الألف توقيع للمطالبة بالابقاء على موبايلي
السلام عليكم ورحمة الله وبركاته
أخواني الزعماء اعتقد ان الموضوع تأخر وتواقيعنا لن تنفع بشيء ولكن من حقنا ابداء رأينا قبل التوقيع مع الشركة الراعية لفريقنا ومحبوبنا الاول الهلال
اعتقد من جميع النواحي ان عقد موبايلي لا يجب فسخه حاليا لأسباب كثيره يمكن انا ماعندي احصائيات ولا معلومات وافية ولكن موبايلي هي اللي بحثت بجد على النادي الاكثر شعبية ووقعت معاه في غفلة عن الاتصالات .. والحين بعد ماتأكدت شركة الاتصالات من صحة قرار موبايلي تبي ترجع تاخذ الهلال اللي كان اول زيه زي النصر والاتحاد وغيره من الانديه في المزايا انا ماهمني موبايلي ومصلحة الهلال فوق كل اعتبار ومن وجهة نظر ان موبايلي تسوق للهلال بشكل احسن من الاتصالات ويكفي اننا كهلاليين نملك باقة خاصة وانسى انك تلاقي شي زي كذا في الاتصالات .. غير التنظيم اللي تلاقيه في موبايلي حتى من ناحية ترقيم مقاعد المنصة وغيره من امور ماشفناها ولا لمسناها مع الاتصالات ابدا ..
هو من الاساس غلطة الهلال انه يوقع مه موبايلي خمس سنوات المفروض وقع سنة ولا سنتين عشان يفاضل بين العروض اللي تجيه بعدها وموبايلي لها الحق انها تقول انا موقع عقد ومافي بند مذكور فيه انه المبلغ يزيد اطلاقا الا عند توقيع عقد جديد يعني لو الاتصالات قللت من قيم العقود اللي تعطيها للاندية الثانيه تجي موبايلي تقول بنزل قيمة عقدكم ولا نفسخ العقد ؟ ؟ مااعتقد ابدا
وفي اعتقادي اللي بيصير اذا وقع الهلال مع الاتصالات لاسمح الله انه سمعة الهلال في توقيع عقود الرعاية او اي عقد راح تكون ذات شروط جزائية قويه جدا يصعب تحملها وينجبر الهلال على عقود قصيرة الاجل لأن السمعه بتكون سيئة يعني الاتصالات يضاربون على الهلال وهم رافعين قضية عليه !!!
انا من وجهة نظري المتواضعه وبغض النظر عن كل اللي قلته ادعم موبايلي الهلااال وضد فسخ العقد وضد شركة الاتصالات
وكل من تهمه مصلحة الزعيم يشارك ويبدي رأيه يمكن يكون له وجهة نظر افضل في الاتصالات ويقنعنا فيها او يوقع مشكوووووووورا بالابقاااااء على موباااايلي 
وشكراا  | 