| أخوي أنا مع الهلال
ومصلحه الهلال مع موبايلي
السالفة مهي بس فلوس
حنا نبغى رعاية بمعنى الكلمة
شوف موبايلي العام وشوف الإتصالات قبل العام وشوف الفرق في الرعاية
فيه شئ إسمه إستثمار
السالفة مهي فلوس وكتابة الشعار على القميص
لو السالفة سالفة فلوس بس والفلوس هي الأهم في كرة القدم
كان نادي الإتحاد كل سنة هو المسيطر على بطولات الدوري السعودي
السالفة سالفة مال وتطوير وإستثمار ورعاية
وأنا أرى موبايلي أنها الأفضل في هذا الجانب
إضافة لذلك موبايلي ترعى نادي الهلال لوحده ( بكذا ماراح يكون فيه ضغط على موبايلي وهذا الشئ في مصلحه الهلال )
بعكس الإتصالات( إتحاد نصر أهلي شباب ...الخ )
صعب إنها تميزك بين الأنديه الثانية
والدليل شوف موبايلي سوت حفل للهلال بعد نهاية الدوري بمناسبة البطولتين اللي أخذوها
لكن الإتصالات هل إستطاعت إنها تسوي حفل للنصر أو الشباب
ماتقدر لأنها لو سوت لهم العام لازم تسوي لأي فريق ياخذ بطولة كل سنة
علشان كذا صعب إن الإتصالات تميز الهلال عن باقي الأنديه
هذه أحد الأسباب التي ترجح كفة موبايلي
أضف لذلك أنها تعرف معنى كلمة الرعاية والإستثمار ( وهذا بالتأكيد راح يفيد النادي )
وأخوي أنت كاتب الموضوع كأنك تقول اللي يبغون موبايلي مايبغون مصلحة الهلال
لاتنسى إن لكل واحد رأيه ومالك حق تفرض على الناس رأيك وتتهم اللي يخالفون رأيك
والإختلاق في الرأي لايفسد للود قضية
وتقبل تحياتي
المجازف الازرق  | 