السلام عليكم ورحمة الله وبركاته

صباح الخير

شاهدت موضوع احد الاخوان عن نزول الطقم الهلالي في الاسواق واللي استبشر فيه الاعضاء ولكن ...

كنت امس في مجمع غرناطة وصدفة لقيت المحل اللي يبيع الطقم ( مادري وش اسمه ) ودخلت وانا متشققق وقلت شاريه شاريه الله لايعوق بشر ولو انه بمليون اهم شي يوم شفت الطقم قلت والله حرام ادفع فيه ريال واحد :

اول شي قيمته مرتفعة مع اني ماظنه درجة اولى , ثاني شي شعار الهلال كنه صاكته شمس بنفسجي , ثالث شي بدون ارقام , رابع شي شعار موبايلي ( متعرفط ) يروح مع اول غسلة , واخيرا اذا شفت تخطيط الطقم ماكنه اصلي ابدا .

انا ماقول الكلام هذا الا والله لحرصي على الا يكون الهلال مغشوش في الاطقم هذي والكلام هنا طبعا فقط عن مجمع غرناطة اما الباقي مادري عنه .