نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - (( يوميات رمضانيه " 4 " )) ..المصليــن ينـزعجون من تواجد فجر الرياض بينهم ...!!

المنتدى الاستشاري · #1 05/09/2008, 03:30 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "الرابع"
المتميزة" فجر الرياض"
لكي تحكي لنا احداث يومها مع شهر رمضان المبارك ..

بسم الله الرحمن الرحيم

عزيزي العضو/هـ بمناسبة حلول شهر رمضان المبارك
يطيب لنا تهنئتكم بهذه المناسبه المباركه متضرعين
الى العلي القديران يتقبل من المسلمين صيامهم وصالح اعمالهم
وكل عام وانتم بخير
< توها مكلمه انفصالاتنا العزيزه السعوديه

اجل قاطعين جوالي وانا دايم اسدد بدري وبرصيد اضافي بعض الاحيان

وهالمره فجأه فشلوني العالم يرسلون يهنون ويباركون
ويحسبوني سافهتهم

طيب نبهو قبل مو فجأه
مير احسن طلعت زين فالها النجاح

ترى الحكي اللي فوق حق اول يوم من رمضان

بس لازم اعلمكم تعرفون شغل المقدمات اللي توهق

المهم اممممممم يومي بدا من بعد الفجر

في هالوقت اكون جالسه ع النت وبالمسن مع البنات

كويس دخلت هالفتره بنت خالي لي فتره ماشفتها
وآخر مره كنت تعبانه ومارحت مع امي

طبعا تشرهت علي

وراك ماجيتي وراك ماتدخلين
المسن ياحبي لها ماخلت لي فرصه احكي

قلت لها اني ادخل بس مو نفس وقتك يعني الغلط منك

سولفنا شوي وطلعت

بعدها بفتره سولفت انا والبنات وجتني دعوه من الغاليه ريمو

لموضوع قيم

كنت مشغوله شوي دخلته وطلعت ماطولت

سوري ريمو الجايات اكثر

بعدها قفلت النت وسكرت الاب توب وجلست اقرا قرآن شوي بعدين نمت

تبون الصدق

سويت ساعة الجوال عشان اقوم بدري

والحق على اليوم مو إذا قمت الى مذن المغرب

جا العصر وصحيت على التنبيه انا عارفه اني
ماراح اقوم على تقويمهم لي عشان كذا سويت المنبه
طبعا حطيت غفوه وبعدها قمت

احس شكلي غلط قايمه هالوقت لا وداخله المطبخ

امي طالعتني مستغربه وش فيك تعبانه يعورك شي

انا لا ابد بس حابه اساعدكم

قالت لاخلاص جهزنا كل شي

انا لا يعني مابقى اي شي

قالت لابس لحظه ليندا سوي الفيمتو وانا اطمر

لاخليه
انا بسويه الشغاله عطتني نظره ناريه

ماتحب احد يجي
شغلها

شكلها تقول في نفسها وش تحسبه ذي قايمه الحين

قلت طالعي والا قعدي مسويته مسويته

وابشركم سويت الفيمتو

والله اني ناويه من امس اطبخ شي

حتى اسألو هنو

بس وش اسوي كل شي جهزوه بدري

المهم يوم سويته طلعت من المطبخ مافيه شي اسويه
وماحب هالوقت افتح التي في قلت خلني ابرك لي اقرا قرآن

عشان الحق على البنات واسبقهم

خصوصا صاحبة الفكره العنود

ولاتهون اللي توها تبدا

قريت يوم جت خمس ونص خلاص معاد اشوف لأني قايمه بدري

قلت خلني انوم شوي لما يذن نمت وصحتني امي على الآذان

بعد الفطور شفنا التي في بعدها دخلت النت شوي وحكيت مع لنو

وطلعت ماطولت
وصار وقت صلاة العشاء والتراويح

طبعا لازم اول شي اسويه احول جوالي ع السايلنت

لأنه صارلي هالموقف خلاني اتأدب معاد ادخل مصلى او مسجد الا سايلنت والا مقفل

كنا في احد المولات واذن المغرب ودخلنا المصلى نصلي
بدت الركعه الاولى والامام صوته حلو والكل خاشعين معه
فجأه رن جوالي

اغنيه صوتها عالي كل انواع الموسيقه فيها

انا تنحت هذا اكيد جوالي

بنت اخوي مغيره النغمه الفاشله ماتدري اني بدخل مصلى

مازال الجوال يرن وانا كني ماعرف الشنطه اللي قدامي

كويس جنبها شنطه تشبه لها يعني ماراح يعرفون انه جوالي

المهم اني تجمدت ماقدرت اتحرك واقفله خلاص احساس
كامل ميت هذا يقرا قران وهالجوال يغني معاد بقى شي

واسمع اصوات الإنزعاج من اللي يصلون خلاص خنقتني العبره

من وين القاها من هاللي يرن

والا من اللي إذا خلصوا مصلين
بيطيرون فيني

ويدعون علي

وش اسوي كل هالفتره وهو يرن وسكت ورن مره ثانيه
بعدين سكت وشوي وخلص الامام انا جتني حالة هدوء وصمت

جاني تفكير انا ساعدت الكفار هم يقولون بندخل الاغاني

في مساجدهم وانا الحين نفذت لهم

< بليس تكفى فارق والله مو وقتك توسوس

اختي التفت علي شافت شكلي وعرفت انه جوالي

طالعتني صاحيه انتي وش ذا اللي صار

انا خانقتني العبره تكفـــــــين خـــــــلاص

هي عرفت بعد هالصوت بيجي الصياح والدموع

سكتت خافت اصيح عليها وافشلها عند الناس

عاد الإمام مخلص من زمان والا كان يقولون خاشعه مع القران

فنصيحة مجربه تأكدوا من جوالاتكم قبل لاتدخلون المسجد

ماله داعي تكونون في موقف يفشل ويخوف ويحزن

اممممممم وين وصلنا ايه بعد التراويح رحنا المستشفى
عشان نزور بنت اختي ياقلبي عليك ياشادن شكلها يعور القلب

غذايه وابر والله ماتتحمل هذا كله الله يخفف عنها

بعد ماطلعنا رحت لبيت اختي ابغا منها شوية اشغال

بعدين رجعنا البيت وفتحت الاب توب وجالسه الحين اكتب اليوميات

وانتهى يومي يوم مثل كل البنات هنا مافيه شي جديد

اعذروني إذا كان اليوم سامج

بس عاد وش اسوي لكم طلع كذا يومي

في النهايه اشكر المشرفين والاستشاريين على كل الجهود
اللي يقدمونها والله يوفقكم

والله يتقبل من الجميع صيامهم وقيامهم وصالح اعمالهم
وكل عام وانتم بخير

كل الشكر

للمتميزة**][ " فجر الرياض.♥][ **

وانتظرونا غداَ مع
المتألقه حتى ظلالي هلالي .

أرق التحايا وأطيبها من
مشرفيي واستشاريي
المجلس العام