نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الجـولـة الخـامسـة .. ديربي الجنون .. دعــوة .. لـعـشـق .. إيـطـاليـا

hilalemooot · #98 27/09/2008, 08:00 PM

.
.

السلام عليكم

مبدعين وقسم

من اروع التقديمات اللي شفتها بصراحة و بدون مجاملة .. شغل مرتب ومتعوب عليه .. الله يعطيكم العافية كلكم .

الحقيقة اكثر شي اسعدني هو التواصل الجميل بين الرابطتين واللي اشكرهم كثير على الجهد اللي سووه واتمنى يستمر هالحب الا ما بعد المباراة اهم شي

المباراة للمتعة بالنسبة لي وهذا احلى شي .. فرق كبير لما تشوف مباراة وتشجع فريق فيها ولما تكون مجرد متابع محايد .. فما بالك لو كان دربي .. ومو اي دربي بعد .

لو نشوف الفريقين الانتر يعيش اوضاع ممتازة .. متصدر .. نفسيا الفريق وضعة لايق للمباراة .. غياب مونتاري راح يكون مؤثر بشكل أو بآخر .. مع إحترامي للاعبي الانتر راح يأثر غيابه .. طبعا هالكلام لو كان مانشيني مدرب لحد الآن .. اصلا من قال انه بتطري على باله هالصفقة خخخخ .. لا الجد مونتاري لاعب يقوم بأدوار كبيرة بخط النص .. ممكن فييرا لو كان بالفورمة يعوض غيابه مع كامبياسو و زانيتي .. اللي اتوقعه من مورينيو راح يتحفظ شوي .. و ممكن يلعب بزانيتي كامبياسو فييرا ستانكو في النص .. ويكون مانسيني مع ابرا قدام .. اقول ممكن .. مورينيو من النوع التكتيكي الصعب .. وبالعادة في البريمر وفي المباريات الكبيرة يلعب بتحفظ كبير في البداية .

الميلن .. وضعة برضوا جيد جداً .. بس الخسارة لو حصلت ويمكن حتى التعادل كون المباراة على ارضه راح ترّجع المشاكل اللي مرّ فيها الفريق و انشيلوتي بالذات بعكس الانتر .. لذلك المباراة مهمة اكثر للميلن .

انشيلوتي لو صحت الانباء باستبعاده روني وشيفا فهي راح تأثر معنوياً على الجماهير .. يمكن اكون معه بمسالة رونالدينيو بس شيفا لا .. شيفا يعرف اجواء الدربي ومن يدري يمكن تكون هالمباراة بداية صلح بين شيفا و جمهور ميلن الغاضب لحد الآن نوعاً ما .. خصوصاً بعد إصابة بوريللو .. باتو صغير على هالاجواء .. وصعب تدفع به اساسي .

كاكا و سيدورف .. الخال بالذات راح يكون نقطة تفوق .. لاعب اعتبره ترمومتر ميلن .. يعرف متى يحرك اللعب و العكس صحيح .. راح يكون عليه دور كبير في توزيع اللعب خصوصاً مع غياب بيرلو

الخلاصة مباراة صعب تتوقع فائز فيها .. لكن اعطي التفوق بدرجة قليله لـ الانتر وبسبب مورينيو فقط .. تقريباً اول اختبار جدّي له في الكالتشيو .. ودي اشوف وش يسوي

عافاكم ربي على التقديم الاكثر من راااائع .. واتمنى من كل قلبي زي ما قلت بالبداية يستمر هالحب بين مشجعي الفريقين هنا بعد المباراة

إقتباس

الرسالة الأصلية كتبت بواسطة أبوحمد _ Mi


	شف انا ابيك ان فزنا تحط صورة جوركوف كصورة رمزية ولمدة ثلاثة اشهر ..

إقتباس

الرسالة الأصلية كتبت بواسطة I B R A H I M O VIC


	اذا فزت تحط صورة متراتزي ثلاث شهور

ابو حمد .. ابو عابد .. ترى تسجلت عليكم انت وياه .. وعلشان يصير فيه حماس اكثر .. ترى اللي يسحب بنوقفه يوم

.. تراني جاد

.. ذكروني بس يالربع لا تنسون

دربي ممتع ..

.
.