السلام عليكم

ياخي بعض الاعضاء غريبين ..

اول شي ياجماعه الموضوع فيه عدت محاور اقالة كوزمين احدها وليس محور الموضوع ..

انا اشوف ان كلام صاحب الموضوع صح .. وفي نفس الوقت انا ضد اقالة كوزمين

هذا مو تناقض لكن هو كلامه صح في ان الهلال غابت هيبته هلالنا هالأيام ليس هلال زمان المرعب الفريق الذي يهاجم مع كل الجهات وشتى الطرق مرعب االخصوم ..
صرنا ندافع ونكثف النص ونعتمد على مهارت لاعبينا مافي جمل تكتيكيه او طرق مرسومه نلعب ثنين محاور وثلاثه نص ونحتري التايب ولا الشلهوب ولا الفريدي يحط كوره لياسر ونفوز بالبركه ودعاء الولدين ..

واحنا اكبر جمهور عاطفي العام قبل الماضي نبكي عشان يرجع باكيتا ويوم رجع وجاب العيد هاجمناه مع انه ماغير تكتيه ولاشي اللي هي الدفاع وننتظر فاول عشان يسجله كماتشو ...
ادري اني كثرة كلام لكن والله شي يقهر عناصرين احنا افضل من الاتحاد ومع ذلك نشوف الاتحاد يهاجم ويسجل اكبر عدد واحنا ندافع ونرضى بأقل النتائج ..

***
اجل نجران يلعب قدامنا يلعب بأثنين مهاجمين وفريقنا الزعيم بطل الدوري والكأس فالعام الماضي نلعب بمهاجم واحد ومحورين وفوق هذا يمتلك نجران معظم اوقات المباراة ونص نجران يسيطر على نص الملعب وكأن ماعندنا نص ابي احد يذكر لي كوره وحده بس مرسومه انلعبت بين الفريدي والشلهوب (المبارك من عرفناه وهو يلعب لحاله) ..

للأسف هيبة الزعيم غائبه من سنوات والسبب ان المدربين صاروا يخافون اذا هاجمو وانهزمو تتم اقالتهم يعني السبب بكل بساطه سمعة الانديه السعوديه في سرعة اقالة المدربين ... اتمنى ان تتم مناقشة كوزمين وايجاد حل لأن الحل مو بس انه يلعب بمهاجمين بل انه يدرب الاعبين على الكرات البينيه واللمسه والواحده وخلق الفرص

ملاحظة : من يدعي العقلانيه اذا لم يعجبه الموضوع فل ينتقد محاور الموضوع ولا يتوجه بالنقد لشخص كاتب الموضوع فهذه قمة الجهل والعقم فالنقاش

اشكرك على هذا الطرح

واعتذر عن الاطاله