هلا عبود ورده
أولاً أشكرك على هالموضوع .. نحتاج لمثل هالمواضيع و أهنيك عليه ورده
السبيرز بتعاقداته الأكثر من رائعة .. و بخماسيته على روما و نتائجه الجيدة في الوديات .. ذهب روبي كين و استلج دارين بينت .. طبعاً في الوديات .. تخيل انه مسجل 11 هدف في 6 مباريات .. عدد كبير جداً
يعني الفريق كان يوحي لنا بأن انتقال روبي كين أمر عادي .. و بأن الفريق بتعاقداته و بمدربه المجنون قادر على إحداث ثورة في الدوري الانجليزي
لكن اللي صار هزيمة أول من البورو .. و بصراحة اللي صار في هذيك المباراة كان من فعل خواندي راموس .. بقاء بيربا في دكة البدلاء .. و عدم إشراك جاريث بال .. و تغيير مركز زاكورا للظهير الايمن .. و إبقاء مودريتش في المحور لأني كنت اشوفه يقوم بأدوار دفاعية أكبر
يعني الدعوة مختبصة بسبة خواندي راموس .. المباراة الثانية ما شفتها لأنها كانت متعارضة مع مباراة الريدز .. اها قبل هالشي .. المباراة الاولى مشكلة راموس انه خبص الامور و كان مقابل له فريق منظم بشكل رائع
و زي ما قال عبدالعزيز الفريق يحتاج للصبر .. و لا زلت اراهن على هالفريق و اقول انه بينافس و بقوة على احد المراكز من الثاني للرابع .. و الاغلب انه بينافس على الرابع و هذا اللي يبيه هالفريق
بس تنتهي سالفة بيرباتوف بنهاية يوم الأحد الجاي و بعدها بنشوف السبيرز بأداء مغاير لأن بيربا احد اهم الاسلحة الهجومية و يفرق كثير في اداء الفريق هجومياً حتى أحياناً يفرق دفاعياً
يعني بإختصار .. يعيد راموس الامور كما كانت بإعادة زاكورا للمحور و إعطاء مهام هجومية أكبر لمودريتش .. و تنتهي سالفة بيربا وقتها إن شاءالله بيرجع الفريق أفضل من السابق
بس مصيبة اذا انهزموا المباراة الجاية .. بتشكل صدمة قوية و مدري بيصحون او لا .. بالرغم من ان المباراة قدام تشيلسي و احتمالية الخسارة واردة بقوة لكن المشكلة انها بتكون الثالثة على التوالي
مشكور ورده
