء يالسلمي الليله في الخلوج وش قلت

6- وش وجباتك امس .. يعني وش أكلت .. وت دد يو إيت
امس كان عندنا وجبة غداء للاهل والاصدقاء
عشان كذا الفطور كبده ومقلقل .. وقلوب وكلاوي
الغداء طبعاً مفطح وضرب بالخمسه
العشاء في ماك .. بق ماك تشيكن + سبايسي + حلا صنداي

7- لو يجون برشلونة للرياض ويلعبون مع الشباب .. وسعر التذاكر 200 ريال .. وهذي اخيس مكان بالزاويه عند الكورنر وتحت .. تدفع ولا معصي
ادفع وانا مغمض .. حتى لو يقولون في المقصوره الرئيسيه

8- إينيستا - زافي .. من تفضل على الآخر
كزكز يالبى قلبه ... لانه المحرك الفعلي للفريق

9- فزت بجائزة 10آلاف ريال سعودي .. وش بتسويبها بكل صراحة
سيده على مكتبة جرير اشتري كتب <<<< اطلع برا
اقصد لاب توب ابل ماكنتوش

10- وش ناوي عليه بعد الدراسه .. تكمل ولا بتدور اطرف وظيفه وتستقر عليها ؟ وهل ناوي تعرس قريب ولا ماوالله
حالياً في عرض من اخوي اللي يدرس برا السعوديه يجيب لي قبول ماجستير في الاداره الماليه
والعرض الثاني من الوالد .. وظيفه في بنك الرياض
(( العرضين مالهم دخل في اللغه العربيه ))
بالنسبه للزواج في حالة اني توضفت
بس اطلع برا السعوديه واسحب زوجتي معي
نوووو وي .. خل الواحد يصيع على راحته




PUYOL Carles

يالبى قلبك مااقدر على القابك الفضيعه

1 - بدايتك مع الكره الأوروبيه ونادي برشلونه ؟
قديم وتمت الاجابه عليه

2 - لاعبين ومدربين مروا على النادي خلال فترة القحط الكروي وتحس انهم انظلموا ؟
انا ماادري اي قحط تقصد .. لان فترات الفريق كلها قحط
بس اشوف ان الثلاثي ريفالدو وبيب قواريدولا .. ولويس انريكي كانوا يستحقون الشامبينز
اذا على المدربين .. كل مدربين البرسا مااقتنعت فيهم .. وعلى راسهم كرويف

3 - بعد مضي 6 جولات على الليقا، هل تعتقد في اماكن بحاجه الى تعزيزات بالسوق الشتويه مثلا .. غير الحراسه
الظهير الايسر .. لازم ظهير عصير مثل الفيش عشان تتساوى قوة الاظهره
وارشح فليب لام

4 - مدينه ودك تروح لها ؟
تمت الاجابه

5 - نجي الى سليمان شوي .. تتوقع انه لو كمل على كرسي الرآسه .. ممكن يصير مثل وسيلي هليلي ..
الفرق بينهم ان ويسلي انتهازي ويبي الالماس .. بس سليمان وش بيحصل غير المجله اللي ازعجنا فيها

6 - مواصفات زوجتك ؟ ..
شفت الشيخه اولفت .. ولاتقول لاحد اني علمتك

7 - تتوقع انييستا الهادئ الخجول والصامت والهزاز بيتمرد على نفسه هالموسم والدليل مغير حلقة راسه المباراه
الأخيره
اتوقع انيستا بيتمرد من ناحية المستوى .. وبيقدم شي يذهل الجميع

8 - مبدأ تعزيز الكتلان في النادي ؟ هل انت معه ام ضده ؟ وابغاك تفكر فيها من ناحية انه انت تلعب في نادي الحاره حقتكم .. هل انت كلاعب في فريق حارتك او كمتابع لنادي حارتك .. تفضل رجال نادي حارتك .. من الحاره نفسها .. او الناس الافضل سواء من برا او من اي داهيه ؟ ( كم مره ذكرت كلمة حاره )
اذا في نفس المستوى افضل ولد الحاره .. لانه بيعطي باخلاص اكثر
بس في البرسا غير الحاره .. ابي الاجدر والافضل حتى لو انه من الفلبين




F.C.Blugrana

سـ1/ F.C.Blugrana .. إيجابياته وسلبياته بصراحة ..
والله انت اخ عزيز .. وافتخر بمعرفتك .. مااقدر اعدد ايجابياتك اخاف اهضم حقك .. لان اللسان يعجز عن ذكر محاسن شخصكم الكريم
سلبياتك في الرابطه ..
بقوله لك في الماسنجر

سـ2/ تخيل نفسك بهالموقف ..
أنت في مكان .. الروس الكبيرة مهيب مقتنعة فيكـ .. أو ما عطتك حقك ..
مع العلم إن الجمهور أو العامة مقتنعة فيك وبعضهم يتسائل ليه ماتاخذ حقك الكامل ..
المكان عزيز عليك .. لو تركته أنت اللي بتخسر .. تصرفك ؟
ماراح اترك المكان اللي احبه .. عشان القله القليله .. بحاول بكل مااقدر اغير موقفهم مني .. واكسبهم في صفي
بس اخر شي افكر فيه الانسحاب.

سـ3 / موقفك من رحيل رونالدينهو وديكو ؟ وهل تعتقد إن الإدارة أجحفت حقهم ؟
الاكيد عورني قلبي .. واشوف ان الفريق فقد شي من متعته
الاداره مااجحفت ولا شي .. اعطتهم الفرصه اكثر من مره .. وفي الاخير سهلت عملية انتقالهم للانديه اللي يبون

سـ4/ سبب إختيارك للمعرف ( أكشخ واحد ) ؟
هذي قصه ايام الثانوي .. طلعة منشوارت في المدرسه لاكشاخ الطلاب او شي من هذا القبيل عاد تخيل اني صرت من ضمنهم وفي مراكز متقدمه بعد
بنسبة 93 وكسور مااذكرها .. عاد الشباب اللي قريبين مني اعطوني هاللقب .. واستمر معي الى وقتنا الحالي.




Lionel Messi

س1 / رايك بالبوندز ليغا و و و و نفسيه ذاك السؤال الطويل ؟؟
الدوري الالماني في فتره كان مرحله انتقاليه للاعبين .. نحو دوريات النخبه
بس الفتره الاخيره اثبت انه واحد من افضل الدوريات ... وفيه من الاثاره الكثير .. وصعب تتنبى بهوية البطل
لتقارب مستويات الفرق فيه.

س 2 / ليونيل ميسي عضو اللجنة الاعلاميه .. بسطرين وش تقول فيه ؟؟
بالنسبه لي انت اخ عزيز .. وتشرفت بمعرفتك في عالم النت
واكبر مصلحجي عرفه التاريخ

س3 / اعضاء تتمنى رجوعهم للرابطة ؟؟
اكزافي ((محمد )) .. هذا اللي عاصرته في الرابطه
بس فيها اعضاء اسمع عنهم سبقوني للرابطه .. اتمنى اشوفهم
منهم كرويف .. ورحال

س4 / لو اعطيت الفرصه للتحدث عن 10 لاعبين سابقين .. لو يرجع الزمن وتلحق عليهم .. من هم اللي بيجون ببالك ؟؟
بالنسبه لي نفسي بالدريم تيم في فترة التسعينات
وكنت اتمنى مردونا يستمر اكثر من موسم مع البرسا .. وايضاً رونالدو

س5 / هلاليتك كم تعطيها من 100% ؟؟
انتمائي لشبكة الزعيم .. لايعني اني هلالي متعصب

س6 / ليه اسم نواف ضابط عليك ؟؟
خيالك الواسع هو اللي ضبطه .. مابغيت اجاوب على الاسئله يوم قلت نواف

س7 / غير البرشا .. لمن تميل ؟؟
امممممممممم
يمكن الارسنال و روما

س8 / بسطرين تكلم عن نفسك .. ايجابيات - سلبيات ؟؟
ابيك انت تجاوب هالسؤال




في النهايه احب اشكر الجميع على شرشحتهم واسئلتهم الظريفه و اشكر الاخ يوسف على استضافته لي

هذي لكم ورده ورده

مشكور مشعل على اجاباتك وروحك الطيبه ...
نورت الكرسي بعد عودته