عذرا العوام .
وش دعوى تطامرون وانا مااطمر .
ابطمر وابطبح بعد

هلا وغلا بهلالي فروم كندا.

إقتباس كلامك صحيح , خصوصآ الي عندهم انترنت و يتابعون شبكة الزعيم اما الي ما عنده انترنت فما له الا الجزيرة ( و الجزيرة تكفيك )

اخوي يابعد تسبدي انا اكتب لك وباريحية تامه من احدى هالمناطق الحدودية يعني ولله الحمد الانترنت ترى ميب عندكم بس بكندا.
تراها عندنا بالجنوب وبالشمال وبصراحه نقرأ الجزيره من الانترنت, شفت كيف .
وازيدك من الشعر بيت ونخوك حتى احيانا اكتب للمنتدى من قريتنا في منطقة الدوادمي يعني الانترنت انتشرت في القرى والهجر السعودية .
يعني ترى ونخوك خبرك عتيق ,بصراحه مدري كم لك بكندا.
ولا يعني حنا ماحنا بمثل الخواجات ياهلالي تراها كبيرة بحقنا مير الله يسلمك .

إقتباس يعني تعتقد ان اعضاء الشرف يقولون خذوا الدراهم تراها زاهبه بس انتم عطونا موهوبين

ودي اسألك عقد التمياط من اللي دفعه ؟.
وبندر بن محمد من وين يدفع ؟.
والمواهب اللي سجلها خلال الاشهر القليلة الماضية كيف سجلهم ؟.

إقتباس و كل يوم يدقون على المصيبيح جوال يسألونه ((هاه متى نرسل الشيك ))

اقول والله انك طيب وعلى نياتك .
الموضوع يالغالي اللي نتكلم عنه قبل قدوم الجوال .
عندما كانا الاميرين تركي وفيصل يدفعان لمدرسة الاشبال والناشئين وبإغداق تام وكان المصيبيح يأشر وهم يدفعون . والمادة كانت متوفره آنذاك .
وحتى حاليا المادة متوفره ومنها مبلغ 840 الف ريال صرفت عدا ونقدا لأحد اعضاء مجلس الادارة وبدون فوترة .
ماذا يعني هذا ؟.
اترك لك الحكم .

إقتباس كفاكم بحثآ عن الأعذار الواهيه للنيل من المصيبيح

اصبحت واهية عندما تكلمنا عن المصيبيح .
أنا لاأبحث عن الأعذار الواهية , أنا اتكلم بالمنطق تريد ان تفهم كان بها لاتريد فأنت حر .
والمصيبيح او غيره من نرى انه اخطأ سنتكلم وسنكتب عنه وسننتقده ولايهمنا غضب او رضى احد .
لك تحيتي .