حياك الله ياخوي
واتشرف اني اول واحد يرد عليك

ذكرتني بسؤالك فيني قبل 8 شهور تقريبا

كنت محتار بين الكامري والأكورد ولا أبي غيرهم

لكن واحد مكن اخوياي عنده كامري 2008 ركبته معه حلوه وراسيه وما اقول فيها شي بس فيه ملاحظات : وهي اذا مشيت بسرعة 100 تسمع وشوشه من الشبابيك (( كأنك فاتح الدريشه ))
والطقطقه بالديكور حق السياره تحس انه ماهو مركب صح ...... وفيه شي خلاني اشك بالكامري انها من شركة دايهاتسو لأني وقت خروج الكامري كنت خارج السعوديه بأحد الدول الآسيويه البعيده وكان وقتها مسوين عليها عروض ورحت شفتها بالوكاله وصورتها ...وبعد العوده للسعوديه اكتشفت ان السياره تختلف عن اللي عندنا .....يعني الكامري برى هي الآريون عندنا...


أما بالنسبه للأكورد...
يوم طاح الحب اللي براسي من الكامري قلت أكورد ....ولحد يكلمني
رحت للوكاله قلت ابغى اللون اللؤلؤي قالوا لي مافيه تجي بعد العيد....((عيد الضحيه))..
وانقهرت مره وقلت هذا حظي...

بنفس اليوم قابلت خالي وقلت له السالفه ..
قال لي دفعت شي .. قلت لا

قال لي شف الأكورد حلوه ورزه وما أقول فيها شي لكن تذكرني بالبزارين اللي أذا جاء العيد راحوا رزوا احسن شماغ ماي فير ولا البسام 11 بس يبون الترزز

وثانيا: قالي اركب اكورد 2002 او 2005 وشف الديكور الداخلي تلقاه شين مايمسك شكله

واذا بغيت تبيعه ما تمسك قيمته وقطع الغيار نار((واحد من أخوياي صدم من الجنب كلفه التصليح 14000))
وقالي خذ فورد 2008 ...
قويه وراحه وراسيه وتمسك قيمته أذا بغيت تبيع وقطع الغيار تلقاها بالبقاله
ورخيصه ...

واخذت السياره والله مرتاح ...
ولها تقريبا معي 8 شهور اللهم زيت وبنزين ....
ولك القرار
(( اتمنى تعبي ما يروح سدا))

وشكرا....