[ALIGN=CENTER]..الســلامعليكمورحمةاللهوبركاته..

..وأسعداللهأوقاتكــــمبكلخــير..

[/ALIGN]

[ALIGN=CENTER][TABLE=width:60%;background-color:transparent;background-image:url(backgrounds/22.gif);border:3 solid burlywood;][CELL=filter:;][ALIGN=center]<>> .. البحث عن النتــائج .. <<>[/ALIGN][/CELL][/TABLE][/ALIGN]

[ALIGN=CENTER]خـلال اليومين الماضيين كانت هناك أزمة
للبحث عن نتـائج الثانوية العـامة ..
8
8
8
اللي يشـوفهم يقـول راح يتوظفون كلهم أول مايستلمون الشهادة ..
أو راح ينقبلــون في الكليــّة اللي يبونهــا ..

على طــاري الكليـات .. والرغبات ..
أذكر فيه واحد قبل كم سنة قـدّم على جامعة الملكـ سعود ..
أعتقد قال إن الإستمارة فيها ثلاث رغبــات ..
والولــد نسبته حلوه وقتها ..
ولا الحين ماتوكله عيش .. ولا حتى تونه ..

المهــم .. وبكل ثقــة .. حط الرغبات الثلاث :
- عـلوم حاسب ..
- هنـدسة ..
- عــلوم ..
وطبعاً نسبته تؤهله إنه يدخل هالثــلاث كليات .. << أجل ليش مختارها
يقــول .. ويجي يوم المقابلة الشخصيــة ..
وشـــاف اللي أجــرى المقـــابلة ..
ودرى إن فيه كارثة في الطريق ..
بس وش هالكارثة ؟ .. الله أعلم ..

وبــدأت المقابلة :

يقول سألني أول ســؤال :
* وش تقــرأ من الجرائــد ؟!
يقول أنا ذيكـ الأيــام ماأقرأ إلا فواصل .. والمختلف .. ولا أعرف جرائد ولا كتب
قلت خلني أتفلسف عليــه .. وأســوي سياسي ومثقف ..
المهم قال له : أقــرأ ( الحيــاة ) و ( الشرق الأوســط ) ..

وعلى طــول سأل ..<< تقول مقروص:54:
>> عاد الولد وقتها يحسب الجامعة ماعقبها إلا الجنّة .. ومتحمس
ليه تقرأ الحيــاة ؟!
يقــول من الخوف نسيت إني قائل له الحيــاة ..
ورديت عليه : أي حيــــاة ؟!
هههههههههههههههههههه
بغى يقــول .. والله مهوب أنـــا ..

يقول والله مــير يسكت ..<< وترتفع الموسيقى التصويرية
قلت في نفســي .. الحمد لله قضينــا ..

وطـــــــوّل بالسكوت ..
ويطالع من فوق النظارات << ماكنّه في معتقل

وفجـأة قال : وش تشجع .. هلالي ولاّ نصــراوي ؟!..
يقول بلشت ودي أعرف وش يشجع هو .. علشان أختار فريقه ..
>> عاد خوينا مــاله بالريــاضة .. << يسمع بها ..
والله ويــرد .. اشجع المنتخب ..
اللي فازوا أولة العام.. << وهالسنة أبد مايشجعهم

يقــول ورجع لحالة السكــوت ..<< موسيقى تصويرية صاخبة
وبعد عشر دقائق .. قال خلاص .. خل اللي عقبك يدخل ..
وأنت أنتظــر الأسماء بالجرائــد ..
بس أنتبه ترى ماتطلع بالحياة ..
يقول وأرد أمشي مليون : أي حيــاة ؟
قـال خلاص .. خلاص .. تسهّل وخل اللي بعدك يدخل ..
يقول وأمشي على ورى .. << يخاف يسأله مرة ثانية ..
لين طلعت من المكتــب ..

يقول وشهرين أتحــرى النتائج ..
وكل صبح وأنا رايح أدور الجرائــد ..
لين طلعت النتائــج ..
وأجي على كبوت السيارة .. وأفتح الجريدة ..
إلا أزيــن ماأشوف اسمي .. << من زين اسمك عاد
يقول وأشوف الكليــّة بغيت أخش بالأديتر .. من القهــر ..
طــالع اسمه في ( العـلوم الإدارية )
عاد يقول أنا عادي .. دارس .. دارس الله لا يعوق بشر ..
على الأقــل فيه مكافــأة شهريــة .
بس اللي قاهـــرني ..
وش دخل العلوم الإدارية بالرغبات اللي أخترتهن ..؟!
معقوله ثلاث كليــات .. وتقبل نسبتي .. ولا وحده طلعت فيها ؟
ويبي يقنع نفسه بالقوة .. إن اللي حصل منطقي

قال اهاااا .. الحــين عرفت السبب ..
والله واسأله .. وشو بشــــر ؟
7
7
7
قال علشانني أقــرا الحيـــاة ..
>> ومن يومهــا .. وهو مايفوته ولا عدد لجريدة الحياة ..
حتى أذكره أيامها معلق صورة ( جهاد الخــازن ) بغرفته ..

عــاد مايقرأها .. يحــل الكلمات المتقاطعة وخلاص ..
وبصــراحة .. هالسنة خائف على خريجين الثانوية
يرفعون من مبيعات جريــدة الحيــــــــــاة ..
8
8
8
المشكلة مهوب هالحين والله ..
بعد الجامعة مدري وش يبي يقرون ..
8
8
8
أنــواع التحطيم ..
هههههههههههههههه
لا إن شاء الله يوفق الجميع بالجامعة
وبمرحلة مابعــد الجامعة ..
وفي شتى مجالات حياتكم ..
ترى هالسالفة .. لا أساس لها من الصحة ..
[/ALIGN]


[ALIGN=CENTER]
تخــاريف
[/ALIGN]


[ALIGN=CENTER]

أفضــل مكان لرسم إبتسامتكـ ..
بكل تأكيـــد .. على وجـوه الآخريــن ..



الحــب ..
لحظـــات ...
لحظة بين الحيــاة والموت ..!
ولحظــة نعيشها .. نسعد بهــا .. ثم بأيدينــا تمـوت ..!
ولحظــة نموت فيها كثيراً .. ونتألم بها .. ثم تنتهي ونمــوت ..!



الفــراق ..
ليس لحــظة .. بــل قرنٌ من الزمــن ..
يقضــي على كل لحظــات الحب .. ويلبسها الكفــن ..!



الأمــل ..
ضحيــّة بني البشــر ..
في قلوب بني البشـر ..!



الذيــن ليس لهم ميــول رياضية ..
ولم يتورطـوا في مسألة التشجيع الرياضي .. << مثلي يعني ..
لو سالناهم .. من أي شئٍ يتضايقون أكثر ..
لردوا : << أسرع من خوينا بالمقابلة ..
( من مضاعفة المكأفــأت ) .. بعد المباريــات ..
لذلكـ .. لا تسألوهم .. ثم يجيبــون أكبر شوي ..

[/ALIGN]

[ALIGN=CENTER][TABLE=width:60%;background-color:transparent;background-image:url(backgrounds/22.gif);border:3 solid burlywood;][CELL=filter:;][ALIGN=center]<> .. آخــر خبر .. <>[/ALIGN][/CELL][/TABLE][/ALIGN]

[ALIGN=CENTER](( أثبتت دراسة علمية جديدة أجراها العلماء في كلية لندن الجامعية أن
الأشخاص الذين يقعون في الحب ليسوا عميانا فقط بل وحمقى أيضا
ولا يفكرون على الإطلاق .

وأوضحت الدراسة أنه بعد إجراء عدد من المسوحات الدماغية
باستخدام التصوير الوظيفي بالرنين المغناطيسي لعدد من المحبين
عند عرض صور أحبائهم أو أصدقائهم أن الأشخاص الواقعين في الحب
أظهروا نشاطا أقل في أجزاء الدماغ التي تتحكم في التفكير
وتسيطر على المزاج بينما تَركّز أكثر النشاط في المناطق الدماغية
المسؤولة عن العواطف والأحاسيس والمشاعر عند مشاهدة صور الأحبة .

ووجد الباحثون أن الحب ينشط مناطق دماغيه قليلة وصغيرة جدا على عكس
الاعتقاد السائد بأنه يؤثر على أجزاء أكبر وذات مسؤوليات أكثر .

وقد استندت الدراسة التي عرضت في اجتماع الفيدرالية الأوروبية
للعلوم العصبية على متابعة الحالات العاطفية والمسوحات
الدماغية لـ 17 متطوعا 11 من الإناث و6 من الذكور
في العشرينات من العمر، ممن وصفوا أنفسهم بأنهم
واقعين في حب حقيقي وجارف بعد عرض مجموعة من صور أحبائهم
عليهم وصور أخرى لأصدقائهم المقربين .

وأظهرت النتائج أن الحب نشط أجزاء الدماغ المسؤولة عن الحدس
والبديهة والشعور باضطرابات المعدة والاستجابات الدوائية
ولكنه ثبط نشاط المناطق المسؤولة عن التفكير والإدراك .

وأفاد الخبراء بأن هذه الدراسة تعطي تفسيرا معقولا
للسبب الذي يكمن وراء التصرفات الغبية والحمقاء للمحبين
الذين لا يستطيعون الحكم جيدا على الأشياء بسبب ضعف
نشاط المنطقة الدماغية المسؤولة عن ذلك .

وإذا كان الحب يعطل تفكير الإنسان يرى الباحثون
أن من المستحسن عدم الوقوع في الحب إذا كنت
طالبا أو معلما أو محاضرا جامعيا أو عالما . )) إنتهى .
8
8
8
يعني اللي مانجحـــوا ..
رايحين في الرحــلة ..

أي حيــاة ؟

ههههههههههههههههه
هههههههههههههه[/ALIGN]

[ALIGN=CENTER][/ALIGN]

[ALIGN=CENTER][TABLE=width:70%;background-color:transparent;background-image:url(backgrounds/15.gif);border:2 ridge sienna;][CELL=filter:;][ALIGN=center].. ختامهــا بــدر ..


أفـارق هـالنجوم الـطايحه
بـين السما والقاع ..
وفــي قـلـبي مــن الأوجـاع مـا يـكفي
وفــــــي قــلــبـي أفـــــارق ..
ورا هـذي الـجبال سفوح وعيونٍ مالها عيونك
ولا قـــــــلــــــبــــــك
أسـافـر كــل قـلبي جـروح وانـا أحـبك
أبـــي لا طــبـت طـفّـيـتك حـرايـق
حـزين الـلي تركت البارحه وجهه على كفوفك
غـــســل بــدمــوعـه طــيـوفـك
غـرسـتي فــي قـلبه حـروفك بـيارق
ولـــــو بــيـديـنـي غــيــرتـك
ولـو مـثلك فـي هـذي الأرض ضـيعتك
ودوّرتــك ..
ولـكـن إنـتـي غـير ..
إنـتي وانـــا مــثـل الـخـلايـق
أفـــارق ..
ودايـــم قــصـة الـعـاشـق قـديـمه..
مـثل كـل الفصول ..
اللي على مر الزمن تنعاد..
عـــزانــا والــدمــوع جــــداد..
لأن الـشـمس وحــده ويـا كـثر الـمشارق
فـي دروبـي رمـل لامـن جـيت ساري ..
يـنـبت الأشـواك لامـن رحـت سـاري ..
صـاحبي ماجيتك إلا وفي طريقي من ربيع العام
نـــــــــوّار وخــــبــــاري
ولا تواعدنا وبه في الأرض زهره ولا تفارقنا
وبه لـــلـــبـــرق طـــــــــاري
لا تـأخـر دام لــي فـي الـعمر سـاعه
ولا تـقـدم لـيـن أشـوفك فـي انـتظاري
الـزمـن ورده سـهـرت أحـسب ورقـها
وإن قـضا مـاجيت فـي دمـوعي عواري
حـبّـني كـثـر الـلـذي نـلـقى بـوعدنا
مــن ظــلال وريــح ونـجوم وغـداري
صـاحبي مـثل الـخجل لـو تـكتسي بـي
قـبـل أصـيـر الـشال يـذهلني انـحساري
يـاقـريـب الـبـعد لـلـشكوىأسـامـي
الـجـفا ..
والـخـوف ..
وآخـرها حـذاري
وانــت لـو خـان الـزمن بـقول وافـي
لا أنــــــــــا تـــــركــــي
ولا أظــــنـــك مــــشـــاري..!!
.
.
.
بدر بن عبدالمحسن[/ALIGN][/CELL][/TABLE][/ALIGN]


[ALIGN=CENTER][/ALIGN]

[ALIGN=CENTER]وللجميـــعأجملتحية..[/ALIGN]