| فريق ضعيف جدا مثل نجران يهزم الهلال مرتين وتبغى الجمهور مايزعل .. أكيد كل شيء مكتوب بس لازم اللاعبين يقدرون الشعار اللي يلبسونه و يلعبون بإخلاص لأن اللي يحصل في الهلال فوضى وعدم تقدير للمسؤولية من بعض اللاعبين اللي يسمون محترفين المرشدي يروح يتعيد مع أهله في حائل و يغيب يومين وعزيز جته مولودة جديدة لازم يأخذ اجازة اضطرارية .. الإدارة الهلالية إذا أرادت النجاح مع الفريق لازم تكون هناك عقوبات شديدة لأي لاعب يغيب عن التدريبات .. وش ذنب مدرب الفريق وهو يخسر لاعبين مهمين حاليا بأعذار عائلية غير منطقية أبدا ؟!اللي سواه كوزمين بإبعاد خالد عزيز والمرشدي لازم يسويه أي مدرب يحترم نفسه وباقي قرار الإدارة ! الجمهور الهلالي اللي يوقف معهم في كل مدن السعودية انحرقت أعصابهم وهاللاعبين باردين !بكل صراحة وهذي الحقيقة اللي لازم نقولها بدون تزييف للواقع صعب الهلال يفوز بأي بطولة هالموسم أتوقع كل البطولات المحلية بيسيطر عليها الفريق المتكامل في كل خطوطه وهو الاتحاد اللي أكد هالشيء | 