إقتباس فلا بد أن يعرف المدرب من هو نواف النجم الكبير بلعبه وأخلاقه، حتى يدفعه من بداية المباريات ويعطيه الفرص وليس الفرصة لكي يقدم مالديه من فن اللعب والتمريرات الرائعة التي لا يجيدها إلا اثنان هما الفيلسوف يوسف الثنيان ثم نواف التمياط، الحقيقة بوجود اللاعب الدولي طارق التايب الذي أنسى الجماهير مشكلة الوسط نسي البعض بل وأجحف البعض بقدرات نواف الذي كان ومازال اللاعب المميز في طريقة لعبه وصناعته للأهداف ولا يحتاج هذا مني زيادة إيضاح

صدقت والله وربي كلام في الصميم ...

إقتباس ولكن اقولك شي ان الهلال مرت علية اجيااااااال ونجووم افضل من نواف (طبعآ المراهقين مافتحو عيونهم الا على نوواف نعذرهم)

خخخخخخخخخخخخخخخخخخ شر البلية ما يضحك فعلا الناس عقليات ياخي

انا الآن عمري فوق ( 32 ) سنة ومن طلعت وانا مااعرف الا الهلال وحب الهلال

ومروا علي لعيبة كبار امثال صالح النعيمة والثنيان والتخيفي وغيرهم ومن ضمنهم

( صفوق ) اخو نواف ليه ما قلنا على كلامك ( ياعاقل و يا كبير ياللي مو مراهق )

ليه ما قلنا صفوق وصفوق مع انه بنظريتك انت ( صفوق اكشخ ) من نواف ..

احنا يا عزيزي نحب نواف لفنه واخلاقه وذوقه ولمساته اللي شكلك انت توك مالحقت

عليها انت شكلك من جيل محمد العنبر والصويلح يعني توك طازج ...

انا شخصيا احترم نواف حتى النخاع ولازلت اقول نواف لديه الكثير ليقدمه بس بيني

وبينكم مادام فيه عقليات مثل عقلياتك انت ومن هم على شاكلتك فبصراحة انا اللي انصح

نواف انه يعتزل لانه بكل بساطة اعتزل الجمهور اللي يحب الهلال عن جد مع اعتزال الثنيان

وصالخ النعيمة وغيرهم واذا اعتزل نواف اعتقد اني باعتزل تشجيع الزعيم مو عشان نواف

لا عشان جمهور الهلال الحقيقي اللي يحبه اعتزل وانا باعتزل معهم ...

اسف للاطالة بس بصراحة الكلام والتجريح في نواف كثر وطال ..

وانا معك ياخي كاتب الموضوع قلبا وقالبا وشكرا لك ...