مرحبتين شباب

كيف رمضان معكم

والله يا عيال صار فيني موقف اليوم

يوم شفت خيمة رمضانية قلت ياولد اسدحها هنيا لتلطيف الاجواء

طبعا يالربع انا مسميني الشايب مخربهم

لاني دايم ابتدع الخراب

زقاير واغاني و طلعات

وما اروح للمسجد الى اخر ركعة

طبعا الحمد لله الحين انتظمنا بالصلاة بس هو الفكرة موب راضية تتغير من راسه

المهم جاني اليوم الظهر يقومني لصلاة الظهر

مرة مرتين ثلاث ما قمت

قوم وجب العصا

خيزرانه جديدة شاريها عشاني الله يحفظه

وعطني لسعتين لني قايم غلى طول

المهم حنا المسجد الي جمبنا توه فاتح بعد الصيانة

والمكرفونات لكم عليها

ويجيك ابو عابد طااااااير على المسجد

طلعت من البيت ما سمعت صوت

قلت اكيد خلصوا

قلت يا ولد رح صل مع جماعة ثانية

المهم واجي ما فيه الا بنقالي قدامي يمشي

دخلت المسجد لقيت الناس جالسين والي يتسنن قلت خلصو بس خلني اصلي مع البنقالي

واجي مطفي النور واوقف جمب البنقالي لاصقن فيه

وابن الذين مغير ينقر الصلاة

والله سرعة ميب طبيعية

وانا توني قايم من النوم وعلى قول المصارية وسطي اتقطم

يوم ضربت بعيني لاخوي الكبير جالس على جمب

انا خابره يصلي الفرض ويطلع على طول ولا سنة ولاهم يحزنون

قلت اجل انا مفوت

واعود ما ابي احد ينتبه لي اوخر بشويش من جمب ذا البنقالي

الين ابعدت

يوم طلعت اثر الشايب انتبه لي

واستلمني تهزيئ

انت مهبول تصلي سنة جماعة

قلت عاد راحت

الله يعين

ونعيش وناكل غيرها

وسلامتكم