نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلالي صميم/ابوزياد · #31 27/07/2003, 11:28 PM

إقتباس


	إقتباس من مشاركة Hilali From Canada [ALIGN=CENTER]هلا و الله بالعوام ;) بصراحة موضوع مرستك و محكحك ;) عيني عليك باردة يالعوام ;) شخصيآ انا (( حامت تسبدي )) من كثر الدندره في موضوع المصيبيح و الجزيرة لأن المسأله مهوب يوم او يومين , او شهر او شهرين , او حتى سنة او سنتين , بل قارب على الثلاث سنوات متتالية . و القضية كما هي منذ ان بدأت المصيبيح سبب تدهور القاعده المصيبيح يحارب النجوم المصيبيح سبب اعتزال بعض اللاعبين المصيبيح سبب عودة المسعري المصيبيح سبب انقطاع لطف المصيبيح سبب عدم توقيع ضاري المصيبيح سبب تدهور سوق العقل ( جمع عقال ) المصيبيح ياخذ الكور معه للبيت المصيبيح يطفي اللمبات و يقول ناموا بدري نعنبو بليسكم كل هذا يسويه المصيبيح و هو مجرد اداري , اجل وش يسوي باقي الموظفين و الإداريين مجرد تكرار اسم المصيبيح في كل صغيرة ( طبعآ اذا صار شئ كبير ما عنهم و عن ابو محمد ) و بهذا الشكل المخزي , يجعل من له عقل و تمييز و دراية يعرف ان الجزيرة ما عندك أحد ;) و يستخدمون طريقة " البزران " اذا استقصدوا لهم واحد ما خش مزاجهم على طاري البزران ابقولكم سواليف يوم كنا بزران بالإبتدائي طبعآ بزران ( مال اول ) كانوا بزراااااااان و كل واحد ( خاط شنبه ) مهوب زي حقين هاليومين ( باي دادي , باي مامي , هاف قود تايم ) و طبعآ معروف حقين الصفين الأخيرين بالفصل ( ممنوع الإقتراب ) كان فيه واحد الله يذكره بالخير , ما خش مزاج الشله , و لا نزل لهم من زور و كان كل شئ يصير بالفصل (( كل شئ )) نقول فلان سواها من الي كب بيبسي على السبورة ؟ فلان من الي حرق المكيف ؟ فلان من الي جمع الطباشير بقوطي و عباها مويه ؟ فلان من الي يكتب ذكريات بالحمام ؟ فلان من الي رمى شرخ على مدرس الدين ؟ فلان من هذي ريحته ؟ فلان من اكثر واحد تكرهونه ؟ طبعآ فلان كان هو سبب كل شئ شين يصير بالفصل او حتى المدرسه , و هو ضعيف و مسيكين و يباري الساس لدرجة انه احد المدرسين ( مل ) من كثرة ما يسمع اسم فلان ورى كل مشكله ؟؟؟ و ما خشت مزاجه انه ( انت يا فلان ) يكون هو السبب الفعلي ورى هالمصايب يا شيخ لو انه " الزير سالم على غفلة " و يقوم المدرس و يمسك لك حقين الصفين الأخيرين و يحجرهم ( بقرنه ) الين اعترفوا بأنهم هم المذنبين الحقيقيين , و لما سألهم المدرس : طيب ليش انتم كذا معه ؟ تدرون وش ردوا عليه , قالوا له : عشانه ما يلبس طاقيه التاريخ يعيد نفسه و انا اخوك يالعوام و اصبح المصيبيح هو ( فلان ) في فصل الجزيرة بس هالمره مهوب عشانه ما يلبس طاقيه عشانه ما يلبس عقال شف هالخبر من الجزيرة : لو المصيبيح هو الي قال هالتصريح , وش بيقولون ؟؟؟ تحياتي ,,,,,,[/ALIGN]