| من الملاحظ على الريال من بداية المسعكر الي مباراة السوبر
يستقبل اهداف سريعآ في كل مباراة وغير كذا دايمآ الريال يستسلم للخصم
واقصد بهذا الشي ان الوسط دايمآ يكون مملوك للخصم نادر ما اشوف الريال
ماسك النص ومجبر خصمه على الرجوع سواء الشوط الثاني من مباراة السوبر
في البرنابيو وغيرها ماشفت ابد لا ادري هل هذا ضعف من الوسط المدريدي...!
//
والشي اللي يحزني اكثر هو ضعف الريال في الكورات العرضيه..
الضعف من الحارس الي المدافعين بالعربي اي عرضيه صرت امسك
قلبي ولله العظيم بعد ما جاء هدف الريال وجاءة ضربة الركنيه قلت في
نفسي انتبهو من هالضربه وكأن احساسي في محله الكرنر جت هدف
لابد ينبهم شوستر على نقطة الضعف الواضحه على الدفاع المدريدي..
//
بالنسبه لنجوميه المباراة..
أشوف ديـارآ هو النجم وبصرحة تطور اداءه كثير عن العام الماضي..كبير يابوحميد
,,
كاسياس..غريب اليوم كثيره اخطاءه بس عودنا ايكر بعد كل انكسات يرجع احسن من اول
هاينزا..من نجوم المباراة بصراحة قتاليه وابداع ميزته يلعب بالروح التي يفتقدها بعض الاعبين
بيبي..من ابرز المتسببين في اهداف الديبور اليوم وساعات يكون نكبه وكثير شفنا تمريرات خطى منه
راموس..جيد وماقصر بس ما يترك اسلوب الاطفال في الكروت المجانيه واللعب باليدين..ركز شوي
ديـارآ..نجم نجم والله ابدع بكل مكان بس يعاب عليه بطى في التمرير ويضل نجم الريال في المباراة
جوتي..من اسوء الاعبين قتل العديد من الفرصه تسبب في هجمات مرتده على الريال..مكانك الدكه
هواجين..هذه اسوء مباراة له وما الومه بصراحة مو مكانه ولا تتوقع انه راح يقدم في هالمكان شي
روبين..من نجوم المباراة وكثير ما سبب ثغرات بس ماحوله احد بس يعاب عليه كثرة الانانيه..
الرود..يوم وراء يوم تثبت انك كبير ونجم صعب تعويضه بصراحة كل يوم يزيد حبي للهولندي..
راؤول.. ياخي ارحمنا اعتق الكوره اعتزل شف لك شغله ثانيه, يالله ياكريم برمضان هذا اسمع خبرحلو
بأسم راؤول اصابه طويله اي شي بس يفكنا من لعبه واداءه السي..الي متى راؤول اساسي الي متى..!؟؟
,,
عادي لو عدا هذا الموسم بلا بطوله..فـ الكتاب باين من عنوانه  | 