من مبدأ الترويح عن النفس اخترت هذا الموضوع من احد المنتديات ولتنسى الجماهير الهلالية المباراه السابقة ولنفكر في يوم الخميس القادم.

الفصل الأول – مقدمة عامة
1- وحدة أول ما سمحوا بالسواقة راحت للمعارض تدور على سيارة الدركسون باليمين (طول عمرها راكبة يمين وصعب التغيير)
2- وحدة معييه تقطع رخصة (الوجة ما يساعد للصورة) وحطت صورة رجلها وكتبت عليها حرمه (مرته) من زين وجهه !!
3- وحدة حالفة يمين ما تسوق وفي الشارع رجال (سلم لي على المحافظين)
4- واحد عربجي حالف على حرمته ما تسوق تماتيك
5- ( ؟ )
6- وحدة تخاف تقلب الشريط تنقلب السيارة
7- ( ؟ )
9- واحد شايل المرايات من سيارة حرمته يقول تكفىاللي في الشنطة وشوله الاسراف .. !!
10- وحدة مغير الكنب حق المقاعد بمجلس عربي (تقول قعدة الضحى ما تسع الشلة) امحق شلة
11- وحدة ما تسوق الا اذا صار فيه مبارة بين الزعيم وفاطس نجد (تخف عليها الزحمة) ..
12- وحدة حاطه الميداليه قدر ضغط عيار 9( شي لزوم شي)

الفصل الثاني – في الصناعية (الورش + قطع الغيار)

1- وحدة طالبه لون الكفرات على لون الروج والطيس على لون أظافرها
2- وحدة طالبه بواجي من ياردلي
3- وحدة تطلب رمان بلي مقلم وبدون حب ما عندها سنون
4- وحدة تبي الكبوت تفته وزم عند الباب الأخير
5- وحدة تبي الماطور ورا والسبب ما تشوف اللي قدامها الكبوت يأخذ عليها مسافة (الله من زين الشوف)
6- وحدة تبي موية الرديتر من (كارتير) ووحدة عجوز تبيها موية ورد
7- وحدة تبي الزيت مخلط ملكي ومعتق بعد ..
8- وحدة من زود اللعانة حاطه الدركسون وراء علشان التضليل مسموح فيه ورا وبس .. يلعن ام البرقع . !!
9- وحدة ما تعلم وش تغيير لسيارتها من زيت (تخاف العين)
10- وحدة قال لها المهندس السيارة مشرقة قالت لا والله يا وليدي مغربة ..
11- وحدة قالوا لها القير يفصل على اي سرعة قالت والله ما رحت للمدرسة حدي السوق ..

الفصل الثالث – عند الأسواق

1- ولا وحدة تعرف تلبق (لا تفهمون غلط) وتشوف السيارات داخله في بعضها ولا يطلعونهم الا بونش
2- كل وحدة واقفه في سيارتها وتنتظر زوجها يطلع من السوق
3- فيه وحد سواقة ليموزين متضاربة مع وحدة تسوق باص والروج ملطخ الدنيا (راعيه الباص ما تعرف الروج (ديرم) ويخب عليها )
4- وحدة عند باب السوق معها لكزس وتنادي زوجها بعد ما نزلته (ابغير زيت وارجع لك)
5- وحدة على طريق الملك فهد تبيع كراث وكليجة ونعناع المدينة وكاتبة على السيارة لا للمغاتير ..

الفصل الرابع – في الدوام

1- واحد تمر عليه زوجته وتستأذن له (وليه أمره) .
2- وحدة تودي بزرانها الصباح ولا ترد الا الليل (تدوج)
3- وحدة اذا لقت موقف زين ترجع للبيت بليموزين علشان بكرة ما تتعب تدور موقف خاصة اذا كان جمب المدير ..

الفصل الخامس – منوعات

1- شرطيه ما وراها الا تمسك الحلوين أمثال ابورويشد وأول ما تسأل عن رقم التليفون والحالة الإجتماعية ؟؟
2- فيه وحدة مروجة مخدرات تلف بونيت أحمر بس على العيال وكلمة السر (الشكمان وردي)
3- شريطية بدل ما تحرج تغني لأحلام (راعي المعارض)
4- يجلدون الكفرات والشنطة ويحطون على الكبوت مريلة وعلى القزاز الخلفي إشراف المعلمة المحبوبة (أم الكراث) ومديرة مدرسة كراثكو المتحدة .
5- شفت وحدة تحاول في ابوها تسوق في البر المهم ان المحاولات جابت نتيجة مع الشايب بعد عشر دقايق والأسعاف محضر وسط البر البنت صادمه جدتها .. الجدة نايمة تحت الكفر .. بعد ما صلت للعصر قالت ابلين عظامي
6- دبدبوبة حاطه على سيارتها شريط أحمر ويم وفقفها المرور وش ذا اللي انتي حاطته قالت علشان المغزلجية يعرفون اني قليلة الدسم Low Fat وبعد حاطة على اللوحات ستاير طبقتين وفاتحة الجهة حقت الحروف د ب ب .. والستارة مغطية الأرقام تدرون ليش ؟
7- الصرعة هي : الحريم اذا يبون يصرفون فلوس من الصراف وهم في السيارة تخبرون حريمنا قصار بالحيل يعني الله لا يهين الكعوب وشلون تجي الوحدة تبي تصرف وشلون تبي تطلع مع القزاز المهم فيه وحدة ما وقفت زين بسيارتها طلعت نصف جسمها من زود الطول اول ما دخلت البطاقة رجلها انسحبت من على الفرامل (الطول عز) وصارت معلقة بالمكينة والسيارة باللي فيها (بعض الناس) فوق الرصيف ..
والمساند اللي حاطتها تحتها ما فيه داعي اتكلم عنها ..


* مثل * الكفر اللي ما يدور .. (يدوش) .. لكن عند الحريم (الكفر اللي ما يدور غيرة البواجي) .!
* مثل * يا جابت الكورلا للسودان ..
* مثل * ان كنتي ماشية في طريقين خلى كل واحد يروح لحال سبيله ..
* مثل * لو في التكاسي خير ما لونها اصفر ..
* مثل * الستبنه الفاضية تعمل قاضية (إغريقي متجم) ..

* مخرج * اتق شر من علمتها السواقة .. !