وعليكم السلام ورحمة الله وبركاته

هلا بك اخوي القحماني
ماشاء الله عودتنا ع تميز المواضيع

بخصوص هالزوجة

المفترض
انها تشتري اغراضها الخاصه براتبها ولابأس ان الزوج يعطيها بين فتره وفتره مبلغ حلوو ع الاقل يحسسها بانه مسؤل عنها

للاسف هالمسائل تختلف بين زوج وزوج وزوجه وزوجه

بعض الرجال تقدر تقول ماينعطى وجه
لو صرفت على نفسها وماطلبت خلاص يبدا شوي شوي يعتمد كليا عليها
بعد فتره بيطلب تصرف ع البيت

وبعض الزوجات
للاسف تستعمل مبدأ الضغط ع الزوج خوفا من انه يتزوج عليها
تهلكه بالطلبات بدون لاتنظر لراتب الزوج وقدرته

مسالة انها تعطي فلوسها لوالدها
مدري ع اي اساس اذا محتاجين اوكي مو مشكله
بس لو مو محتاج صحيح هو احق من الزوج فيها لانه صرف عليها 20 سنه
بس اتوقع مثل هالامور تحصل مشاكل بين الزوجين
من حق الزوج انه يطلب منها تصرف شي من راتبها ع البيت
باعتبار انه سمح لها بالوظيفة

والوظيفه
كلنا نعرف انها تستنفذ من المراة وقتها وجهدها واهتمامها ايضا
نادر تلاقي زوجه توفق بين الوظيفة البيت لابد من التقصير
وع ذلك
يبنغي لها ان تصرف عليها وتساعد زوجها لان بالنهايه هذا بيتها وهذا زوجها
ان ساعدته هي المستفيده اولا بيكون مو مضغوط حيل وبترتاح نفسيته وبيحس بقيمتها وماراح ينسى وقفتها معاهـ
صحيح فيه رجال مايبين بعينهم شيء بس صدقوني بداخله حاس بقدرها

اصلا
لما تخبي راتبها عنه احس مو حلوة بحقه
وصحيح ماراح يطالبها تدفع بس بيعاملها وبيسوي اشياء تنكد عليها
كانه يوصل لها عباره ( خلي فلوسك تنفعك انا مو محتاج لها )

اعرف قصه
الزوجه موظفه اثثت البيت من الى براتبها الخاص
ولما خلصوا طلقها وجاب زوجه ثانيه


عموما
مو حلو الزوجه تصرف ع نفسها بكل شي
اصلا الرجال مايحس انه رجال الا لاحس انه مكلف بزوجه وعيال يصرف عليهم

شخصيا
مع ابوي الله يطول بعمره احيانا اطلب ومعاي فلوس بس علشان مااحسسه اني مو محتاجه له
حتى هو احيانا يقدم الفلوس لي ويقول خلي الي عندك لك
الرجال بطبيعته مايحب ان الزوجه ماتحتاج له كليا

تبقى الحياة الزوجية مشاركه هنئيا لمن نعم بهاا

\
/
الكريم القحماني
معرفك ينير مجلسنا
فلاتحرمنا قلمكـ
حفظك الله

ا