| اجل ستار باكس ؟
حلالاه لوني عنده بس كان صبيت الموكا فوق راسه
لعنبو داره الراتب مايكفينا اسبوعين ويقول كافيه ؟؟
المكافأه 1350 دولار
السكـن بـ 650 وكتب بـ 400 تقريبا وأحيانا أكثر .. فواتير (كهرب + جوال + تأمين حق سياره ) بـ 200
بنزيـن للسيـاره بـ 250 تقريبا شهريا < خبركم البنزين في أمريكـا نار نار غالي .. دبل السعوديه خمس مرات
وش بقى من المكأفأه ؟ وش بقى للأكل ؟ وش بقى للعيشه والحيـاه ؟
والله ثم والله ياشباب ان بعض الشباب السعوديين اللي معي في الديره انهم يشتغلوون عشان يعيشون
مايبون الا يعيشون بس .. ثلاثه من اخوياي يشتغلون واحد في بقاله في محطه واثنين في مطعم
والخافي أعظــــــــــــــــــم ..!!
يانااس وربي قهررر .. طلاب مغترربين ومبعدين عن اهلهم ووناسهم ووطنهم
وفوق هذا الهم مايلقون يعيشون ويرووحون يشتغلوون عشان يعيشوون مثل الناس
اذا انت يالموسى ماديتك كويسه وانا ماديتي كويسه وش ذنب الناس الباقيه اللي عايشين على الله ثم المكافئه ؟؟
ياناس قسم بالله انه شي يقهررر ..
اللي يشوفه يقول دافع من جيبه ريال واحد .. كلها على حساب الحكومه الله يعزهـا
حسبي الله ونعم الوكيل فيهم ..
حسبي الله ونعم الوكيل فيهم ..
اخر تعديل كان بواسطة » ملك الملاعب 20 في يوم » 24/09/2008 عند الساعة » 09:48 AM | 