ياحظ ركز معاي شووي .!!
بسم الله الرحمن الرحيم
بالبداية مبارك عليكم الشهر ..
وعسـى الله أن يجعلـهـ خيـر لنا .. وللأمة الإسلامية
ويجعله خيـر لموقع الزعيـم البثـر مع احترامي لشخصـه وأعضائه
بصـراحة ما كتبتـ هالموضوع ألا بعد طوول انتظـار .. ومعاناة .. وفقدان أمل .. احباط ..أستمرتـ سنة وعدة شهوور .. واستـلاف يوزر 
فأنـا .. فـجـر! .. هلاليـهـ9 .. الخ من اليوزرات
أطال الله بعمري .. وأمدنـي بالصحة والعافيـة 
ومستقبلياً احتمال أني اسجل بيوزر عالميـة وكلـي فخر.!
لاتندهش عزيزي القارئ فما مررت به يحق لي أن أكون من أحد عشاق محمد نور
وذلك بسببـ القهر النفسـي الذي تعرضتـ لــه ..
فحقيقة استغربــ من شبكة الزعيـم
عن عجزهـا من تفعيـل يوزر هالفقيره المسكينـه محدثتكم : ( 
سجلتـ قبل ناس وتفعلوا الناس اللي بعدي وشاركوا ومسكوا مناصبـ 
واحدهم توقفـ
على طاري توقيفـ العضويـة .. قمت جزاني الله خيـر
بمناشدة احد الأعضاء لتفعيـل يوزري
ولكـن للأسف الشديد تسببت بايقاف أحد الأعضاء ..!
يعنـي انتبـهو تفزعون معــي هع هع هع هع
أنا مدري من ويـن المشكلـة
هو حظـي عاثـر والا حظي عاثـر
اتابع مواضيع الأعضاء في العام وفي الجمهور
وأحياناً أتفاعل ادوور بس شي مكتوبـ اضافة رد
تخنقنـي العبـره وأنا أحووس بالصفحه << بالله مااكسـر الخاطر 
والله ماتسوي علـي تفعيل عضويـة
مافيـه يوزر ماسجلت فيه انتظر.. وانتظر .. وانتظر .. وانتظر .. وانتظر التفعيل ولا جاءني
بكرا بيتفعلون عيالي وأنا ماتفعلتـ !!
حتـى أخوي والله العظيم تفعيـلـه ما أخذ يوميـن
ليه أنا لا ؟!
ليه أنا بصك السنتيـن خايسـه مع الزوار
راااح شبابـي ياجماعة الخيـر : )
وقبـل اسبوع تقريبـاً وصلنـي التفعيـل
حتى أني جلستـ صريعة الفراش << على وزن طريحة بس هذي اقوى
مدة ثمان وأربعين ساعـة وطقتنـي أم الركبـ ورعشـة في الأطرافـ 
بس يوم شفتـ تفعيل من الزعيـم 
وشكلهم يبون يراضونـي مرسلين لي ستين رسـاله
تعويض عن ماسبــق
ويافرحـه ماتمت فعلت العضويـة وقالوا أنتظري موافقـة الأدارة
والله ماتسـوي علـي ؟!
لو أني قايلـه بلعبـ مهاجم مع ياسر القحطانـي كان تمتـ الموافقة أسرع من التفعيـل
اعتزلوا لاعبيـن كان ودي أبدي رأيي فيهم << مسويه مهمه
وحضروا لاعبيـن واعتزلوا مره ثانيـه وأنـا ليما الحين مابعد قلت رأيي !!
راح محمد بن فيصـل حسبي الله على العدوو وأنا مابعد شكرتـه ونزلت موضوع فيـه !!
يحق لأي مشجع هلالي وعاشق للزعيـم ابداء اراءه
والتفاعـل ومعايشة الأفراح مع بعض
وأنـا لا ؟!!
وقسمن باللـه ماانقهـرت قهـر مثـل قهري في حفـل اعتزال سامـي
وعلى طاري الحفـل .. أحبـ أشكر oxsal على مقاطعه لسامـي
صراحة ابدااع لما اشهدهـ من قبـل
وكنت متفاعلـة ومسوية لسامي كم فيديو وحالفتـن ماانزلها الا بالزعيـم
بس أحبطتووني أنتوا والتفعيـل 
بيعتـزل عبدالله بن سامـي وأنا انتظر موافقة الأدارة على تفعيل عضويتي
وقولوا فجـر ماقالت !!
وإدارتنـا الجديده كان ودي ابدي رأيي فيهم << ياذا الرأي
وأعطيهم اقتراحاتي المستقبليـه وخططي المدروسـه لمستقبـل الزعيـم
بس للأسفـ راحت عليـهم : )
تفاريس ودعنـا وأنـا انتظر التفعيـل
كماتشو الله يذكـره بالخيـر .. تذكرونـه ؟!!
كنت بعد أبغى أبدي رأيي فيـه وودعنـا وأنـا ماتفعلت ؟!!! << أتوقع ماتفعلت بسبب ارائي المهمـه ؟!!!!
بليييييز لايروح التايبـ وأنا انتظر التفعيـل
ولايرحـل ياسر وأنا أنتظر رأفة الأداره فينـي ..!!
والله ماجاء في بالـي أكتب موضوع ولافكرت بس مليت .!
وحامت تسبدي وكرهت منتدى الزعيـم
وحقدت على الإداره والمشرفيـن
وعلى طاري المشرفين << ياكثرها بس
أحب أبارك لأخوي ماجد مقبـل على الأشرااف 
وبشر عسى بس لقيت قطوتكم << ماصدقت تلقى مساحة رد خخخخخخ
ومباراتكم الأولى اللي فزتوا فيها على العالمية 5/1مبرووك تستاهلون
وخصوصاً خشم المشاغب ماقصـر 
ومباراتكم الثانيه بعد مبروك3/1 تستاهلون .. << صباح الليل << مسكينه عطوها جوها ..
ماأبـي أطول بالموضوع وأتذكر مواضيـع سابقـة
وجروح قديمة تتفتح لـي
بس أبي رأفـة ادارة الزعيـم وموافقة تفعيلـي
أعتقد ماطلبت شــي
وبالنهاية أحب أشكر بعد تسبدي SANDRA
لأتاحت هالفرصـــة لـي
وأشكر اعضاااء الزعيـم اللي مروا علـى متصفحي
سي يوو ..
اختكم // فـجـر! 
اخر تعديل كان بواسطة » الهلالي دائماً في يوم » 04/09/2008 عند الساعة » 10:55 PM
السبب: عملية تجميل للعنوان :)
| 